14 yoshdan katta bo'lgan Markaziy Osiyo fuqarolari uchun fransuz tili boʻyicha onlayn olimpiada

Markaziy Osiyoda fransuz madaniy tarmogʻi Oʻzbekiston, Qozogʻiston, Qirgʻiziston, Tojikiston va Turkmaniston fuqarolari uchun fransuz tilini biluvchi barcha uchun navbatdagi onlayn Olimpiadani tashkil etadi. 

Ushbu tanlovda jami 7 kategoriya boʻyicha ishtirok etish mumkin:

• 14 yoshdan katta boʻlgan maktab oʻquvchilari;
• 14 yoshdan katta boʻlgan fransuz maktablarining oʻquvchilari va millati fransuz oʻquvchilar;
• Fransuz tilidan mutaxassis talabalar (fransuz tilini birinchi yoki ikkinchi xorijiy til sifatida oʻrganayotgan talabalar, shuningdek, ikki tomonlama diplom dasturlari talabalari);
• Fransuz tili mutaxassisligi boʻlmagan talabalar (boshqa mutaxassislikka ega boʻlgan, yoʻnalishida fransuz tili asosiy fan boʻlmagan talabalar;
• Fransuz tili oʻqituvchilari va mutaxassislari (oʻqituvchilar, tarjimonlar, shuningdek, fransuz tilida ishlaydigan ishtirokchilar);
• Boshqa holatlar, fransuz tilida soʻzlashuvchilar;
• Boshqa holatlar, fransuz zabon boʻlmaganlar.

Olimpiada 3 bosqichda oʻtkaziladi:

• Birinchi bosqich: 9-aprel — yozma qism onlayn (test);
• Ikkinchi bosqich: 10-aprel — yozma qism onlayn (diktant);
• Uchinchi bosqich: 19/20 aprel — hakamlar hayʼati bilan birgalikda onlayn ogʻzaki qism.

Tanlov nizomi bilan batafsil ushbu havola orqali tanishish mumkin.

Dasturda ishtirok etish uchun nomzodlar quyidagi talablarga javob berishi lozim:

• Olimpiadada Markaziy Osiyo davlatlari, jumladan, Oʻzbekiston fuqarolari ham ishtirok eta oladi;
• 14 yoshdan katta (2008-yil 31-dekabrdan avval tugʻilgan) bo'lgan va fransuz tilidan xabari bor maktab o'quvchilari, fransuz tili mutaxassisligi bo'yicha o'qiyotgan yoki mutaxassiligi boshqa bo'lgan talabalar, o'qituvchilar, tarjimonlar, shuningdek, fransuz tilida ishlaydigan ishtirokchilar, umuman, fransuz tiliga qiziqqan barcha ishtirok etishi mumkin;
• Qatnashish uchun ishtirokchilardan maxsus til bilish sertifikati talab etilmaydi.

Ishtirok etish talablari bilan batafsil ushbu havola orqali batafsil maʼlumot olish mumkin.

Olimpiada g'oliblari quyidagachi taqdirlanadi:

• Barcha ishtirokchilarga sertifikat beriladi;
• G'oliblar kategoriya va egallagan o'rniga ko'ra mukofotlanadi (masalan, fransuz tili kursi, fransuz tili bo'yicha yozgi amaliyotlar, veb-obunalar, kitoblar va b.).

Tanlov manfaatli jihatlari bilan batafsil ushbu havola orqali tanishish mumkin.

Olimpiadada ishtirok etish uchun nomzodlar onlayn roʻyxatdan oʻtishi lozim.

Roʻyxatdan oʻtish tugallangandan soʻng, koʻrsatilgan elektron manzilga birinchi va ikkinchi bosqich boʻyicha tushuntirish koʻrsatmalar yuboriladi.

• 3-aprel — roʻyxatdan oʻtishning soʻnggi kuni;
• 9-aprel 16:00dan 16:15gacha — olimpiadaning 1-bosqichi “Orthodidacte” platformasi (Fransiyaning imlo boʻyicha chempioni Guillaume Terrien tomonidan tashkil etilgan) bilan hamkorlikda yaratilgan onlayn testdan iborat;
• 10-aprel 16:00dan 16:15gacha - olimpiadaning 2-bosqichi (onlayn diktant);
• 14-aprel - 3-bosqichga oʻtgan nomzodlar eʼlon qilinadi. Har bir toifadan 8 nafardan jami 56 ta ishtirokchilar saralab olinadi;
• 19-20-aprel — 3-bosqich ishtirokchilari hakamlar tomonidan onlayn suhbatdan oʻtkaziladi;
• 30-aprel — yakuniy natijalar va gʻoliblar roʻyxati eʼlon qilinadi.

Qoʻshimcha savol va murojaatlar uchun: olympiadesregionales@gmail.com