13-18 yosh oraligʻidagi qizlar uchun STEM fanlarini oʻziga xos tarzda oʻrgatuvchi bepul Unite Girls dasturi

13-18 yosh oraligʻidagi qizlar uchun STEM fanlarini oʻziga xos tarzda oʻrgatuvchi Unite Girls dasturi taqdim etiladi. Dastur bir oy davomida onlayn, yaʼni Zoom platformasi orqali olib boriladi. Darslar haftada uch marta boʻladi (dushanba, chorshanba, juma kunlari soat 20:00 da).

Dasturdan asosiy maqsad bilimga chanqoq va ishtiyoqli yosh qizlarni qoʻllab-quvvatlash hamda qizlarning STEM fanlari boʻyicha xabardorligini oshirish va yangi imkoniyatlar bilan taʼminlashdir.

Dasturda quyidagi fanlarni oʻrganish mumkin:

• Biologiya;
• Kimyo;
• Matematika;
• Dasturlash;
• Fizika (faqat ingliz tilida).

Maʼlumot uchun: Unite Girls — bu qizlar oʻz sohasi mutaxassislaridan STEM fanlarini oʻziga xos tarzda oʻrganishi uchun tashkil etilgan dastur hisoblanadi. Dastur oʻqituvchilari STEM fanlari boʻyicha koʻplab xalqaro olimpiadalarda gʻolib boʻlgan, koʻplab xalqaro dasturlarda qatnashgan hamda Yaponiya, Polsha va AQShga oʻqish uchun borib kelgan mutaxassislardir. Ayrim oʻqituvchilar oʻz fanlari boʻyicha oʻz kitoblarini ham yozishgan.

Dastur haqida batafsil ushbu havola orqali maʼlumot olish mumkin.

• Dasturda 13-18 yosh oraligʻidagi qizlar qatnashishi mumkin;
• Kuchli ishtiyoq va tanlangan fan (biologiya, kimyo, matematika, dasturlash, fizika) boʻyicha boshlangʻich tushuncha talab qilinadi;
• Ishtirokchilar yaxshi internet tarmogʻi bilan taʼminlangan bo'lishi va har hafta loyiha darslari uchun 7-8 soat ajrata olishi kerak;
• Nomzodlar barcha darslarda masʼuliyat bilan faol qatnashishi lozim.

• Dasturda bepul qatnashish mumkin;
• Fanlarni ingliz yoki oʻzbek tilida oʻrganish imkoniyati beriladi;
• Dasturni toʻliq tugatgan ishtirokchilar sertifikat bilan taqdirlanadi;
• Oʻz sohalarida tajribasi yuqori boʻlgan oʻqituvchilar tomonidan 12 ta onlayn dars oʻtkaziladi;
• Guest Speaker onlayn uchrashuvlari tashkil qilinadi;
• Kuchli ishtiyoqqa ega va qoʻllab quvvatlovchi qizlar jamoasida qatnashish hamda doʻstlar orttirish imkoniyati.

• Fanlarni oʻzbek tilida oʻrganmoqchi boʻlganlar ushbu havola orqali ariza topshirishi mumkin;
• Fanlarni ingliz tilida oʻrganmoqchi boʻlganlar ushbu havola orqali ariza topshirishi mumkin.

Muhim: Ariza topshirishda barcha savollarga javob berish va berilgan testni yechish talab qilinadi. 

• Dasturga hujjat topshirish uchun oxirgi muddat: 25-noyabr, 2023-yil (23:59);
• Dastur boʻyicha qoʻshimcha savol bilan Telegram orqali murojaat qilish mumkin.