14-24 yosh oralig’idagi yetakchi yoshlar uchun xalqaro onlayn almashinuv dasturi — Leaders of Tomorrow Digital Exchange Program

2025 Leaders Of Tomorrow Digital Exchange Program (LOT) — xalqaro yoshlar uchun onlayn almashinuv dasturi. 2024-yil uchun dasturning asosiy mavzusi “Tinchlik” (Peace) boʻlib, dastur quyidagilardan iborat boʻladi:

• ochiq muloqotlar;
• video qoʻngʻiroqlar;
• onlayn seminarlar.

Ishtirokchilar madaniy xilma-xillik, boshqa ishtirokchilar orasidagi farqlar va turli mentalitetlarni qabul qilishni oʻrganadilar. Dastur, ishtirokchilarni oʻzlarining komfort zonasidan (qulay qobigʻi) chiqarib, boshqa mamlakatlarning madaniyati, anʼanalari, tilini tushunish va nizolarni hal qilish imkonini beradigan dastur tadbirlarida ishtirok etish orqali xalqaro miqyosda yoshlar oʻrtasidagi oʻzaro tushunishni kuchaytiradi.

Dasturning asosiy maqsadi — oʻzaro tushunish va hamkorlikni shakllantirish, muammolarni hal qilish koʻnikmalarini va tanqidiy fikrlashni takomillashtirish orqali yoshlarni tinchlik yetakchilari va elchilariga aylanishga chorlash.

Dastur 2025-yil iyun-avgust oylari oraligʻida oʻtkaziladi.

Dastur haqida batafsil maʼlumotni rasmiy saytdan olish mumkin.

Dasturda ishtirok etish talablari;

• Nomzodlar, ingliz tilida gapirish, yozish va tinglash boʻyicha yetarli koʻnikmaga ega boʻlishi kerak;
• Ikki yosh toifasidan biriga kirishi kerak: 14-17 yosh yoki 18-24 yosh;
• Barcha mamlakatlar yoshlari ishtirok etishi mumkin;
• Hafta davomida Internetga doimiy ulanish imkoniga ega boʻlishi kerak;
• Dasturga haftasiga 4-5 soat vaqt ajrata olishi kerak;
• Nomzodlar, agar avval biror almashinuv dasturida qatnashgan yoki 2025-yil yozda qatnashmoqchi boʻlsa, ushbu dasturda ishtirok etish huquqiga ega emas.

Dastur talablari bilan ushbu havola orqali batafsil tanishib chiqish mumkin.

Dasturda ishtirok etish orqali, yoshlar:

• Turli millatlar va mamlakatlar madaniyati, tili va anʼanalari bilan tanishish;
• Boshqa mamlakatlardagi tengdoshlari bilan muloqot qilish;
• Ochiq muloqotlar va seminarlar orqali muammolarni hal qilish, tanqidiy fikrlash va jamoada ishlash koʻnikmalarini shakllantirish;
• Nizolarni hal qilish haqida oʻrganish, xalqlar oʻrtasidagi oʻzaro tushunishni shakllantirish, va yangi doʻstlar orttirish orqali tinchlik yetakchilari, elchilaridan biriga aylanish imkoniyatiga ega boʻlishadi;
• Inglizcha muhitga tushish;
• Dasturlash bo'yicha darslar olish.

Dastur haqida batafsil rasmiy sayt orqali maʼlumot olish mumkin.

Dasturda ishtirok etish uchun onlayn ariza shaklini toʻldirish lozim.

Onlayn arizada quyidagi savollarga batafsil javob berish lozim:

• Sizningcha, yetakchilik nima? Oʻzingiz egallagan yetakchilik, masʼuliyat lavozimi haqida aytib bering. (Maksimal 350 soʻz.)
• Agar siz jamiyatingizda biror narsani oʻzgartirish imkoniga ega boʻlsangiz, u nima boʻlardi? Va nima uchun? (Maksimal 300 soʻz.)
• Hayotdagi maqsadingiz nima? Va bu sizning jamiyatingizga xizmat qiladi deb oʻylaysizmi? Ha boʻlsa, qanday qilib? (Maksimal 400 soʻz.)
• Sizni oʻzingiz bilan faxrlantiradigan narsa nima va nima uchun? (Maksimal 250 soʻz.)
• Sizda biron bir isteʼdod yoki sevimli mashgʻulotingiz bormi? Ha boʻlsa, aytib bering. (Maksimal 150 soʻz.)
• Siz, avval almashinuv dasturida qatnashganmisiz? Ha boʻlsa, qachon va qanday dastur edi? (Maksimal 150 soʻz.)

Shuningdek, nomzoddan, agar dasturga qabul qilinsa, $30 dastur toʻlovini toʻlay olish imkoniyati haqida soʻraladi.

Dastur talablari bilan ushbu havola orqali tanishib chiqish mumkin.

Murojaat uchun: lot@lotep.org 

Nomzodlar dasturga qabul qilinganligi yoki qabul qilinmaganligi haqida 10-maydan soʻng ikki hafta ichida xabar olishadi.