16-35 yosh oraligʻidagilar uchun Abu-Dabi shahrida xarajatlari toʻliq qoplanadigan global forum — IRENA Youth Forum 2026

International Renewable Energy Agency (IRENA) tomonidan 16-35 yosh oraligʻidagi barcha uchun qayta tiklanadigan energiya boʻyicha xarajatlari toʻliq qoplanadigan global forum — IRENA Youth Forum: The New Generation of Decision Makers taqdim etiladi. Dastur doirasida jami 35 nafar ishtirokchi saralab olinishi rejalashtirilgan.

Forum Birlashgan Arab Amirliklarining poytaxti boʻlgan Abu-Dabi shahrida 2026-yilning 8-10-yanvar kunlari oʻtkaziladi.

Forum yoshlar oʻrtasidagi aloqalarni mustahkamlaydi va ularni global yetakchilar, hukumat vakillari va IRENA ekspertlari bilan bogʻlaydi. Dasturdan asosiy maqsad iqlim oʻzgarishlarini oldini olish va shu yoʻlda amalga oshirilayotgan ishlarning barqaror rivojlanishini taʼminlash maqsadida qayta tiklanadigan energiya manbalaridan foydalanishni jadallashtirishga hissa qoʻshishi uchun yoshlar uchun imkoniyat yaratishdan iborat.

Forum doirasida quyidagi tadbirlar tashkil etiladi:

• High level plenaries;
• Experts Debates & Roundtables;
• Workshops and Seminars;
• Interactive activities;
• Youth Circles;
• High Level Bilateral meetings.

Dastur haqida batafsil ushbu havola orqali maʼlumot olish mumkin.

• 16-35 yosh oraligʻidagi barcha yoshlar qatnashishi mumkin;
• Qayta tiklanadigan energiya, barqarorlik, innovatsiyalar yoki tegishli sohalarga qiziqishi kerak;
• Qayta tiklanadigan energiya bilan bog'liq startap, tadqiqot yoki loyihaga ega boʻlish (yoki loyiha yaratishni rejalashtirayotgan boʻlish) kerak;
• Ingliz tilini dasturda qatnashish darajasida bilish lozim;
• Forumda qatnashish uchun pasportga ega boʻlish talab qilinadi.

Eslatma: Eng kam rivojlangan, rivojlanayotgan kichik orol davlatlari va rivojlanayotgan mamlakatlardan boʻlgan yoshlarga ustunlik beriladi. Forum boʻlib oʻtgunga qadar nomzodlar kamida 16 yoshga toʻlgan va 35 yoshdan kichik boʻlishi kerak.

• Dasturda bepul qatnashish mumkin;
• Sayohat va turarjoy xarajatlari toʻliq moliyalashtiriladi;
• Ochiq muloqot va seminarlarni oʻz ichiga olgan interaktiv tadbirlar oʻtkaziladi.

Dasturda qatnashishni istaganlar ushbu havola orqali hujjat topshirishlari mumkin.

Ariza topshirishda quyidagilar soʻraladi:

• Shaxsiy maʼlumotlar;
• Akademik yutuqlari haqida maʼlumot;
• Nomzodning forum, qayta tiklanadigan energiya va iqlim oʻzgarishlari boʻyicha harakatlar haqida fikrlarini bilish uchun maxsus savollar;
• CV;
• Qayta tiklanadigan energiya boʻyicha nomzodning mavjud yoki rejalashtirayotgan loyihasi haqida 2 daqiqalik video.

Ariza topshirishdan oldin ushbu havola orqali arizada soʻraladigan savollar va kerakli hujjatlar bilan yaqindan tanishib chiqish mumkin.

Muhim: Savollarga javob berishda sunʼiy intellektdan foydalanish taqiqlanadi va dasturdan chetlatiladi. Ariza toʻliq ingliz tilida taqdim etilishi kerak.

• Dasturga hujjat topshirish uchun oxirgi muddat: 30-sentyabr, 2025-yil;
• Natijalar boʻyicha 2025-yil 15-noyabrgacha arizachilar xabardor qilinadi;
• Email: youth@irena.org.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Twitter;
• YouTube;
• Instagram;
• Linkedin;
• RSS;
• Flickr.