18-25 yosh oraligʻidagilar uchun Turkiyada xarajatlari toʻliq qoplanadigan Central Asian Youth Talks konferensiyasi

Jahon banki va Dushanbedagi YXHT (Yevropada xavfsizlik va hamkorlik tashkiloti) dasturi ofisi tomonidan 18-25 yosh oraligʻidagi jamiyatdagi faol yoshlar uchun Central Asia Youth Talks konferensiyasini taqdim etadi. Tadbir ingliz tilida olib boriladi va 2023-yil 18-22-dekabr kunlari Turkiyaning Istanbul shahrida oʻtkaziladi.

Tadbir ishtirokchilari Markaziy Osiyoda mintaqaviy ahamiyatga ega boʻlgan mavzularni, masalan, iqlim oʻzgarishi oqibatlarini yumshatish, suv-energiya aloqasi, inson kapitali va kelajak ish oʻrinlarini yaratish, gender rivojlanish, shuningdek, yoshlar muloqotini kuchaytirish va mintaqaning kelajakdagi rivojlanishi uchun tarmoq platformalarini rivojlantirish kabi dolzarb muammolarni muhokama qilishadi.

Maʼlumot uchun: Central Asia Youth Talks – bu Qozogʻiston, Qirgʻiziston, Tojikiston, Turkmaniston va Oʻzbekistondan 25 nafar yoshlarni birlashtiradigan almashinuv va oʻrganish tadbiridir. Tadbir yosh faollar uchun oʻz fikr-mulohazalari, gʻoyalari va yutuqlari bilan oʻrtoqlashish, oʻz jamoalarida oʻzaro taʼlim va rivojlanishga koʻmaklashishlari uchun imkoniyat hisoblanadi.

Dastur haqida batafsil ushbu havola orqali maʼlumot olish mumkin.

• 18-25 yoshgacha boʻlgan Qozogʻiston, Qirgʻiziston, Tojikiston, Turkmaniston va Oʻzbekiston fuqarolari qatnashishi mumkin;
• Ingliz va/yoki rus tilini mukammal bilish lozim (sertifikat soʻralmaydi);
• Nomzodlar quyidagi sohalarda tajribaga ega boʻlishi yoki ushbu sohalarga qiziqishi kerak:
  • Climate change (iqlim oʻzgarishi);
  • Jobs of the future (kelajakdagi ish oʻrinlari);
  • Gender development (gender rivojlanish).
• Nomzodlar Markaziy Osiyoda yoshlarning mintaqaviy hamkorligini rivojlantirishdan manfaatdor boʻlishi lozim;
• Ishtirokchilar tadbirda toʻliq qatnashishi shart.

Eslatma: Viloyat markazlari va poytaxtdan tashqarida joylashgan kichik jamoalardan boʻlgan nomzodlar ariza topshirishi tavsiya etiladi.

• Turar joy, ovqatlanish va transport xarajatlari tashkilotchilar tomonidan qoplanadi;
• Xalqaro sayohat tashkilotchilar tomonidan moliyalashtiriladi (biroq oʻz mamlakatlaridagi shaharlarga borish va qaytish ishtirokchilarning zimmasida);
• Turli yoshdagi jamiyatning faol yoshlari bilan fikr almashish va yangi bilimlar oʻrganish imkoniyati.

Dasturda qatnashishni istaganlar ushbu havola orqali ariza topshirishlari mumkin.

Talab qilinadigan hujjatlar:

• Nomzodning fotosurati;
• CV.

• Dasturga hujjat topshirish uchun oxirgi muddat: 17-noyabr, 2023-yil (18:00);
• Tashkilotchilar faqat tanlovdan oʻtgan nomzodlar bilan 2023-yil 30-noyabrgacha bogʻlanishadi;
• Tel: +992985170145;
• Email: POID-Election@osce.org.