16-35 yosh oraligʻidagi yetakchi yoshlar uchun Marokashda xarajatlari toʻliq qoplanadigan konferensiya — Youth Congress Morocco 2025

16-35 yosh oraligʻidagi yetakchi yoshlar uchun Marokashda xarajatlari toʻliq qoplanadigan konferensiya — Youth Congress Morocco 2025 taqdim etiladi.

Konferensiya 2025-yilning 21-noyabrdan 23-noyabrigacha Marokashda oʻtkaziladi. Dastur davomida jami 10 nafar ishtirokchi toʻliq moliyalashtirilishi va 40 nafar nomzod qisman moliyalashtirilishi rejalashtirilgan.

Dasturda quyidagi mavzular koʻrib chiqiladi:

1. Yosh diplomatlar: Bog'langan dunyoda ta'sirni qayta aniqlash;
2. Chegaralarni birlashtirish: Jahon yoshlar yetakchiligining yuksalishi;
3. Tezkor yetakchilik: yoshlar global siljishlarni qanday boshqaradi?
4. Kelajak diplomatlari: yoshlar global o'zgarishlar frontida;
5. Madaniyat, kommunikatsiya, aloqa: yoshlar global birlashtiruvchi sifatida.

Dasturdan asosiy maqsadlar:

• Ishtirokchilar oʻrtasida ochiq va madaniyatlararo muloqotni hamda nizolarni hal qilish koʻnikmasini rivojlantirish;
• Kelajakdagi tashabbuslar uchun uzoq muddatli hamkorlik va unga yordam beruvchi yosh liderlarning global tarmogʻini rivojlantirish;
• Global fuqarolik va ijtimoiy masʼuliyat hissini tarbiyalash, ishtirokchilarni dolzarb global muammolar boʻyicha harakat qilish va oʻz jamoalariga ijobiy taʼsir koʻrsatishga ilhomlantirish;
• Madaniy xilma-xillik, inson huquqlari va ijtimoiy adolat kabi mavzularda seminar va interaktiv sessiyalarni tashkil etish asnosida ishtirokchilarga qimmatli bilim va tushunchalar berish;
• Ishtirokchilarning kelib chiqishidagi xilma-xillikni koʻrsatish va oʻzaro qadrlashni oʻrgatish uchun madaniy almashinuv tadbirlarini tashkil etish;
• Mamlakatdagi mahalliy joylarga tashrif buyurish, ekskursiya va jamoatchilikni jalb qilishga bagʻishlangan loyihalarda qatnashish kabi noyob tajribani taqdim etish;
• Ishtirokchilarga oʻz isteʼdodlari, gʻoyalari va loyihalarini namoyish qilish, ijodkorlik, innovatsiyalar va madaniyatlararo hamkorlikni rivojlantirish uchun platforma taqdim etish;
• Qatnashchilarni global fikrlashni rivojlantirishga va xilma-xillikni qabul qilishga undash.

Dastur haqida batafsil ushbu havola orqali maʼlumot olish mumkin.

• To'liq grant uchun 16-35 yosh oraligʻidagi yetakchi yoshlar qatnashishi mumkin (boshqa toifadagilar uchun 18 yosh yoki undan yuqori boʻlish talab qilinadi);
• Ingliz tilini dasturda qatnashish darajasida bilish lozim (sertifikat soʻralmaydi);
• Nomzodlar ID yoki pasportga ega boʻlishi shart;
• Talabgor ijtimoiy yoki taʼlim faoliyatida ishtirok etish yoki ijtimoiy oʻzgarishlar haqida aniq tasavvurga ega boʻlishi kerak.

Toʻliq moliyalashtiriladigan nomzodlarga quyidagilar taqdim etiladi (10 nafar):

• Ikki tomonlama aviachipta beriladi (Eng yaxshi 3 nafar delegat uchun);
• Dastur toʻlovidan ozod etiladi;
• Turarjoy va ovqatlanish (kuniga 2 mahal) bilan taʼminlanadi;
• Maxsus mukofotlar taqdim etiladi;
• Konferensiya toʻplami va dastur yakunida sertifikat beriladi;
• Diqqatga sazovor joylarda sayohat qilish imkoniyati;
• Madaniy almashinuv dasturi va tadbirlar tashkil qilinadi.

Muhim: Xarajatlari toʻliq qoplanadigan dasturda gʻolib boʻlolmagan ishtirokchilar kuzatuvchi sifatida ham qabul qilinishi mumkin.

Dasturga hujjat topshirish 2 bosqichdan iborat:

1. Ushbu havola orqali onlayn ariza topshiriladi;
2. Saralangan nomzodlar suhbatga taklif qilinadi va baholanadi.

Hujjat topshirishda shaxsiy maʼlumotlarni kiritish va dasturga oid savollarga javob berish soʻraladi.

Eslatma: Hujjat topshirishdan oldin $19,99 miqdoridagi toʻlov toʻlash kerak.

• Dasturga hujjat topshirish uchun oxirgi muddat: 20-avgust, 2025-yil;
• Natijalar eʼlon qilinadi: 30-avgust, 2025-yil;
• Email: info@vfri.ca;
• WhatsApp: +1 (236) 668 5477 / +1 (236) 975 7443.