13-17 yoshli STEM fanlariga qiziquvchi qizlar uchun Nyu York Fanlar akademiyasi tomonidan innovatsion mentorlik dasturi — 1000 Girls 1000 Futures
-
27/04/2022 Qabul boshlanishi
-
Bepul Moliyalash turi
-
AQSh Davlat
-
30.06.2022 Oxirgi muddat
Umumiy maʻlumotlar
1000 Girls, 1000 Futures — fan, texnologiya, muhandislik va matematikaga (STEM) qiziquvchi yosh qizlarni jalb qilish, ularga STEM sohasidagi faoliyatini boshlashda mentorlik qilish va XXI asr koʻnikmalarini rivojlantirishga qaratilgan innovatsion mentorlik dasturi hisoblanadi.
Nyu York Fanlar akademiyasi dastur orqali butun dunyo boʻylab 13-17 yoshli qizlarni STEM sohasidagi ayol mutaxassislarning mentorligidan foydalanish, universitetga tayyorgarlik va yetakchilik kurslarida ishtirok etish va STEMga ishtiyoqli boshqa qizlar bilan muloqot qilish imkoniyatini taqdim etadi.
Ishtirokchilarga mustaqil ravishda oʻrganish va Akademiyaning onlayn oʻquv platformasi boʻlgan Launchpadda jamoa boʻlib ishlash imkoniyatini beradi. Launchpadda ishtirokchilar berilgan vazifalarni mustaqil ravishda bajarib boradi va tengdoshlari bilan turli loyihalar ustida ishlash orqali oʻrganganlarini amaliy qoʻllab koʻradilar.
Mentorlar ishtirokchilarga universitetga ariza berish jarayonidan tortib, professional faoliyatidagi maqsadlarini belgilashgacha dastur davomida yoʻl-yoʻriq koʻrsatadilar.
Dastur 2022-yil sentyabrda boshlanadi va 2023-yil iyunda tugaydi.
Dastur haqida batafsil rasmiy sayt orqali maʼlumot olish mumkin.
Maqbullik shartlari
Dastur talablari:
- Nomzodlar dastur vaqtida 13-17 yosh oraligʻida boʻlishi lozim (2005-yil 7-iyun – 2009-yil 1-sentyabr oraligʻida tugʻilgan);
- Dastur toʻliq ingliz tilida boʻlganligi sababli nomzodlardan ingliz tilini yaxshi bilishi talab etiladi;
- Nomzodlar STEM(science, technology, engineering and math) fanlariga katta qiziqish bildirishi lozim;
- Dastur onlayn boʻlganligi sababli nomzodlarda internetga ulangan smartfon, planshet, noutbuk, kompyuter kabi kamida bitta aloqa moslamasidan foydalanish imkoniyatiga ega boʻlishi kerak;
- Ishtirokchilar dastur davomida, yetarlicha vaqt sarflay olishi lozim. Kamida ikkita mustaqil oʻquv modulini tamomlashi kerak. Har bir modulni bajarish uchun odatda haftasiga uch-toʻrt soat kerak boʻladi.
- Jamoada ishlay olish koʻnikmasiga ega boʻlishi kerak.
Barcha dastur talablari va shartlari bilan rasmiy sayt orqali tanishib chiqish mumkin.
Foydali tomonlari
Dastur davomida, ishtirokchilar:
- Nyu York Fanlar akademiyasining Launchpad oʻquv platformasida STEM fanlarini mustaqil oʻrganish;
- Oʻrgangan bilimlarini tengdoshlari bilan loyihalar ustida ishlash orqali amaliy qoʻllab koʻrish;
- Professional mutaxassislarning mentorligidan foydalanish;
- Universitetga tayyorgarlik (college application process) va yetakchilik kurslarida ishtirok etish imkoniyatiga ega boʻladi.
Dastur imkoniyatlari haqida batafsil rasmiy sayt orqali maʼlumot olish mumkin.
Qoʻshimcha maʻlumotlar
Bogʻlanish uchun: GSA@nyas.org.
Qoʻshimcha maʼlumot uchun rasmiy saytda tez-tez soʻraladigan savollar qismi — FAQs bilan tanishib chiqish mumkin.
Tanlov natijalari 2022-yil avgust oyining oxirigacha yuboriladi.