Telegram kanalimizga aʼzo boʻling

Chet tillarini samarali o'rganish uchun bepul ilovalar

Ushbu maqolamizda sizlarga xorijiy tillarni o'rganish jarayonini qiziqarli va oson qilib beruvchi foydali ilovalar haqida aytib beramiz. Ilovalardan Ingliz, Rus, Arab, Nemis, Fransuz va ko'plab boshqa tillarni o'rganishda foydalanishingiz mumkin.

Butunlay yangi tilni oʻrganish, uning grammatik tuzilishi va umuman notanish soʻzlarini yodlash yangi oʻrganuvchilarni biroz zerikishiga va tillarni oʻrganish qiyin ekan degan tushunchaga olib kelishi mumkin. Aslida, esa har bir narsani qiziqarli qilib, oʻz xarakteriga qarab tanlov qilib osongina oʻrganib olish mumkin.

Masalan, yangi til oʻrganayotganda kimdir soʻz yodlash orqali, kimdir gapirib mashq qilib, kimdir eshitib videolar, kinolar koʻrib oʻrganadi yoki har kunlik qiziq voqealarni yozib borishni yoqtiradi. Demak har qanday til oʻrganishda:

  • Vocabulary – soʻz boyligi
  • Grammar – grammatika
  • Listening – tinglab tushunish
  • Reading – oʻqish
  • Speaking – gapirish muhim elementlardan hisoblanadi.

Hozir esa yuqoridagi 5 ta muhim elementni birlashtirib xuddi native spikerlardek gapira olishingizga yordam beradigan mobil ilovalar bilan birma-bir tanishib chiqamiz. Quyidagi ilovalarni barchasi foydalanuvchilarni qiziqishlari va darajalariga moslashgan. 

 

Duolingo

Duolingo — bugungi kunda 9.6 million aktiv foydalanuvchilarga ega eng mashhur va keng qoʻllaniladigan ilova hisoblanadi.

Afzalliklari:

  • Bepul
  • Barcha darajadagi oʻrganuvchilar: beginner, intermediate, advanced foydalanish imkoniyatiga ega
  • Mashqlar turli xil mavzularga moslab chiqilgan
  • Oʻqish, yozish, gapirish, tinglash – barchasi uchun mashqlar mavjud
  • Kunning istalgan vaqtida istalgan muddat foydalanish mumkin
  • Har bir bajarilgan mashqdan soʻng harakatlanuvchi odamcha shaklidagi animatsiyalar foydalanuvchiga oʻziga xos emotsiya beradi. Masalan mashqlarni yaxshi bajarsangiz animatsion odamchalar harakatlanib sizga tabassum qiladi va zoʻr deb ishora koʻrsatadi

·  Har safar sizga notanish boʻlgan soʻzlarni turli ranglarda ajratib koʻrsatadi, bu esa foydalanuvchiga aynan qaysi soʻz yangi ekanligini osongina bilib olishiga yordam beradi

Nega bu ilovadan boshqalariga qaraganda samarali va foydaliroq?

  • Har bir bajargan mashqingiz uchun ball beriladi va bu doimiy kunlik, haftalik tarzda davom etadi. Masalan, dushanba kuni barcha mashqlarni va testlarni bajarib 60 ballni yigʻsangiz, seshanba kuni 80 ball yigʻishga harakat qilishga undaydi;
  • Duolingo ilovasi orqali xalqaro foydalanuvchilar bilan jamoa tuzib oʻzaro kim eng koʻp ball yigʻish musobaqasini tashkil qilish mumkin.

Qanday ishlatish mumkin:

  • Dastlab saytga kirib roʻyxatdan oʻtish yoki shunchaki kirib sinab koʻrish mumkin. Saytga ilk bor kirganda darajangizni aniqlab olish uchun test topshirasiz va shunga qarab foydalanishda davom etasiz.

Ilovani yuklab olish: Android tizimi uchun, iOS tizimi uchun, Windows uchun.

 

Keyingi ilovamiz esa tilni ilk bosqichlarini oʻzlashtirishga ulgurgan va maʼlum bir grammatika qoidalaridan xabari bor foydalanuvchilar uchun moʻljallangan:

Hello English

Hello English – bu ilova orqali til oʻrganish jarayoni yanada interaktiv qiziqarli boʻlishni boshlaydi, yaʼni bunda foydalanuvchi darajasiga qarab audio kitoblarni tinglashi, qiziqarli kontentga ega videolarni tomosha qilishi mumkin.

Afzalliklari:

  • Bepul videolar, darajangizga mos audio kitoblarni yuklab olib eshitish mumkin;
  • Oʻrganilgan mavzular boʻyicha oʻyinlar oʻynash;
  • Koʻproq interaktiv boʻlganligi sababli oʻrganish jarayoni qiziq boʻladi.

Qanday ishlatish mumkin:

 

Darajangiz ancha yaxshilanib olganidan soʻng esa, endi xabarlarni va turli mavzudagi suhbatlarni eshitish orqali til boyligingizni yanada boyitishingiz mumkin bunda esa quyidagi ilova yordam beradi:

FluentU

FluentU – ushbu ilova orqali dunyo boʻyicha eng koʻp tarqalgan tillardagi video suhbatlarni subtitr bilan koʻrish mumkin. Bu ilova koʻrib oʻrganish qobiliyati (Audio-visual learners) kuchli oʻrganuvchilar uchun oʻz qulayliklariga ega.

Afzalliklari:

  • Mavzular doirasi juda keng: turli reklamalar ulardagi musiqalar va videolarni, suhbatlarni tinglash mumkin;
  • Videoni koʻrish davomida soʻzlarning subtitr chiqib turadi va tushunishda qandaydir muammoga duch kelsangiz ana shu soʻzni ustiga bosilsa soʻz maʼnosini osongina topib olish mumkin boʻladi;
  • Bepul va pullik holatda ham foydalanish imkoniyati.

Qanday ishlatish mumkin:

Ilovani yuklab olish: Android tizimi uchun, iOS tizimi uchun

 

Maʼlum bir mavzularda lugʻat boyligiga va fikrga ega boʻlganingizdan soʻng oʻrganganlaringizni ingliz tilida erkin muloqot qila oladigan foydalanuvchilar bilan suhbatlashish orqali oshirish imkoniyatida ega boʻlasiz. 

HelloTalk

HelloTalk – bu ilova orqali ingliz tilida erkin soʻzlashadigan va turli mavzularda suhbatlasha oladigan doʻstlar orttirishingiz mumkin.

Afzalliklari:

  • Til oʻrganayotgan odam nafaqat oʻsha tilni, balki shu tilda soʻzlashuvchilarning ham madaniyatini oʻrganadi. Bu ilova esa shu ajoyib imkoniyatni taqdim etadi;
  • Oʻzingizga doʻst topib oʻsha inson bilan SMS, ovozli xabar va video suhbatlarni bevosita amalga oshirishingiz mumkin;
  • Siz oʻrganayotgan tilda gaplashadigan yangi doʻstlar orttirasiz, madaniyatiga oid savollar boʻlsa soʻrash imkoniyati mavjud.

Qanday ishlatish mumkin:

Ilovani yuklab olish: Android tizimi uchun, iOS tizimi uchun

Blogni til oʻrganishning foydali jihatlari haqida 2 ta asosiy fakt bilan tugatmoqchimiz:

  • Agar siz bitta til bilsangiz 1 ta odamsiz, agar 2 ta til bilsangiz 2 ta odamsiz. Demak, yangi zamonaviy xorijiy tillarni bilish sizga juda katta imkoniyatlar eshigini ochadi;
  • Til oʻrgangan insonlarning miyasi doimiy ravishda yangi neyronlar birliklarini hosil qiladi va bu miyani yosharib teran fikrlay olishida asosiy funksiyalardan birini bajaradi. 

Xulosa: Barchaga qaysi til boʻlishidan qatʼi nazar qiziqishlariga moslab, bu jarayonni xuddi oʻyin yoki musobaqa shaklida bajarib koʻrishlarini tavsiya qilamiz. Til oʻrganish shaxsiy rivojlanishingizda ham muhim rol oʻynaydi. Yuqoridagi eng sara ilovalar esa sizga bunda, albatta, yordam beradi deb umid qilamiz!

Telegram: https://t.me/grantgouz 

Facebook: https://www.facebook.com/grantgouz/ 

Instagram: https://instagram.com/grantgouz 

Telegram kanalimizga aʼzo boʻling

Maqolani ulashing

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar