Barcha soha vakillari uchun Turkiyaning Istanbul shahrida xarajatlari qoplanadigan 3 kunlik xalqaro sammit — Young Public Diplomacy Summit
-
01/07/2024 Qabul boshlanishi
-
Grant Moliyalash turi
-
Turkiya Davlat
-
28.07.2024 Oxirgi muddat
Umumiy maʻlumotlar
The Young Public Diplomacy Summit (YPDS) dasturi diplomatiyaga qiziquvchi, yosh va intiluvchan turli soha vakillari uchun 3 kunlik sammit eʼlon qiladi.
Ushbu dasturda ishtirokchilar bir qator puxta ishlab chiqilgan modullar orqali zamonaviy xalq diplomatiyasi amaliyotlari, mahalliy xalqlarning tutgan oʻrni, sanʼat va faollikning kesishuvi hamda madaniy aloqalarning asosiy rolini oʻrganishadi.
Sammit 2024-yil 5-8-sentyabr kunlari Turkiyaning Istanbul shahrida boʻlib oʻtadi. Dasturga nomzodlar 3 kategoriya boʻyicha qabul qilinadi.
- Birinchi kategoriya dastur maʼmuriyati tomonidan toʻliq moliyalashtiriladi.
- Ikkinchi kategoriya qisman moliyalashtirilib, unga 15 nafar ishtirokchi saralab olinadi va dastur xarajatlarining 50 foizi toʻlab beriladi.
- Uchinchi kategoriya uchun esa xarajatlar ishtirokchilar tomonidan toʻlanadi va bu $650 tashkil etadi.
Barcha ishtirokchilarning turar-joy va oziq-ovqat xarajatlari qoplanadi. Shuningdek, ularga bir qator imkoniyatlar yaratiladi.
Dasturga qabul jarayoni 2024-yil 28-iyulgacha davom etadi.
Dastur haqida ushbu havola orqali batafsil maʼlumot olish mumkin.
Maqbullik shartlari
Dasturda qatnashish uchun quyidagi talablar mavjud:
- Dasturda barcha davlat fuqarolari ishtirok etishlari mumkin;
- Barcha soha vakillari dasturga ariza topshira oladi;
- Ishtirokchilar diplomatiya, tinchlikni saqlash va shu kabi sohalarga qiziqishlari lozim;
- Turkiyaning Istanbul shahrida boʻlib oʻtadigan 3 kunlik sammitda qatnashish imkoniga ega boʻlishlari zarur;
- Dasturga vaqtida roʻyxatdan oʻtish kerak, chunki belgilangan muddatdan soʻng qabul jarayoni yopiladi;
- Dasturda til bilish darajasi boʻyicha sertifikat talab qilinmaydi.
Dastur talablari haqida ushbu havola orqali toʻliq maʼlumot olish mumkin.
Foydali tomonlari
Dasturga nomzodlar 3 kategoriya boʻyicha qabul qilinadi. Birinchi kategoriya dastur maʼmuriyati tomonidan toʻliq moliyalashtiriladi. Ikkinchi kategoriya qisman moliyalashtirilib, unda dastur xarajatlarining 50 foizi toʻlab beriladi. Uchinchi kategoriya uchun esa xarajatlar ishtirokchilar tomonidan toʻliq ($650) toʻlanadi. Uchala kategoriya qatnashchilari uchun ham quyidagi imkoniyatlar yaratiladi:
- 3 kunlik turar-joy bilan taʼminlanadi;
- Oziq-ovqat xarajatlari qoplanadi;
- 10 haftalik virtual kursda qatnashish imkoniyati yaratiladi;
- Dasturda qatnashganlik toʻgʻrisida sertifikat beriladi;
- Dastur nomi tushirilgan materiallar tarqatiladi;
- Strategiya va madaniy diplomatiya markazi stajirovka dasturlarida qatnashish imkoni mavjud boʻladi;
- Dastur qatnashchilari va mutaxassislar bilan suhbatlashish hamda tajriba almashish mumkin boʻladi;
- Nomzodlar shahar boʻylab sayohat qilish imkonini qoʻlga kiritishadi;
- Shuningdek, ikkinchi kategoriya ishtirokchilari orasidan dastur soʻnggida eng faol ishtirokchi saralab olinadi va uning qaytish yoʻl xarajatlari qoplanadi.
Eslatma! Grant uchun ariza topshirgan nomzodlar oʻz hisobidan qatnasha olmaydi. Lekin ular xalq diplomatiyasi, identifikatsiyalar, davlat xizmatlari munosabatlari, sanʼat, falsafa va siyosat mavzularidagi 6-10 haftalik virtual dasturda qatnashish imkonini qoʻlga kiritishadi. Bu dastur yosh, qobiliyatli olimlar tomonidan oʻqitiladi va ular boy oʻqitish tajribasini taqdim etadi.
Dasturning foydali jihatlari haqida ushbu havola orqali toʻliq maʼlumot olish mumkin.
Qoʻshimcha maʻlumotlar
Nomzodlarni saralash jarayonida quyidagi jihatlar inobatga olinadi:
- Ariza shaklining toʻldirilishi va undagi savollarga berilgan javoblar;
- Taʼlim darajasi va ish tajribasi;
- Erishilgan yutuqlar;
- Yaratuvchanlik va muloqot qobiliyati;
- Intervyu va ijtimoiy harakat dasturi.
The Young Public Diplomacy Summit galereyasi bilan ushbu havola orqali tanishish mumkin.
Dastur haqida quyidagi ijtimoiy tarmoqlar orqali ham qoʻshimcha maʼlumot olish mumkin: