14-18 yosh oraligʻidagi barcha uchun insholar tanlovi — ICU Global Youth Essay Competition. G’olibga Yaponiyaga bepul sayohat!

International Christian University (ICU) va Yaponiya ICU Jamgʻarmasi tomonidan 14-18 yosh oraligʻidagi barcha ijodkorlar uchun insholar tanlovi — ICU Global Youth Essay Competition 2024 taqdim etiladi.

Dasturdan asosiy maqsad butun dunyo yoshlarini jamiyatni yanada yaxshilash boʻyicha oʻz fikrlarini baham koʻrishga chorlash va global muammolar uchun yangi yechimlar kashf qilishdan iborat.

Insholar quyidagi mavzulardan birida yozilishi kerak:

• Contribute to World Peace;
• Cultural Life.

Maʼlumot uchun: International Christian University Yaponiyaning Tokio shahrida joylashgan xususiy universitet boʻlib, unga 1953-yilda asos solingan. Universitetning asosiy maqsadi talabalarni xalqaro muhitda adolatli va tinch dunyo boshqaruvchisi boʻlishga oʻrgatishdan iborat.

Dastur haqida batafsil ushbu havola orqali maʼlumot olish mumkin.

• Hozirda Yaponiyadan tashqarida yashayotgan 14-18 yosh oraligʻidagi barcha yoshlar qatnashishi mumkin (2024-yil 9-oktyabr holatiga koʻra);
• Ingliz tilini dasturda qatnashish darajasida bilish lozim;
• Nomzodlar inson huquqlari va hozirda yuz berayotgan dolzarb voqealar haqida insho yozishlari kerak.

Eslatma: 2024-yil 9-oktyabr holatiga koʻra, universitet/kollej talabalari ariza berish huquqiga ega emas.

Inshoga qoʻyilgan talablar:

• Ish ingliz tilida yozilgan boʻlishi kerak;
• Insho sarlavhasi va bibliografiyadan tashqari 650 ta soʻzdan oshmasligi lozim;
• Ish sarlavhaga ega boʻlishi shart. Sarlavha inshoning mohiyatini ochib berishiga alohida eʼtibor berilishi kerak.

Insholar quyidagi mezonlar asosida baholanadi:

• Hozirda mavjud global muammoga original yaʼni ishtirokchining aynan oʻz fikriga asoslangan yechim taklif qilish;
• Tezis yozilganligi;
• Nomzod keltirgan fikrni qoʻllab-quvvatlovchi dalillar;
• Toʻgʻri yozish qoidalariga amal qilish (mavzuga muvofiqlik, aniqlik, grammatika va uslub).

Muhim: Barcha insholarni yozishda plagiat va sunʼiy intellektdan foydalanilmagani tekshiriladi.

• Dasturda bepul qatnashish mumkin;
• 1-oʻrin uchun (bitta gʻolib): gʻolib va uning vasiysiga 2025-yil yozida Yaponiyaning Tokio shahriga borish-kelishi uchun aviachipta yoki 100 000 yen (~$671) miqdorida pul mukofoti beriladi (gʻolib oʻz xohishiga koʻra ikkalasidan birini tanlashi mumkin);
• 2-oʻrin uchun (bitta gʻolib): 50 000 yen (~$335);
• 3-oʻrin uchun (10 ta gʻolib): ICU talabalari tomonidan tarjima qilingan “Fransuz, ingliz va yapon tillarida tasvirlangan Inson huquqlari umumjahon deklaratsiyasi”ning nusxasi;
• Ingliz tilida bir yildan ortiq taʼlim olmaganlar uchun maxsus mukofot (bitta gʻolib): gʻolib 3-oʻringa beriladigan mukofot bilan bir xil mukofot oladi.

Dasturda qatnashishni istaganlar ushbu havola orqali ariza topshirishlari mumkin.

Ariza topshirish uchun quyidagilarni tasdiqlash soʻraladi:

• Nomzodning Yaponiyadan tashqarida istiqomat qilishi;
• 2005-yil 10-oktyabrdan 2010-yil 9-oktyabr oraligʻida tugʻilganligi;
• Universitet, kollej yoki boshqa oʻrta maktabdan keyingi taʼlim muassasasiga oʻqishga kirmagani.

Eslatma: Ariza topshirishdan oldin nomzodlardan oʻz shaxsiy akkauntini yaratish soʻraladi.

• Dasturga hujjat topshirish uchun oxirgi muddat: 9-oktyabr, 2024-yil;
• Natijalar 2024-yil 20-dekabr soat 07:00 da (Toshkent vaqti bilan) eʼlon qilinadi;
• Tel: +81-422-33-3058;
• Email: ICU-Essay@icu.ac.jp.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Twitter;
• YouTube;
• Instagram.