Xotin-qizlar uchun zamonaviy IT kasblarini bepul oʻrgatuvchi 200 oʻrinli “Digital Girls” dasturi
-
14/08/2024 Qabul boshlanishi
-
Grant Moliyalash turi
-
Oʻzbekiston Davlat
-
30.08.2024 Oxirgi muddat
Umumiy maʻlumotlar
Qizlarga kelajak kasblari asoslarini oʻrgatish maqsadida Digital City texnoparki USAID koʻmagi bilan amalga oshirilayotgan “Digital Girls” loyihasi 4-bosqichiga start beradi. Dasturda Oʻzbekistonda istiqomat qiluvchi, 16 yoshdan 35 yoshgacha boʻlgan ayol-qizlar ishtirok etishlari mumkin. Nomzodlar quyidagi yoʻnalishlardan birini tanlab maxsus bot orqali onlayn ariza topshirishlari kerak boʻladi:
-SMM va Raqamli marketing;
-Grafik dizayn (UI/UX);
-3D dizayn;
-Frontend dasturlash;
-Logistika;
-HR (Rekruting).
Ushbu grant 200 nafar xotin-qizlarga taqdim etiladi, nomzodlar tanlov asosida saralab olinadi. Kurslarni oflayn shaklda Andijon shahrida, bunday imkoniyat boʻlmagan taqdirda onlayn shaklda oʻqish mumkin. Loyiha davomiyligi tanlangan yoʻnalish turiga qarab 1,5 oydan 5 oygacha davom etadi. Saralab olingan ishtirokchilar kurslarda bepul tahsil olish, noyob tajribaga ega boʻlish va IT sohasidagi imkoniyatlarini oshirish imkoniga ega boʻladi.
Ishtirok etish uchun arizalar 2024 yil 30-avgustgacha qabul qilinadi.
Dastur haqida ushbu havola orqali toʻliq maʼlumot olish mumkin.
Maqbullik shartlari
Dasturda ishtirok etish uchun quyidagi talablar mavjud:
- Dasturda Oʻzbekiston fuqarosi boʻlgan ayol-qizlar ishtirok etishlari mumkin;
- Nomzodlar 16-35 yosh oraligʻida boʻlishi lozim;
- Nomzodlar loyihada Andijon shahrida boʻladigan oflayn yoki onlayn kurslarda toʻliq qatnasha olish imkoniga ega boʻlishlari kerak;
- Loyihada IT sohasiga qiziquvchi va shu sohada oʻz salohiyatini namoyon qila oladigan xotin-qizlar ishtirok etishlari lozim.
Dastur talablari bilan ushbu havola orqali tanishish mumkin.
Foydali tomonlari
Dasturning quyidagi foydali tomonlari mavjud:
- Saralab olingan nomzodlar oʻzlari tanlagan kurslarda bepul tahsil olish imkonini qoʻlga kiritadi;
- Dastur davomida ishtirokchilarda oʻz tengdoshlari, soha mutaxassislari bilan tanishish va tajriba oshirish uchun noyob imkoniyat paydo boʻladi;
- Dasturda ishtirok etish qatnashchilarning IT sohasidagi tajribasini oshiradi;
- Ishtirokchilarning CV va karyerasi uchun yuqori ahamiyat kasb etadi;
- Loyiha amaliyot va raqamli texnologiyalar dunyosida oʻz portfoliosini yaratish imkoniyatini taklif etadi.
Eslatma! Loyiha Andijon shahrida boʻlib oʻtadi. Ishtirokchilar turar-joy bilan taʼminlanmaydi. Andijon shahriga kelib qatnasha olmaydigan nomzodlar kurslarni onlayn oʻqish imkoniga ega.
Dasturning foydali jihatlari haqida ushbu havola orqali batafsil maʼlumot olish mumkin.
Qoʻshimcha maʻlumotlar
Maʼlumot uchun:
Tel: +998552012121;
Qisqa raqam: 1227.
Dastur haqida quyidagi ijtimoiy tarmoqlar orqali ham maʼlumot olish mumkin: