Bakalavr va magistratura talabalari uchun Germaniyada bir semestr o‘qish va amaliyot o‘tash imkoniyatini beruvchi COPERNICUS almashinuv dasturi

Sharqiy, Markaziy Yevropa, Shimoliy Afrika va Markaziy Osiyo talabalarini qoʻllab-quvvatlash maqsadida Gamburg universiteti COPERNICUS — Kopernik nomidagi xalqaro stipendiyani taqdim etadi.

Dastur Huquqshunoslik, Iqtisod, Siyosatshunоslik, Kompyuter fanlari, Tabiiy fanlar va Ijtimoiy-gumanitar yoʻnalishida oʻqiydigan talabalar uchun moʻljallangan boʻlib, 1 semestrlik oʻqish, amaliyot, stipendiya, bepul turarjoy va boshqa imtiyozlarni qamrab oladi.

Bundan tashqari, stipendiatlar shahar madaniy hayoti bilan yaqindan tanishish va butun dunyo talabalari bilan fikr almashish mkoniyatini qoʻlga kiritadilar.

Dasturga arizalar har yili 2 marta qabul qilinadi:

• 1-aрreldan bоshlanadigan bahоrgi semestr uchun: 1-sentyabrgacha;
• 1-оktyabrdan bоshlanadigan kuzgi semestr uchun: 1-martgacha.

Dastur xaritasi bilan bu yerda batafsil tanishish mumkin.

• Ariza topshiruvchilarning yoʻnalishi Gamburg universitetida mavjud yoʻnalishlarga mos kelishi kerak;
• Nomzod bakalavr yoki magistratura bosqichida kamida bir semestr oʻqigan boʻlishi va 18 yoshdan kichik boʻlmasligi shart; Istisnо: tibbiyot yоʼnalishi talabalari dastur davоmida oʻz universitetida 4 yoki 5-kursda oʻqiyоtgan talaba bоʼlishi lоzim.
• Nemis tilini bilish darajasini tasdiqlovchi sertifikatga ega boʻlish talab etiladi (Eng kamida B2);
• Dasturi tugagandan keyin stipendiatlar oʻz vatanlarida oʻqishni davom ettirishlari kerak;
• Nomzodlar volontyorlik ishlarida faollik koʻrsatgan boʻlishlari hamda Germaniyada taʼlim olishga yuqori darajada qiziqish koʻrsatishlari kerak;
• Germaniyada 4 oydan ortiq boʻlgan yoki 1 semestr oʻqigan talabalar ariza topshira olmaydilar.

Eslatma: dastur nemis tilida оlib bоriladi, ingliz tilida qatnashib bоʼlmaydi.

Dasturga qoʻyilgan talablar bilan bu yerda batafsil tanishish mumkin.

• 310 yevro oylik stipendiya;
• Yashash uchun mahalliy xonadon (oila) yoki yotoqxona bilan ta’minlanadilar;
• Ovqatlanish, tibbiy sug‘urta, ro‘yxatdan o‘tish, mahalliy transport, shuningdek, borish-kelish chiptasi va viza xarajatlari qoplab beriladi.

Nomzodlardan quyidagilar talab qilinadi:

• Online ariza shaklini toʻldirish;
• Rezyume (CV);
• Ijtimoiy faollikni koʻrsatuvchi hujjatlar (volontyorlik ishlari, nodavlat-notijorat tashkilotlarda olib borilgan faoliyat va b; agar bunday tajribaga ega boʻlmasa, nomzod uning sababini tushuntirishi kerak);
• Dastur davomida yashaydigan xonadoni(oilasi) uchun yozilgan xat;
• Attestat yoki diplom nusxasi va tarjimasi;
• Nemis tilini B2, C1, C2 darajada bilishini tasdiqlovchi sertifikat (DAAD yoki Gyote institutidan olingan sertifikatlar ham oʻtadi);
• Pasport oʻlchamidagi rasmni yuklash.

Qoʻshimcha: Gamburg universitetining arxitektura yoʻnalishiga topshirmoqchi boʻlganlar “Arxitektura” deb nomlangan portfolio ham tayyorlashi kerak.

Ariza topshirish jarayoni va hujjatlar bilan bu yerda batafsil tanishish mumkin.

Nomzodlar jo‘natgan hujjatlari, motivatsion xatlari va Germaniyada o‘qishga bo‘lgan ehtiyoj hamda qiziqishlarining darajasiga qarab saralanadilar. Shuningdek, stipendiatlarning dasturni yanada yoyishga va rivojlantirishga bo‘lgan harakatlari inobatga olinadi. 

• Kuzgi semestr uchun qabul qilinganlar o‘qishni 1-oktabrdan boshlaydilar. 
• Bahorgi semestr uchun dastur 1-apreldan boshlanadi. Hozirda bahоrgi semestr uchun hujjatlar qabul qilinmoqda.

Umumiy 6 oylik dasturning 3 oyida o‘qish, qolgan oyida amaliyot o‘taladi. Amaliyoti o‘tash majburiy hisoblanadi.

Qo‘shimcha ma’lumotlarni:

• arts.princeton.edu/fellowships saytidan;
• tezkor savol-javoblar bo‘limidan;
• + 49- (0) 40-39 50 55 raqamidan;
• copernicus@hamburg.de pochta manzilidan olish mumkin.