Yangi Zelandiyada xarajatlari to’liq va qisman qoplanadigan sammit — Global Business Symposium

Barcha talabalar, mutaxassislar, texnologiyaga qiziquvchilar uchun Yangi Zelandiyada xarajatlari toʻliq va qisman moliyalashtiriladigan sammit — Global Business Symposium taqdim etiladi.

Dastur uchun jami 150 ta oʻrin ajratilgan:

• Toʻliq moliyalashtirish turi uchun 20 ta;
• Qisman moliyalashtirish turi uchun 55 ta;
• Ijtimoiy media kampaniyalaridan boʻlgan vakillar uchun 5 ta;
• Oʻz-oʻzini moliyalashtirish turi uchun 70 ta.

Nomzodlarni bunday toifalarga joylashtirish Global Biznes Simpoziumining tanlov qoʻmitasining ixtiyoriga koʻra hamda ishtirokchilarning arizasi, ijtimoiy sohadagi tajribasi va yetakchilik salohiyatiga asoslanadi. Yangi Zelandiya 2026 Yoshlar yetakchiligi sammitining bu yilgi mavzusi “Texnikaga asoslangan dunyoda maqsadli yetakchilik”.

Dasturdan asosiy maqsad yosh tadbirkorlar uchun xalqaro toifadagi biznes mutaxassislaridan bilim oʻrganish, global tarmoqqa kirish, yetakchilik va biznes boshqaruvi boʻyicha kerakli tushunchaga ega boʻlish hamda turli muvaffaqiyatli tadbirkorlar bilan hamkorlikni yoʻlga qoʻyish uchun platforma yaratishdan iborat.

Sammit 2026-yil 19-apreldan 23-aprelgacha Yangi Zelandiyada oʻtkaziladi.

Dastur uchun ariza topshirishning oxirgi muddati: 5-fevral, 2026

Dastur haqida batafsil ushbu havola orqali maʼlumot olish mumkin.

• Talabalar, mahalliy va global imkoniyatlarni qidirayotgan biznes mutaxassislari, ijtimoiy rivojlanish sohalari va korporatsiyalarda ishlayotganlar hamda yosh tadbirkorlar qatnashishi mumkin;
• Ishtirokchilar yetakchilik, texnologiya va biznesni boshqaruvini oʻrganishga qiziqishi lozim;
• Ingliz tilini dasturda qatnashish darajasida bilish lozim (til bilish sertifikatlaridan IELTS/TOEFL soʻralmaydi);
• Nomzodlar ijtimoiy sohadagi tajribasi, yetakchilik salohiyati va erishgan yutuqlari asosida saralanadi.

• Viza uchun maxsus taklifnoma va yordam koʻrsatiladi;
• Yetakchilik va biznes boshqaruvi boʻyicha sertifikat beriladi;
• Dunyoning eng yaxshi va yetakchi murabbiylaridan bilim oʻrganish hamda muvaffaqiyatli tadbirkorlar bilan aloqa oʻrnatish imkoniyati.

Muhim: Viza olish uchun yordam sifatida maxsus qoʻllanma beriladi. Dastur qatnashchilarning viza olishini kafolatlamaydi.

Toʻliq moliyalashtirish turi uchun:

• Aviachipta bilan taʼminlanadi;
• Turar joy va ovqatlanish (nonushta va tushlik) moliyalashtiriladi;
• Sertifikat beriladi;
• Konferensiya toʻplami taqdim etiladi.

Qisman moliyalashtirish turi uchun:

• Turar joy va ovqatlanish (nonushta va tushlik) moliyalashtiriladi;
• Sertifikat beriladi;
• Konferensiya toʻplami taqdim etiladi.

Oʻz-oʻzini moliyalashtirish turida ishtirokchilar delegatlar paketini sotib olish evaziga quyidagi imtiyozlarga ega boʻladi (turar joysiz 799 AQSh dollarini tashkil qiladi):

• Turarjoy va ovqatlanish (nonushta va tushlik) moliyalashtiriladi;
• Sertifikat beriladi;
• Konferensiya toʻplami taqdim etiladi.

Maʼlumot uchun: Yetakchilik va biznes boshqaruvi sertifikati ishtirokchilarga yetakchilik rollarida ustun turish va biznes boshqaruvini samarali boshqarish uchun zarur boʻlgan muhim koʻnikma va bilimlarni oʻrgatish uchun moʻljallangan keng qamrovli dasturdir.

Ushbu kurs yetakchilikning asosiy yoʻnalishlari, strategik rejalashtirish, qarorlar qabul qilish, tashkiliy xulq-atvor, tashkilot muvaffaqiyatini taʼminlash uchun zarur boʻlgan barcha qoidalarga eʼtibor qaratgan nazariy tushuncha va amaliy qoʻllanmalarni taklif etadi.

Dasturda qatnashishni istaganlar ushbu havola orqali ariza topshirishlari mumkin.

Ariza topshirishda quyidagilar soʻraladi:

• Shaxsiy maʼlumotlar;
• Ishtirokchining mutaxassisligiga oid maʼlumotlar;
• Nomzodning fotosurati (professional tarzda olingan);
• Pasport nusxasi.

Eslatma: Hujjat topshirish uchun $30 miqdorida badal pulini toʻlash talab qilinadi va u har qanday holatda ham qaytarilmaydi.

• Dasturga hujjat topshirish uchun oxirgi muddat: 5-fevral, 2026-yil;
• Email: info@globalbusinesssymposium.com;
• Tel: +1 (929) 583 16 75.