16-22 yosh oraligʻidagilar uchun media savodxonligini oshirish boʻyicha 3 oylik dastur — CAMLP 2025 program

16-22 yosh oraligʻidagilar uchun 3 oylik media savodxonlik va jurnalistika almashinuv dasturi — CAMLP 2025 program (Central Asia Media Literacy project) taqdim etiladi.

Dastur davomida ishtirokchilar mezinformatsiya va dezinformatsiya haqida tushunchaga ega boʻlib, butun Markaziy Osiyoning boshqa davlatlaridan kelgan yoshlar bilan fikr almashish uchun muhim boʻlgan yangi koʻnikmalarga ega boʻladilar. Ular hatto oʻzlarining loyihalarini nashr etish va oʻz jamoalarida oʻrganganlarini baham koʻrishlari mumkin.

Dastur 2025-yil 30-iyundan 30-sentyabrga qadar davom etadi.

Dastur haqida batafsil ushbu havola orqali maʼlumot olish mumkin.

• Dasturda Qozogʻiston, Qirgʻiziston, Tojikiston, Oʻzbekiston yoki Turkmanistondan 16-22 yosh oraligʻidagi yoshlar qatnashishi mumkin;
• Iyul oyidagi 4 haftalik treninglarda, shuningdek, 2025-yil avgust va sentyabr oylaridagi uchrashuvlarda qatnashish imkoniyatiga ega boʻlish lozim;
• Ingliz tilini dasturda qatnashish darajasida bilish talab qilinadi;
• Internetdan foydalanish imkoniyati boʻlishi kerak.

Muhim: Dasturda toʻliq ishtirok etish shart. Ishtirokchilar uchtadan ortiq sessiyani oʻtkazib yuborishlari mumkin emas. Dastur sessiyalarida qatnashmaslik dasturdan chiqarib yuborilishiga olib kelishi mumkin.

• Dasturda bepul qatnashish mumkin;
• Qatnashganlik haqida sertifikat va tavsiyanoma (soʻralgan taqdirda) beriladi;
• Media savodxonligi, jurnalistika, mezinformatsiya va dezinformatsiya haqida bilib olish;
• Markaziy Osiyoning boshqa davlatlaridan kelgan yoshlar bilan tanishish va fikr almashish;
• Tayyorlagan ishini Central Asia Media Literacy Program 2025 jurnalida chop etish imkoniyati.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Yashash manzili;
• Nomzodning ona tili;
• Dastur davomidagi treninglarda qatnasha olish vaqtlari;
• Dasturda qatnashishdan maqsadi (maksimal 300 ta soʻz);
• Ushbu dastur doirasida nomzod oʻzini qiziqtirgan mavzu boʻyicha yakuniy loyihani bajarishi kerak. Qaysi mavzularga qiziqishi koʻrsatiladi (maksimal 300 ta soʻz);
• Nomzod oʻz jamiyatiga foyda keltirish uchun ushbu dasturdan oʻrganilgan koʻnikmalardan qanday foydalanishini tushuntirishi kerak (maksimal 300 ta soʻz);
• Nomzod qiziqtirgan savollari.

Eslatma: Arizani toʻldirishda AI yoki ChatGPT kabi manbalardan foydalanish mumkin emas. Ulardan foydalanganligi aniqlangan barcha arizalar avtomatik ravishda dasturdan chetlashtiriladi.

• Dasturga hujjat topshirish uchun oxirgi muddat: 2-iyun, 2025-yil (08:59);
• Natijalar 2025-yil 8-iyunda eʼlon qilinadi;
• Barcha mashgʻulotlar dushanba kunlari soat 18:00-19:30 gacha oʻtkaziladi (Oʻzbekiston fuqarolari uchun);
• Qoʻshimcha maʼlumot uchun camedialiteracyproject@gmail.com elektron manziliga murojaat qilish mumkin.