18-25 yosh oraligʻidagilar uchun Turkiyaning Istanbul shahrida xarajatlari qoplanadigan dastur — Central Asia & Türkiye Youth Talks

Dushanbe va Bishkekdagi OSCE Programme hamkorligida 2025-yilning 11-18-avgust kunlari Turkiyaning Istanbul shahrida boʻlib oʻtadigan Central Asia & Türkiye Youth Talks dasturi eʼlon qilinadi. 

Bu yoshlar oʻrtasidagi almashinuv hamda bilimlarni oshirishga moʻljallangan dastur boʻlib, unga bir qator Oʻrta Osiyo mamlakatlaridan 30 nafar 18-25 yosh oraligʻidagi nomzodlar saralab olinadi. Dastur davomida hududiy hamda global ahamiyatga ega boʻlgan raqamlashtirish, ijtimoiy tadbirkorlik va gender rivojlanishi sohalari tahlil qilinadi. Dastur ingliz tilida olib boriladi. ishtirokchilarning turar-joy, oziq-ovqat va yoʻl xarajatlari dastur maʼmuriyati tomonidan qoplanadi.

Dasturga qabul jarayoni 2025-yil 6-iyulgacha davom etadi.

Dastur haqida ushbu havola orqali toʻliq maʼlumot olish mumkin.

Dasturda qatnashish uchun nomzodlarga quyidagi talablar qoʻyilgan:

• 18-25 yosh oraligʻidagi Oʻzbekiston, Qozogʻiston, Qirgʻiziston, Tojikiston, Turkiya yoki Turkmaniston fuqarosi boʻlish kerak;
• Jamiyatning faol aʼzosi boʻlgan hamda Markaziy Osiyo (yoshlar) hududiy hamkorligiga qiziqishi bor nomzodlar dasturga ariza topshirishi lozim;
• Raqamlashtirish, ijtimoiy tadbirkorlik hamda gender rivojlanishi sohalariga yuqori qiziqish bildirish hamda ushbu sohada tajribaga ega boʻlish soʻraladi;
• Mahalliy jamiyatning faol aʼzosi boʻlish hamda Markaziy Osiyo va Turkiyada hududlarida yoshlarning hududiy hamkorligini ragʻbatlantirishni qoʻllab-quvvatlash lozim;
• Ingliz tilida bemalol soʻzlasha olish zarur;
• Dastur doirasida yoshlarning rolini ragʻbatlantirish borasidagi tajribalarini boʻlishish va boshqalardan oʻrganishga tayyor boʻlish zarur;
• Saralab olingan nomzodlar dastur jarayonida toʻliq qatnashishlari kerak;
• Nomzodlarni saralash jarayonida ularning ularning jinsi hamda geografik balansga ham eʼtibor beriladi. Markaz va poytaxtdan yiroq boʻlgan hududlardan boʻlgan nomzodlar ishtiroki ragʻbatlantiriladi.

Dastur talablari haqida ushbu havola orqali toʻliq maʼlumot olish mumkin.

Dasturning quyidagi foydali tomonlari mavjud:

• Barcha xarajatlar dastur maʼmuriyati tomonidan qoplanadi;
• Turkiyaning Istanbul shahriga sayohat qilish imkoni;
• Oʻz tengdoshlari bilan bilim almashish hamda tajriba oshirish imkoniga ega boʻladi.

Dasturda qatnashmoqchi boʻlgan nomzodlardan 2025-yil 6-iyulgacha onlayn ariza shaklini toʻldirish soʻraladi.

Dasturga ushbu havola orqali ariza topshirish mumkin.

Murojaat uchun:

WhatsApp: +992985564353;

E-mail: 1. POID-Election@osce.org.