10 yoshdan 24 yoshgacha boʻlgan yoshlar uchun UNESCO Clubs 2024 Worldwide Youth Multimedia Competition tanlovi. Asosiy sovrin — AQSh oromgohiga bepul yoʻllanma

USFUCA, UNESCO Tinchlik markazi, World Genesis Foundation jamgʻarmasi va WhizJuniors tashkilotlari hamkorlikda butun dunyo yoshlarini bu yilgi UNESCO Clubs 2022 Worldwide Youth Multimedia Competition tanlovida ishtirok etishga taklif qiladi.

Tanlovni oʻtkazishdan koʻzlangan asosiy maqsad — hozirgi kunda jamiyatga xizmat qilish, global muammolarga oqilona yechim topish uchun yoshlarda optimizm ruhini oshirish va oʻzaro aloqalarni rivojlantirishdir. Oʻtgan yilgi mavsumda 81 dan ortiq mamlakatdan isteʼdodli ishtirokchilar 5000 dan ortiq loyihalarni taqdim etishdi va oʻz dunyoqarashlarini oshirish bilan birga oʻzaro ezgu niyatda birlashish baxtiga muyassar boʻldilar.

Ushbu tanlovda 3 xil yosh toifasidagi ishtirokchilar qatnashishlari mumkin:

• 1-guruh — Juniors — 10 dan14 yoshgacha;
• 2-guruh — Youth — 15 yoshdan 19 yoshgacha;
• 3-guruh — Young Adult — 20 yoshdan 24 yoshchaga.

Ushbu yosh toifasiga kiruvchilar tanlov savoliga javobni video, insho yoki boshqa ijodiy yoʻl bilan joʻnatishlari mumkin.

Har bir yosh toifasidagi uch nafar final ishtirokchisiga oʻz ismlari oʻyib yozilgan rasmiy yorliq va sertifikat beriladi. Qolaversa, AQShning Merilend shtati, Frederik shahridagi Hood kollejida oʻtkaziladigan YUNESKOning “Koinot quruvchilari — Builders of the Universe Camp” oromgohiga taklifnoma oladilar.

• Tanlovda 10 yoshdan 24 yoshgacha boʻlganlar ishtirok etishi mumkin;
• Nomzodlar 17 ta SDG muammolaridan birini tanlab, javobni video, insho yoki boshqa ijodiy yoʻl bilan joʻnatishi mumkin. 

Ijodiy ishga qoʻyilgan talablar:

• Ijodiy ishlar nomzodning shaxsan oʻzi tomonidan bajarilgan boʻlishi shart;
• Savolga 3 daqiqalik video, multimedia taqdimoti, 500-700 ta so'zli yozma insho, sanʼat asari yoki oʻziga xos har qanday usul orqali javob yuborish mumkin;
• Yozma insholar Times New Roman 12 shaklda, 2 interval oraliqda, MLA formatda boʻlishi zarur;
• Mavzuga doir 3 oʻlchovli (3D) sanʼat tasvirlari ham qabul qilinadi. Lekin ijodiy suratga qoʻshimcha ravishda unga 50 soʻzdan iborat izoh ham yozilishi va taqdim etilishi kerak;
• Barcha yuboriladigan ishlar ingliz tilida boʻlishi shart.

Tanlov talablari haqida batafsil ushbu havola orqali maʼlumot olish mumkin.

Tanlov gʻoliblari quyidagicha taqdirlanadi:

• Har bir yosh toifasidagi uch nafar final ishtirokchisiga oʻz ismlari oʻyib yozilgan rasmiy yorliq va sertifikat beriladi;
• Gʻoliblar AQShning Merilend shtati, Frederik shahridagi Hood kollejida oʻtkaziladigan YUNESKOning “Koinot quruvchilari — Builders of the Universe Camp” oromgohiga taklifnoma oladilar;
• Taklifnomada oromgoh, oziq-ovqat, turar joy va aeroportga borish va qaytish uchun toʻlov uchun moddiy yordam beriladi. Ammo aviachipta xarajatlari qoplab berilmaydi;
• Oromgohda tanlov gʻoliblari uchun maxsus tantanali marosim boʻlib oʻtadi;
• Gʻoliblar USFUCA va YUNESKO veb-saytlarida eʼlon qilinadi;
• WhizJuniors tashkiloti 125dan ortiq texnologik kurslarga kirish, MCQS mashqlarini yechish, amaliy ishlarni yakunlash va loyihalarni topshirish uchun barcha ishtirokchilarga bepul bir yillik onlayn obuna boʻlish imkoniyatini taqdim etadi.

Dastur manfaatli jihatlari bilan batafsil ushbu havola orqali tanishish mumkin.

Tanlovda ishtirok etish uchun ushbu amallarni bajarish lozim:

• Onlayn roʻyxatdan oʻtish;
• SUBMIT tugmasini bosish bilan email orqali PARTICIPANT I.D. ga ega boʻlish;
• Mavzu doirasida ijodiy ishni taqdim etish va ariza topshirishni yakunlash.

Ariza topshirishda muammo yuz bersa, quyidagi emailga murojaat qilish mumkin: YouthContest@UNESCOUSA.org

Har bir ishtirokchi faqat bir marta ariza topshira oladi. 

Eng koʻp beriladigan savollar va ularning javobi bilan ushbu havola orqali tanishish mumkin.

Qoʻshimcha murojaatlar uchun: YouthContest@unescousa.org

Dastur haqida batafsil ushbu havola orqali maʼlumot olish mumkin.