Finlandiyadagi dunyoning top universitetlaridan biri bo'lgan Helsinki Universitetida magistratura bosqichida o’qish uchun to’liq va qisman moliyalashtiriluvchi grant dasturlari

Ushbu grant Helsinki universitetining magistratura kursida o’qishni istagan Yevropa Ittifoqi yoki EEA (Yevropa Iqtisodiy hududi) tarkibiga kiruvchi davlatlar va Shveytsariya fuqarosi bo’lmagan talablar uchun mo’ljallangan dastur hisoblanadi. Dastur davomida talabalar turli sohalar bo’yicha magistratura bosqichini bepul o’qiydi va stipendiya bilan ta'minlanadi. Grantning 2 xil turi mavjud:

• Kontrakt miqdorini to’liq qoplovchi grant uchun ariza topshirganlar 100% kontrakt summasidan ozod bo’ladilar;
•  Kontrakt miqdorini yarmini qoplovchi grant uchun ariza topshirganlar 50% kontrakt to’lovidan ozod bo’lishadi.

Helsinki universiteti dunyoning nufuzli tadqiqot universitetlaridan biri hisoblanadi va eng yaxshi 100 ta universitetlar qatoriga kiradi.

Nomzodlar quyidagi talablarga javob berishi kerak:

• Helsinki universitetining magistratura bosqichida o’qish uchun barcha talablarga javob berishi lozim (Magistrlik kurslarini tanlash uchun ushbu havolaga o’ting);
• Nomzodlar Yevropa Ittifoqi yoki Yevropa Iqtisodiy hududidagi davlatlar fuqarosi bo’lmasligi kerak (Batafsil ushbu havolada);
• Oldingi bosqichdagi o’qishlarda a’lo baholar olgan bo’lishi lozim;
• Finlandiyaga kirish vizasi va yashash uchun barcha talablarga munosib bo’lishi darkor;

Maqbullik shartlari haqida batafsil ma’lumot ushbu havolada.

Dasturga qabul qilingan ishtirokchilar quyidagi imkoniyatlarga ega bo’ladilar:

• Kontrakt miqdorini to’liq qoplovchi grant uchun ariza topshirganlar 100% kontrakt summasidan ozod bo’ladilar;
•  Kontrakt miqdorini yarmini qoplovchi grant uchun ariza topshirganlar 50% kontrakt to’lovidan ozod bo’lishadi.

Qolaversa, har ikki turdagi grant yutganlar uchun qo’shimcha:

• Student Union jamoasiga bepul a’zo bo’lish imkoniyati;
• Unicafe restoranlarida ovqatlanish uchun chegirmalar;
• Jamoaviy transportlardan foydalanish uchun chegirmalar;
• Unisport xizmatlaridan arzon narxlarda foydalanish.

Batafsil ushbu havolada.

Dasturga ariza topshirish uchun nomzodlar:

• Universitetning magistratura kurslaridan biriga hujjat topshirishi;
• Magistraturaga ariza topshirish davomida stipendiya uchun ariza topshirishi;
• Barcha kerakli hujjatlarni yuklashlari kerak bo’ladi.

Ariza topshirish va kerakli hujjatlar haqida batafsil ma’lumot ushbu havolada.

Universitetning kontrakt miqdori 13,000 dan 18,000 yevrogacha.

Dastur 2 yil davom etadi. Barcha dasturga qabul qilingan talabalar stipendiya talablarini bajarish uchun to'liq vaqtda (full-time) o'qishlari (yiliga kamida 55 ECTS olishlari) lozim. Birinchi o'quv yilidan so'ng, o'zlashtirish ko’rsatkichlari tekshiriladi va shunga qarab keyingi yil uchun stipendiya beriladi. Aks holda, grant dasturi bekor qilinishi ham mumkin.