15-28 yoshli ayol-qizlar uchun maxsus IT Park tomonidan Web-Fullstack boʻyicha bepul intensiv kurs

Axborot texnologiyalari va kommunikatsiyalarini rivojlantirish vazirligi, Toshkent shahridagi Amiti universiteti, IT Park va Albison akademiyasi tomonidan WEB-FULLSTACK yoʻnalishi boʻyicha qizlar uchun ingliz tilida bepul intensiv IT GIRLS kursi tashkil etilmoqda.

Kursning asosiy maqsadi – qizlarning axborot texnologiyalari sohasiga boʻlgan qiziqishini orttirish hamda sohada oʻz salohiyatini kuchaytirish uchun zarur bilim va koʻnikmalarni taqdim etish.

Ushbu kurs dasturlashni oʻrganishni endi boshlagan yoki mustaqil oʻrganishda qiyinchiliklarga duch kelayotgan, shu bilan birga, ingliz tilini mukammal egallagan qizlarga moʻljallangan. Kurs davomida barcha qoʻshimcha oʻquv materiallar toʻliq ingliz tilida berib boriladi. Bundan tashqari, doimiy ravishda soft skills boʻyicha treninglar tashkil etiladi.

Shuningdek, kursni muvaffaqiyatli yakunlagan har bir talaba qiz oʻzi uchun kuchli portfolio yaratish imkoniyatiga ega boʻladi. Dastur Yevropa standartlari asosida tuzilgan boʻlib, darslar koʻp yillik tajribaga ega ustozlar tomonidan oʻtiladi. Kurs intensiv hisoblanib, mutlaqo bepul va qisqa vaqt ichida dasturchilar tayyorlash uchun moʻljallangan.

IT GIRLS kursida qatnashish uchun ishtirokchilar quyidagi talablarga javob berishlari lozim:

• Kursda 15 yoshdan 28 yoshgacha boʻlgan barcha ayol-qizlar ishtirok etishi mumkin;
• Ingliz tilini mukammal darajada bilishi lozim. Kamida IELTS 7 daraja talab etiladi;
• Nomzod oʻz shaxsiy noutbukiga (kompyuterga) ega boʻlishi lozim;
• Darslarda ishtirok etish uchun Toshkentda istiqomat qilayotgan boʻlishi kerak.

Dastur talablari haqida batafsil ushbu havola orqali maʼlumot olish mumkin.

Kursga qabul qilingan qizlar quyidagi imtiyozlarga ega boʻladi:

• Kursga qabul qilingan qizlar Web-Fullstack yoʻnalishi boʻyicha kurslarda bepul ishtirok etadi;
• Birinchi bosqichda tinglovchilar web-dasturlashning Frontend yoʻnalishi boʻyicha saboq olishadi;
• Ikkinchi bosqichda esa, 3 oy Backend yoki mobil-dasturlash kurslariga ham qatnashish imkoniyatini qoʻlga kiritadilar;
• Doimiy ravishda soft skills boʻyicha treninglar tashkil etiladi;
• Dastur Yevropa standartlari asosida tuzilgan boʻlib, darslar koʻp yillik tajribaga ega ustozlar tomonidan oʻtiladi.

Dastur manfaatli jihatlari haqida batafsil ushbu havola orqali maʼlumot olish mumkin.

Ushbu kursda ishirok etish uchun nomzod qizlar ushbu havola orqali onlayn ro'yxatdan o'tishlari lozim.

Darslar har kuni soat 18:00 — 20:00 gacha Toshkentdagi Amiti Universitetida oflayn tarzida boʻlib oʻtadi.

Savollar boʻyicha quyidagi raqamlarga murojaat qiling: +998 99 700 27 57, +998 88 123 80 80 ,+998 90 112 27 57

Batafsil ushbu havola orqali maʼlumot olish mumkin.