Oʻzbekiston Respublikasi Markaziy bankining bakalavriat va magistratura talabalari uchun maxsus stipendiya tanlovi

Oʻzbekiston Respublikasi Markaziy bankining maxsus stipendiyasiga tanlov eʼlon qilindi. Mazkur tanlovda bank ishi, iqtisodiyot, buxgalteriya hisobi, moliya va axborot texnologiyalari yoʼnalishlari boʼyicha bakalavriat (kunduzgi oʼqish shakli) soʼnggi bosqichida hamda magistratura yoʼnalishlarida taʼlim olayotgan talabalar tanlov asosida ishtirok etishlari mumkin.

Stipendiyani qoʻlga kiritgan nomzodlarga respublika hududida oʻrnatilgan bazaviy hisoblash miqdorining 3 baravaridan kam boʻlmagan miqdorda stipendiya belgilanadi. Markaziy bankning tegishli tarkibiy boʼlinmalarida har kunlik (kuniga 3 soatgacha, haftada koʼpi bilan 15 soatdan oshmagan holda) amaliy malaka oʼtaydilar.

Dasturga ariza topshirishning soʻnggi muddati — 2024-yil 13-sentabr.

• Mazkur tanlovda bank ishi, iqtisodiyot, buxgalteriya hisobi, moliya va axborot texnologiyalari yoʻnalishlari boʻyicha bakalavriat (kunduzgi oʻqish shakli) soʻnggi bosqichida hamda magistratura yoʻnalishlarida taʼlim olayotgan talabalar tanlov asosida ishtirok etadi;
• Oʻquv jarayonida (soʻnggi oʻquv yili natijalariga koʻra) yuqori reyting koʻrsatkichiga ega boʻlishi kerak (86% dan yuqori);
• Davlat tilini mukammal bilishi;
• Xorijiy tillarni (rus va ingliz tilini) bilishi lozim. (eng kamida B2 darajasida.)

Qoʻshimcha ustunlik beriladi:

• АCCА va boshqa xalqaro sertifikatlarga egalik;
• Python (numpy, pandas, matplotlib) dasturlash tilida ishlay olishi;
• Data parsing (beautiful soup, selenium) dasturida ishlay olishi;
• Power BI, Qlik platformalarida ishlay olishi;
• IELTS 7.0 darajasi;
• Sohaga oid xalqaro yoki respublika olimpiadasi gʻolibi yoki sovrindorlari.

Shuningdek, faqat quyidagi Toshkent shahrida joylashgan oliygoh talabalari ishtirok etishi mumkin:

• Toshkent shahridagi Xalqaro Vestminster universiteti;
• Toshkent shahridagi Vebster universiteti;
• Toshkent shahridagi Singapur menejmentni rivojlantirish instituti;
• Toshkent davlat iqtisodiyot universiteti;
• Jahon iqtisodiyoti va diplomatiya universiteti;
• Toshkent shahridagi INHА universiteti;
• Mirzo Ulugʻbek nomidagi Oʻzbekiston milliy universiteti;
• M.V.Lomonosov nomidagi Moskva davlat universitetining Toshkentdagi filiali;
• Moskva davlat xalqaro munosabatlar institutining (MGIMO) Toshkentdagi filiali;
• Muhammad al-Xorazmiy nomidagi Toshkent Аxborot Texnologiyalari Universiteti;
• IT Park Universiteti.

Dastur talablari haqida ushbu havola orqali batafsil bilib olish mumkin. 

• Gʻoliblar respublika hududida oʻrnatilgan bazaviy hisoblash miqdorining 3 baravaridan kam boʻlmagan miqdorda stipendiya olishadi.

Markaziy bank stipendiyasiga talabgorlar quyidagi hujjatlarni taqdim qilishlari soʻraladi:

• Maʼlumotnoma (obyektivka);
• Pasport nusxasi;
• Nomzodning reyting (sinov) daftarchasi nusxasi;
• Oʻzbekiston Respublikasida faoliyat yuritayotgan xorijiy davlatlar oliy taʼlim muassasalari talabalari uchun oʻrnatilgan tartibda fanlarni oʻzlashtirish bali toʻgʻrisida maʼlumotnoma;
• Nomzodning chet tilini oʻzlashtirganligini tasdiqlovchi hujjatlar, ilmiy ishlanmalari, ilmiy konferensiya va seminarlarda ishtirok etgan maʼruza tezislari va chop etilgan maqolalari (agar mavjud boʻlsa).

Zarur hollarda hujjatlarning asl nusxalari talab etiladi!

Hujjatlar quyidagi manzilga yuboriladi:

• Barcha hujjatlar kopiyasi har bir OTM masʼul shaxslariga topshiriladi.

Hujjatlarni topshirish muddati: 2024-yil 13-sentabr.

• Batafsil maʼlumotni tegishli Oliy taʼlim muassasasi veb saytida topish mumkin.
• Qoʼshimcha maʼlumotlarni (71) 212-6037, 212-6091 telefon raqamlari orqali olish mumkin.