13 yoshdan 18 yoshgacha boʻlgan maktab oʻquvchilari uchun AQShda matematika fani boʻyicha ixtisoslashtirilgan oromgoh — Mathcamp
-
12/01/2024 Qabul boshlanishi
-
Stipendiya Moliyalash turi
-
AQSh Davlat
-
06.03.2024 Oxirgi muddat
Umumiy maʻlumotlar
Canada/USA Mathcamp - Kanada/AQSh matematika oromgohi bu matematik iqtidorga ega boʻlgan oʻrta maktab oʻquvchilari uchun 5 haftalik intensiv yozgi dastur hisoblanadi.
Dasturning asosiy maqsadi matematika fanining ahamiyati va oʻrinini ochib berishdan iborat.
Dastur davomida oʻquvchilar bakalavriat va hatto magistratura darajasidagi mavzularni oʻrganishlari, ular oʻqishni tanlagan har qanday sohada ularga yordam beradigan muammolarni hal qilish koʻnikmalarini shakllantirishlari mumkin.
2024-yilgi lager 30-iyundan 4-avgustgacha Tacoma, Washingtondagi University of Puget Sound universitetida boʻlib oʻtadi.
Nomzodlardan matematika fani boʻyicha chuqur bilimga ega boʻlishlari hamda ushbu koʻnikmalarni ingliz tilida yetkazib bera olish qobiliyati talab etiladi.
Oʻquvchilar moliyaviy yordamga hujjat topshirish hamda oʻz sayohatlarini toʻliq yoki qisman qoplanishini qoʻlga kiritishlari mumkin.
Dastur haqida batafsil ushbu havola orqali tanishish mumkin.
Maqbullik shartlari
- Dasturda maktabning oʻrta va yuqori sinf oʻquvchilari ishtirok etishlari mumkin;
- Qatnashchilar 13-18 yosh (2005-yil 4-avgustdan 2011-yil 30-iyungacha) oraligʻida boʻlishi lozim. 19 yoshdagilar ham qatnashishi mumkin, ammo maktabda o'qiyotgan bo'lishi yoki yaqinda bitirgan bo'lishi kerak;
- Ishtirokchilar oromgohda faol qatnashishlari uchun algebra, geometriya, logarifmlar kabi bir qator fanlar doirasida yetarlicha bilimga ega boʻlishlari kerak;
- Nomzodlardan ingliz tilida matematika bilan shugʻullana olishlari talab etiladi.
Foydali tomonlari
- Dasturga qabul qilingan nomzodlar moliyaviy yordam uchun ariza topshirishlari mumkin. Ularning holatiga koʻra dastur ishtirokchilarning xarajatlarini toʻliq qoplab berilishi koʻzda tutilgan. Moliyaviy yordam boʻyicha batafsil ushbu havola orqali tanishish mumkin.
- Nomzodlarga viza uchun yordam beriladi;
- Transport xarajatlari qoplanadi.
Eslatma: Dasturda qatnashish 5500 AQSh dollarini tashkil qiladi. Nomzodga moliyaviy yordam berilgan taqdirda ushbu summa $0 va $5500 oraligʻida boʻlishi mumkin.
Qoʻshimcha maʻlumotlar
Dasturga qabul qilinganlik toʻgʻrisida javoblar 2024-yil 18-apreldan boshlab eʼlon qilinadi.
Eng koʻp berilgan savollar roʻyxati bilan ushbu havola orqali tanishish mumkin.
Qoʻshimcha savol va murojaatlarni ushbu havola orqali qoldirish mumkin.