11-17 yoshdagi shoirlar uchun The Foyle Young Poets of the Award sheʼrlar tanlovi

The Foyle Young Poets of the Year Award tanlovi butun dunyodagi 11-17 yoshdagi shoirlar uchun eng katta sheʼriyat tanlovidir. 

Tanlov tashkilotchisi — The Poetry Society. Ushbu tanlov 1998-yilda tashkil etilgan boʻlib, Sara Xou, Fibi Pauer, Richard Osmond, Jey Bernard va Xelen Mort kabi bugungi kunda eng mashhur shoirlarning karyerasi boshlashga sababchi boʻlgan.

Tanlovda 11-17 yoshli barcha davlat fuqarolari oʻz sheʼrlari bilan ishtirok etishi mumkin. Tanlovga topshiriladigan sheʼrlar ingliz tilida boʻlishi kerak. Sheʼrlarning mavzu doirasi va hajmi chegaralanmagan.

Tanlov gʻoliblari qimmatbaho sovgʻalar bilan birgalikda Angliyaning London shahrida boʻlib oʻtadigan taqdirlash marosimiga taklif qilinadi. 

Tanlovda qatnashish uchun oxirgi muddat — 2026-yil 31-iyul.

The Foyle Young Poets of the Year Award tanlovi haqida batafsil ushbu havola orqali oʻqish mumkin.

• Tanlovda 2026-yil 31-iyulgacha 11-17 yosh oraligʻida boʻlgan barcha davlat fuqarolari ishtirok eta oladi;
• 11-12 yoshli ishtirokchilar uchun ota-onasi yoki unga masʼul shaxsning roziligini olish talab etiladi. Bunda ushbu maxsus ariza shaklini toʻldirib, fyp@poetrysociety.org.uk emailiga yuborish kerak; 

Topshiriladigan sheʼrlar uchun qoʻyiladigan talablar quyidagicha:

• Sheʼrlar ingliz tilida yozilishi kerak, ammo ishtirokchi oʻz ona tili yoki boshqa tildagi iboralarni ham sheʼrga kiritishi mumkin.
• Birdan ortiq sheʼr bilan ishtirok etish mumkin;
• Har qanday mavzu va hajmdagi sheʼrlar qabul qilinadi;
• Sheʼrlar oldin hech qayerda (antologiyalar, jurnallar, yakkaxon toʻplamlar, maktab nashrlari, maktab xabarnomalari, onlayn bloglar va onlayn jurnallarda, Twitter, Facebook yoki Instagram kabi ijtimoiy tarmoqlar, radio va milliy telekanallarda) eʼlon qilinmagan boʻlishi kerak. Har bir sheʼr plagiat uchun tekshiriladi!
• Oldin boshqa tanlovda gʻoliblikni olmagan boʻlishi kerak;
• Sheʼrning nusxasi yoki asli (originali) bilan qatnashish mumkin;
• Hamkorlikda (birdan ortiq mualliflikda) yozilgan sheʼrlar qabul qilinmaydi.

Tanlov qoidalari va muvofiqlik talablari (Eligibility requirements) haqida batafsil ushbu havola orqali oʻqish mumkin.

• Ushbu sheʼriyat tanlovida barcha ishtirokchilardan 100 nafari (Top 15 nafar gʻolib va 85 nafar maqtovga sazovor) gʻolib deb topiladi;

Gʻoliblar quyidagicha taqdirlanadi:

• Sheʼriyat Jamiyatining (The Poetry Society) bir yillik Yoshlar aʼzoligiga ega boʻladilar;
• Kitoblar va boshqa qimmatbaho sovgʻalarni oʻz ichiga olgan sovgʻa sumkasi beriladi;
• Top 15 gʻolibning sheʼrlari gʻoliblar antologiyasida chop etiladi. Shuningdek, 25 ming nusxasi maktablar, kutubxonalar va sheʼriyat ixlosmandlariga tarqatiladi;
• 85 nafar maqtovga sazovor boʻlgan shoirlarning asarlari onlayn antologiyada, ismlari esa bosma antologiyada chop etiladi.
• 25 nafardan ortiq oʻquvchisi tanlovda qatnashgan maktablar maktablarda sheʼriyat xizmatidan(Poets in Schools) foydalanish uchun 50 fund sterling miqdoridagi chegirmaga ega boʻladi.  

Tanlovning foydali jihatlari haqida batafsil maʼlumotni ushbu havola orqali olish mumkin.

Mazkur tanlovda 2 xil shaklda qatnashish mumkin:  Onlayn ariza shaklini toʻldirish yoki pochtadan yuborish orqali;

• Onlayn ariza shaklini toʻldirish uchun ushbu havola orqali roʻyxatdan oʻtish va hisob (Account) ochish kerak;
• Ariza shaklida ishtirokchi oʻzi haqidagi maʼlumotlarni (ism-familiya, yashash manzili kabi) yozishi kerak;
• Shaxsiy maʼlumotlarni toʻldirib boʻlganidan soʻng, ishtirokchi uchun ochilgan sahifada tanlov uchun sheʼrni yozishi mumkin.

Oʻz sheʼrlarini pochta orqali yubormoqchi boʻlganlar FYP2025, The Poetry Society, 22 Betterton Street, London WC2H 9BX pochta manziliga quyidagilarni yuborishi kerak:

• Sheʼr(lar)ning nusxasi; orqasida ism-familiya va yosh yozilgan boʻlishi kerak!
• Toʻldirilgan ariza shakli; 
• Agar ishtirokchi 11-12 yosh boʻlsa, ota-ona yoki vasiy roziligi haqidagi ruxsatnoma; Ruxsatnoma shaklini ushbu havola orqali yuklab olish mumkin.

Tanlovga ariza topshirish haqida batafsil maʼlumotni ushbu havola orqali olish mumkin.

• Gʻolib boʻlgan barcha 100 nafar ishtirokchilar (top 15 va 85 nafar maqtovga sazovor) 2026-yil sentabr oyida xabardor qilinadi va 2026-yil oktabr oyida boʻlib oʻtadigan taqdirlash marosimiga taklif qilinadi;
• Barcha gʻoliblar tarjimai hol, fotosurat, ruxsatnoma shakli va yoshni tasdiqlovchi hujjatni taqdim etishlari kerak;
• Arizalarning juda koʻpligi sababli, faqat gʻoliblarga xabarnoma yuboriladi. Toʻliq gʻoliblar roʻyxati 2026-yil oktyabr oyi boshida The Poetry Society veb-saytida ochiq eʼlon qilinadi.

The Foyle Young Poets of the Year Award tanlovi  haqida eng koʻp berilgan savollarga javoblarni (FAQs) ushbu havola orqali oʻqish mumkin.

Tanlov bilan bogʻliq qoʻshimcha savol va takliflarni fyp@poetrysociety.org.uk elektron manziliga yuborishi yoki 020 7420 9880 telefon raqamiga qo'ng'iroq qilish mumkin.