The Geneva Challenge 2026: talabalar uchun Shveysariyaga sayohat qilish imkoniyatini beruvchi xalqaro tanlov

The Geneva Challenge — The 2026 Advancing Development Goals musobaqasi magistratura talabalari uchun yoshlar imkoniyatlaridan kelib chiqadigan muammolarni hal qilish uchun innovatsion va pragmatik yechimlarni taqdim etishga va butun dunyo boʻylab magistratura talabalari oʻrtasida fanlararo hamkorlikni ragʻbatlantirishga qaratilgan. 

Dasturning bu yilgi mavzusi: “The Challenges of the future work”

Ushbu tanlovda magistratura talabalari 3 nafardan 5 nafargacha aʼzodan iborat jamoa tuzgan holda ishtirok etishlari mumkin. Tanlov ishtirokchilari nazariy jihatdan asoslangan va “Migratsiya muammolari” dan kelib chiqadigan muhim ijtimoiy, siyosiy yoki iqtisodiy muammoga pragmatik yechimlarni taklif qilishi kerak. Shuningdek, innovatsion amaliyotlar, jarayonlar yoki texnologiya bilan bog'liq loyihalarni ishlab chiqishi talab etiladi.

Tanlovga taqdim etilgan ishlar uch bosqichda va ikkita alohida hakamlar hayʼatida baholanadi.

Finalga chiqqan jamoalar uchun mukofot sifatida ajratilgan budjet 25 000 CHF dan iborat.

Tanlov haqida batafsil maʼlumotni ushbu havola orqali oʻqish mumkin.

• Tanlovda qatnashish uchun magistratura bosqichida tahsil olayotgan boʻlishi kerak;
• Ishtirokchilar 3 yoki 5 nafardan iborat jamoa tuzishi va jamoa sardorini tayinlashi kerak;
• Ishtirokchilar bir xil magistratura dasturi yoki ular oʻqiyotgan universitetning boshqa dastur talabalari bilan hamkorlik qilishlari yoxud butun dunyo boʻylab turli universitet va muassasalar talabalari bilan birlashib jamoa tuzishlari mumkin.
• Jamoaning qaysi kategoriyaga joylashtirilishi, asosan, jamoada vakillik qiladigan universitetlar qitʼasiga asoslanadi. Agar jamoada qitʼalarning teng vakilligi mavjud boʻlsa, jamoa aʼzolari kelishgan holda qaysi toifada ishtirok etishni xohlashini hal qiladi.
• Taqdim etiladigan tahlil ishi fanlararo yondashilgan boʻlishi yoki kamida 2 (ikki) xil fan (soha) ni oʻz ichiga qamrab olishi talab etiladi;
• Jamoani roʻyxatdan oʻtkazishdan oldin barcha jamoa aʼzolari magistratura talabasi ekanligini tasdiqlovchi maʼlumotnoma (guvohnoma)ning skanerlangan nusxasini geneva.challenge@graduateinstitute.ch emailiga yuborishlari kerak;
• Ushbu maʼlumotnomada quyidagilar aks etishi lozim:
  • Talabaning ism-familiyasi;
  • Talaba roʻyxatdan oʻtgan dastur;
  • Maʼlumotnoma berilgan sana (Ushbu maʼlumotnoma roʻyxatdan oʻtishdan oldin 3 oygacha boʻlgan muddatdan oldin tasdiqlangan boʻlishi kerak)
  • Roʻyxatdan oʻtish sanasidan keyin ham yaroqliligi.
• Shuningdek, istisno hollarda, roʻyxatdan oʻtish vaqtida magistratura dasturiga qabul qilingan, lekin oʻqishni boshlamagan talabalar ham qabul qilinadi.

Eslatma: ushbu tanlovda yakka tartibda qatnashib boʻlmaydi.

Muvofiqlik talablari (Eligibility requirements) haqida batafsil ushbu havola orqali bilib olish mumkin.

• Musobaqada qatnashib finalga chiqqan 5 ta jamoaning barcha aʼzolari Jenevaga ogʻzaki taqdimot oʻtkazish uchun taklif qilinadi, u yerda ular oʻz takliflarini himoya qiladilar va hakamlar hayʼati hamda jamoatchilikning savollariga javob beradilar;
• Jenevaga safar, viza va turar joy bilan bogʻliq xarajatlar tanlov tashkilotchilari tomonidan qoplab beriladi;
• Gʻolib jamoa 10,000 CHF (12,677 AQSH dollari) miqdorida pul mukofotini oladi;
• Ikkinchi oʻrinni (2-oʻrin) egallagan ikki jamoa har biri 5,000 CHF (6,338 AQSH dollari) oladi;
• Uchinchi oʻrinni (3-oʻrin) olgan ikki jamoa har biri 2,500 CHF (3,169 AQSH dollari) miqdorida pul mukofoti bilan taqdirlanadi.

Mukofotlar quyidagi kategoriyaga asoslanib, jamoalarga taqdim etiladi (BMT statistikasiga koʻra):

• Afrikada joylashgan universitetlar;
• Osiyoda joylashgan universitetlar;
• Yevropada joylashgan universitetlar;
• Shimoliy Amerika va Okeaniyada joylashgan universitetlar;
• Lotin Amerikasida joylashgan universitetlar.

Shuningdek, qisqa roʻyxatga kiritilib, saralab olingan ishlar Jeneva Challenge veb-saytida eʼlon qilinadi (agar jamoalar rozi bo'lsa).

• Tanlovda ishtirok etmoqchi boʻlgan jamoalar 2026-yil 24-aprel sanasigacha ushbu sayt orqali roʻyxatdan oʻtishlari kerak;
• Taqdim etilishi kerak boʻlgan ishlar esa geneva.challenge@graduateinstitute.ch elektron pochta manziliga 2026-yil 11-iyulgacha yuborilishi lozim.

Topshirilishi kerak boʻlgan hujjatlarga qoʻyiladigan talablar (Submission requirements) quyidagicha:

• Taqdim etiladigan materiallar geneva.challenge@graduateinstitute.ch emailiga 2026-yil 11-iyulgacha yuborilishi darkor;
• Ushbu materiallar tadqiqot annotatsiyasi va loyihasini oʻz ichiga oladi;
• Tadqiqot annotatsiyasi bir sahifadan iborat boʻlishi va har bir jamoa aʼzosining qisqacha tarjimayi holi, loyihada keltirilgan muammo va yechimning qisqacha tavsifi, taklif qilingan yechimning qay darajada taʼsir eta olishini qamrab olishi kerak;
• Loyiha 8000 (sakkiz ming) soʻzdan oshmagan holda ingliz yoki fransuz tillarida yozilishi talab etiladi (Barcha eslatmalar, grafikalar va havolalar bundan mustasno)
• Topshiriladigan ishlar nazariy tahlillarni, ijodkorlikni, texnik yordam, salohiyatni oshirish va tanqidiy fikrlashni birlashtirgan boʻlishi lozim;
• Yozuv materiallari asl (original) holida topshirilishi kerak. Barcha yozma ishlar hakamlar hayʼati aʼzolariga yuborilgunga qadar plagiat tekshiruvidan oʻtadi.

Tanlovdan roʻyxatdan oʻtish va qatnashish bilan bogʻliq batafsil maʼlumotni ushbu havoladan bilib olish mumkin.

The Geneva Challenge - The 2026 Advancing Development Goals tanlovi 2014-yildan beri o'tkazib kelinadi.

 O‘tgan yilgi Jeneva Challenge musobaqasida 64 mamlakatdan 1065 nafar magistratura talabalaridan iborat 279 jamoa ishtirok etgan. Bu yilgi tanlov mavzusi yoshlar imkoniyatlaridan kelib chiqadigan muammolarga bag'ishlangan.

Tanlov tashkilotchisi Geneva Graduate Instituti hisoblanadi.

Tanlov haqida video-rolikni ushbu havoladan ko'rish mumkin.