“Ipak Yo'li” banki tomonidan magistratura bosqichida tahsil olish uchun maxsus grant va o'qish davomida ish-faoliyati olib borish imkoniyati

19/08/2024 Qabul boshlanishi
Grant Moliyalash turi
Oʻzbekiston Davlat
24.09.2024 Oxirgi muddat

Muhim tafsilotlar

Kimlar uchun

Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

O'zbek tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

“Ipak yo‘li” banki tomonidan tashkil qilingan “Ipak yo‘li” stipendiya dasturi 2024-2025-o‘quv yili uchun MBA magistrantlariga moliyaviy yordam olish va o‘z iste’dodlarini rivojlantirish uchun ajoyib imkoniyat taqdim etadi. Dastur o‘zining professional karyerasida muvaffaqiyat qozonishga intilayotgan intiluvchan talabalarni qo‘llab-quvvatlashga qaratilgan. “Ipak yo‘li” banki stipendiyasiga nomzodlarni tanlash akademik ko'rsatkichlar, shaxsiy fazilatlar, tillarni yaxshi bilish darajasini o'z ichiga olgan mezonlarga muvofiq amalga oshiriladi. Ishtirokchilar grant asosida o'qish, “Ipak yo‘li” bankida faoliyat olib borish va o'z professional karyerasida muvaffaqiyat qozonish imkoniyatini qo'lga kiritadi.

Dasturga hujjatlarni qabul qilish jarayoni 2024-yil 19-avgustdan 24-sentyabrgacha davom etadi.

Dastur haqida ushbu havola orqali to'liq ma'lumot olish mumkin.

Maqbullik shartlari

Dasturda ishtirok etish uchun nomzodlarga quyidagi talablar qo'yilgan:

O'zbekiston Respublikasi fuqarosi bo'lish shart;
Toshkentdagi Singapur menejmentni rivojlantirish institutida MBA magistratura dasturiga qabul qilingan bo'lish kerak;
Bakalavrda o‘qish davrida yuqori reyting ko‘rsatkichlariga ega bo'lgan bo'lish zarur;
O‘zbek, rus va ingliz tillarini yaxshi bilish lozim;
O'qishni bitirgandan so'ng “Ipak yo‘li” bankida 3 yilgacha ishlash zarur.

Dastur talablari haqida ushbu havola orqali to'liq ma'lumot olish mumkin.

Foydali tomonlari

Dasturning quyidagi foydali tomonlari mavjud:

Yuqori akademik yutuqlar, yetakchilik qobiliyatlari va innovatsiyalarga intilishlarini namoyish etadigan iqtidorli MBA magistrantlariga stipendiya taqdim etadi;
O‘zining professional karyerasida muvaffaqiyat qozonishga intilayotgan nomzodlarga kerakli sharoit yaratib beradi;
MBA dasturi bo‘yicha magistraturada o‘qish davrida “Ipak yo‘li” bankida faoliyat olib borish imkoniyati mavjud.

Dastur foydali jihatlari haqida ushbu havola orqali batafsil ma'lumot olish mumkin.

Hujjat topshirish

Dasturga qiziqish bildirgan nomzodlar quyidagi PDF hujjatlarni ushbu havola orqali yuborishi talab etiladi:

Pasport yoki ID-kartaning nusxasi (shaxsiy ma’lumotlar sahifasi);
Ma’lumotnoma (CV): ish tajribasi va kasbiy yutuqlarning batafsil tavsifi;
Akademik transkriptining skanerlangan nusxasi (ballar, baholar);
O‘zbek, ingliz yoki rus tillaridan birida yozilgan 800-900 so‘zdan iborat motivatsion xat (insho);
Universitet o‘qituvchilari yoki ish beruvchining tavsiyanomasi.

Eslatma! Hujjatlarni PDF formatida elektron pochta orqali yuborishda, elektron pochta mavzusiga “Ipak yo‘li” bankining stipendiya dasturi ko'rsatilishi kerak. Dastur ishtirokchilari bilan aloqa, elektron pochta orqali amalga oshiriladi. Shu boisdan, dastur ishtirokchilari joriy pochtaga murojaat qilishi mumkin.

Dasturga hujjatlarni qabul qilish jarayoni 2024-yil 19-avgustdan 24-sentyabrgacha davom etadi.

Rasmiy havola Hujjat topshirish