14-24 yoshli qizlar uchun sport dasturlash oromgohi – ICT4Girls 2025
-
01/07/2025 Qabul boshlanishi
-
Grant Moliyalash turi
-
Oʻzbekiston Davlat
-
13/07/2025 23:59 Oxirgi muddat
Umumiy maʻlumotlar
Avgust oyining ikkinchi yarmida IT sohasiga qiziqadigan, 14-24 yoshli 50 nafar iqtidorli qizlar uchun maxsus ICT4Girls sport dasturlash oromgohi tashkil etiladi.
Dasturga roʻyxatdan oʻtish jarayonida test koʻrinishida birlamchi saralash oʻtkaziladi. Bunda nomzod tanlagan dasturlash tili boʻyicha 10 ta test topshirigʻi beriladi. Berilgan test topshirigʻidan kamida 5 ta savolga toʻgʻri javob bergan ishtirokchilar Oromgoh uchun 2-bosqich saralash — hududlarda tashkil etiluvchi saralash bosqichida qatnashish imkoniyatini qoʻlga kiritadi. Dastur gʻoliblari 10 kunlik ICT4Girls sport dasturlash oromgohida ishtirok etish imkoniyatini qoʻlga kiritadi!
ICT4Girls sport dasturlash oromgohida ishtirok etish uchun 13-iyul soat 23:59ga qadar roʻyxatdan oʻtish lozim.
Maqbullik shartlari
- Nomzodlar 14-24 yosh oraligʻida (Oromgoh oʻtkazilayotgan yilning 1-sentyabr sanasi bilan 24 yoshdan oshmagan) boʻlishlari lozim;
- Oromgohga jami 50 nafar qiz taklif etiladi. Saralash jarayonida har bir hududdagi imkoniyatlar tengligi inobatga olinadi;
- Dastlab, har bir hududdan eng yuqori ball toʻplagan 2 nafar qiz tanlab olinadi (bunda kamida 1 ta masala yechilgan boʻlishi lozim). Qolgan oʻrinlar uchun ishtirokchilar umumiy ballar reytingi asosida saralab olinadi. Ballar teng boʻlib qolgan taqdirda jarima ballari inobatga olinadi;
- Saralash bosqichida masalalar C++ yoki Python dasturlash tillarida kod yozish orqali amalga oshiriladi, shuning uchun C++ yoki Python dasturlash tilini bilish talab qilinadi;
- Roʻyxatdan oʻtishdan avval ICTGirls rasmiy Telegram guruhiga qoʻshilish soʻraladi.
Foydali tomonlari
Dastur gʻoliblari quyidagi imkoniyatlarni qoʻlga kiritadi:
- 10 kunlik ICT4Girls sport dasturlash oromgohida ishtirok etish;
- Xorijiy ekspertlar bilan uchrashuvlar;
- IT olimpiadalarga tayyorgarlik mashgʻulotlari;
- Eng kuchli ishtirokchilar bilan real raqobat.
Qoʻshimcha maʻlumotlar
Oromgoh uchun saralash bosqichi sanasi va manzillari roʻyxat toʻliq shakllantirilgach, loyihaning rasmiy guruhida eʼlon qilinadi. Saralash bosqichida masalalar C++ yoki Python dasturlash tillarida kod yozish orqali amalga oshiriladi.
Dastur boʻyicha eng koʻp beriladigan savollarga ushbu havola orqali javob olish mumkin.