Dunyoning yetakchi universiteti — Kembrijda biznes sohasi boʻyicha magistratura bosqichida oʻqishni xohlovchilar uchun Cambridge MBA Scholarship dasturi

Dunyoning yetakchi universitetlaridan biri Buyuk Britaniyada joylashgan Kembrij universitetining MBA dasturi yetakchi biznes dasturlaridan biri hisoblanadi. Universitet tomonidan MBA, yaʼni biznes boʻyicha magistraturada oʻqimoqchi boʻlgan talabalarni moddiy jihatdan qoʻllab quvvatlash uchun Cambridge University MBA Scholarship dasturi tashkil etilgan.

Dasturga qabul qilinganlar Kembrij tarkibidagi Pembroke College'da oʻqish uchun moddiy yordam bilan taʼminlanadilar. Talabalar Foundation kursi sifatida 2 oy davom etuvchi The Boustany Foundation Internship amaliyotida ishtirok etadilar. Amaliyotda ishtirok etish uchun turarjoy va sayohat xarajatlari bo'yicha amaliy yordam ko'rsatiladi. 

Ushbu dasturda avval ishtirok etgan talabalar haqida ushbu havola orqali maʼlumot olish mumkin.

Dasturda ishtirok etish uchun nomzodlar quyidagi talablarga javob berishi lozim:

• Nomzod avval Kembrij universitetining MBA dasturiga hujjat topshirgan va qabul qilingan boʻlishi lozim;
• Yuqori akademik koʻrsatkichga ega boʻlishi kerak;
• Ingliz tilini mukammal darajada bilishi shart.

Dastur talablari haqida batafsil ushbu havola orqali maʼlumot olish mumkin.

Dasturga qabul qilinganlar quyidagi imtiyozlarga ega boʻladi:

• Oʻqish kontrakt toʻlovining 75% gacha qismi qoplab beriladi;
• Dasturga oid safar va turarjoy xarajatlari qoplab beriladi;
• 2 oy stajirovka qilish imkoniyati.

Dasturda ishtirok etish uchun kerakli hujjatlar ushbu elektron manzilga joʻnatilishi lozim.

Kerakli hujjatlar:

• CV/Rezyume (shaxsiy fotosurat bilan);
• GMAT sertifikati;
• Acceptance letter, yaʼni universitetdan MBA dasturiga qabul qilinganlik haqida maʼlumotnoma.

Hujjat topshirgandan soʻng saralangan nomzodlar intervyuga taklif qilinadi va eng yaxshi bir nafar nomzod ushbu grantga ega boʻladi.

Qoʻshimcha murojaatlar uchun: info@boustany-foundation.org

Dastur bo'yicha so'ralgan eng ko'p savollarga berilgan qisqa javoblar (FAQs) bilan ushbu havola orqali maʼlumot olish mumkin.