15 yoshdan 35 yoshgacha boʻlgan barcha uchun Turkiyaning Istanbul shahrida xalqaro sammit — Istanbul Youth Summit

Istanbul Yoshlar Sammiti - Youth Break the Boundaries fondi tomonidan har yili o'tkaziladigan xalqaro yoshlar sammitidir. Bu yilgi sammit 2025-yil 17-20-fevral kunlari Istanbulda boʻlib oʻtadi.

Dasturni tashkil etilishidan asosiy maqsad - yoshlarda milliylik, xulq-atvor qadriyatlari va xalqaro madaniyatni shakllantirish orqali kelajak liderlarini tayyorlashdir.

Bu yilgi sammit mavzusi: “Empowering Youth Leaders to Drive Sustainable Change for A Brighter Future” (Yorqin kelajak uchun barqaror o‘zgarishlarni amalga oshirish uchun yoshlar yetakchilariga imkoniyatlar berish).

Ushbu mavzu ostida toʻrtta kichik mavzu ham yoritiladi:

• Good Health And Well-Beings (sogʻlik va farovonlik)
• Quality Education (sifatli taʼlim)
• Decent Work And Economic Growth (munosib mehnat va iqtisodiy oʻsish)
• Envirоnment/climate actiоn (atrоf-muhit va iqlim harakati)
• Рeace and Justice (tinchlik va adolat)

• Maʼlumoti va millatidan qatʼi nazar 15 yoshdan 35 yoshgacha boʻlgan barcha ariza yuborishlari mumkin;
• Ariza topshirayotgan nomzodlar liderlik va oʻz jamiyatiga ijobiy oʻzgarish kiritish qobiliyatlariga ega boʻlishlari kerak;
• Dastur ingliz tilida boʻlib oʻtadi, ammo qatnashish uchun hech qanday til sertifikati talab qilinmaydi;
• Shuningdek, nomzodlar muqaddam sudlanmagan va hech qanday ekstremistik tashkilotga aloqasi boʻlmasligi shart.

Dasturda qatnashish talablari bilan ushbu havola orqali batafsil tanishib chiqish mumkin.

• Toʻliq qoplanuvchi grant yutgan nomzodlar uchun mehmonxona, uch mahal ovqatlanish, sertifikat va ichki transport xarajatlari moliyalashtiriladi;
• Nomzodlar aviachipta va viza xarajatlarini oʻzlarini hisobidan toʻlashlari kerak boʻladi.

Dasturda qatnashishning boshqa afzalliklari bilan ushbu havola orqali tanishib chiqish mumkin.

• Dastlab ushbu havola orqali elektron pochta va kod kiritadi;
• Elektron pochtaga xabar keladi, uni tasdiqlagandan so'ng har bir nomzod uchun alohida akkaunt ochiladi.

Ro‘yxatdan o‘tgandan so‘ng quyidagi ma'lumotlarni taqdim etish so‘raladi:

1. Asosiy maʼlumotlar qismida: toʻliq ism, tugʻilgan sana, manzil va boshqalar.
2. Qo‘shimcha ma'lumotlar qismida: tajribalar, isteʼdodlar va boshqalar.
3. Insho: 250 so‘zdan iborat
4. Dastur bo‘yicha: Twibbon havolasi, murojaat kodi va boshqalar.
5. Shaxsiy rasm

Eslatma: Toʻliq qoplanadigan grant yutib olishni xohlagan nomzodlarning barcha shaxsiy maʼlumotlari va inshosi qabul qilinganidan soʻng intervyu bosqichiga oʻtiladi.

Muhim: Qanday qilib roʻyxatdan oʻtish va hujjatlarni yuborish bo‘yicha yoʻriqnomalar bilan ushbu havola orqali tanishib chiqish mumkin.

Qabul bosqichlari:

1. 1-avgustdan 30-sentyabrgacha dasturga arizalar qabul qilinadi;
2. 10-20-sentyabrda qabul qilingan nomzodlar eʼlon qilinadi;
3. 6-10-dekabr kunlari toʻliq moliyalashtirilishi eʼlon qilingan nomzodlar bilan intervyu boʻlib oʻtadi;
4. 1-5-yanvarda intervyudan oʻtgan va toʻliq moliyalashtirish asosida forumga qatnashadigan yoshlar roʻyxati eʼlon qilinadi.

Qoʻshimcha maʼlumotlar uchun:

• Telefon raqam: +6285173386622
• Elektron pochta manzili: istanbulyouthsummit@gmail.com
• Eng koʻp soʻraladigan savollarga javoblar: FAQʼs
• Instagram: @istanbulyouthsummit
• LinkedIn: Youth Break the Boundaries
• Veb-sayt: istanbulyoutsummit.com