16-35 yoshgacha boʻlgan professional va havaskor fotosuratchilar uchun “Unique Uzbekistan” tanlovi. Umumiy mukofot jamgʻarmasi — 100 million

Yoshlar ishlari agentligi Fargʻona viloyati boshqarmasi mukofot jamgʻarmasi 100 million soʻm boʻlgan “Unique Uzbekistan” nomli yosh fotograflar tanloviga start berdi.

Tanlovning maqsad va vazifasi: 

Respublikadagi fotografiyaga qiziqadigan yoshlar oʻrtasida mamlakatimiz hududidagi diqqatga sazovor maskanlar, arxitektura yodgorliklari, milliy urf-odat va anʼanalarni oʻzida yoshlar obyektivlarida aks ettirgan “Unique Uzbekistan” yosh fotograflar uchun milliylikni targʻib qilish, yoshlarni oʻz ustida ishlashga yanada koʻproq jalb qilish, yoshlar va qizlarning boʻsh vaqtlarini mazmunli oʻtkazish, ularni qoʻllab-quvvatlash, yangicha yoʻnalishdagi tanlovlar turlarini ommalashtirish.

Tanlov quyidagi yoʻnalishlarda oʻtkaziladi:

1. Inson va oila bu yoʻnalishda, fotograflar bir millatga xos urf-odat, anʼanalar, qadriyatlarni oʻzida aks ettirgan ijod namunalari bilan ishtirok etishi mumkin. Bir millatning oilaviy anʼanalari, insonlarining yuz qiyofalari aks etgan surʼatlar ham ayni shu yoʻnalishga qabul qilinadi.
2. Mening shahrim (Qishlogʻim) bu yoʻnalishda fotograflar landshaftga oid ishlari bilan, yaʼni oʻzi istiqomat qilayotgan shahar(tuman, qishloq)ning diqqatga sazovor maskanlari, turistik hududlari, arxitektura namunalari, turli xildagi manzaralariga oid ijod namunalari bilan ishtirok etish imkoniyatiga ega.
3. Jannatmakon Fargʻonam bu yoʻnalishda fotosuratchilar Fargʻonaning goʻzal maskanlarini oʻzida aks ettiruvchi surʼatlari bilan ishtirok etishi mumkin.

Tanlovni oʻtkazish joyi va vaqti:

• Tanlov ikki bosqichda onlayn tarzda oʻtkaziladi;
• Tanlov 2022-yil may-iyun oylarida oʻtkaziladi;
• Tanlov gʻoliblarini taqdirlash kuni va joyi Tashkiliy qoʻmita tomonidan eʼlon qilinadi.

Tanlov haqida ushbu havola orqali batafsil ma'lumotga ega bo‘lish mumkin.

• O‘zbekistonning istalgan hududidan 16-35 yoshgacha boʻlgan professional va havaskor fotosuratchilar ishtirok etishlari mumkin;
• Fotosuratlar mavzusi “Inson va oila”, “Mening shahrim (Qishlogʻim)“, “Jannatmakon Fargʻonam” doirasida boʻlishi kerak.

Mukofot jamgʻarmasi 100 millionni tashkil qiladi. Tanlov gʻoliblari 30-iyun “Yoshlar kuni” arafasida Yoshlar ishlari agentligining I,II,III darajali diplomi, statuetkasi va har uch yoʻnalishda:

• 1-oʻrin sohiblariga zamonaviy smartfon (Iphone 13 Pro);
• 2-oʻrin sohiblariga zamonaviy noutbuk (core i7);
• 3-oʻrin sohiblariga zamonaviy planshet (Samsung Tap S7) esdalik sovgʻalari bilan taqdirlanadi.

Tanlov shartlari:

• Tanlov onlayn tartibda oʻtkaziladi va ijod namunalari telegram boti orqali fayl formatda qabul qilinadi, tashkiliy qoʻmita tomonidan saralangan fotosuratlar ijtimoiy tarmoqlar orqali eʼlon qilinadi. Eng koʻp “like” yiqqan 30 nafar ijod namunalari mualliflari 2-bosqichga oʻtkaziladi. ;
• 2-bosqichga oʻtgan ijodkorlardan yana qayta, yangi ijod namunalari yuborishlari uchun 10 kunlik muhlat beriladi. Natijalar tashkiliy qoʻmita qaroriga asosan aniqlandi va eʼlon qilinadi;
• Tanlov uchun yuborilgan surʼatlar, avval hech qayerda eʼlon qilinmagan, tanlov davrida (may-iyun oylarida) va tanlov uchun maxsus olingan hamda yuqoridagi 3 ta yoʻnalish doirasidan chetga chiqmagan tarzda boʻlishi kerak;
• Ishtirokchilar barcha yoʻnalishlarda ishtirok etishi mumkin, faqat bir yoʻnalishda gʻolib deb topiladi;
• Tanlovda ishtirokchilar toʻplagan ballari teng kelib qolgan taqdirda, ishtirokchilar tomonidan yangi ijod namunalari 3 kun muddatda yuborilishi talab etiladi hamda tashkiliy qoʻmita tomonidan yakuniy xulosa beriladi;
• Yuborilgan ijod namunalari amaldagi Oʻzbekiston Respublikasi qonun hujjatlariga zid kelishi, zid gʻoyalarni targʻib qilishi mumkin emas.

Qo‘shimcha talablar:

• Ishtirokchilar eng koʻpi bilan 10 ta rasm yuborishlari mumkin, lekin ovozga qoʻyishga faqat tanlangan rasm boʻlishi kerak;
• Yuborilgan rasmning, joylashgan joyi toʻliq koʻrsatilishi, nomi va xalq orasidagi atalishi boʻlishi kerak;
• Fayl formatida yuborilgan rasmlar, albatta, plagiatga tekshiriladi;
• Alohida eʼtibor surʼatning tanlov davrida olinganligiga qaratiladi, yaʼni 2022-yil may oyida olingan rasmlargina qabul qilinadi.

Qabul jarayoni:

• 1-bosqich 30-mayga qadar davom etadi, 10-iyungacha saralanadi;
• 2-bosqich 10-20-iyungacha davom etadi.

Tanlov nizomi bilan ushbu havola orqali toʻliq tanishib chiqish mumkin.

Tanlov jarayonlari haqida batafsil maʼlumot Yoshlar ishlari agentligi Fargʻona viloyati boshqarmasining rasmiy Telegram sahifasida berib boriladi.