18-27 yosh oraligʻidagi yetakchilar uchun Yevropa Ittifoqi tomonidan moliyalashtiriladigan “Yoshlar yelkani” dasturi
-
01/04/2024 Qabul boshlanishi
-
Toʻliq Moliyalash turi
-
Oʻzbekiston Davlat
-
30.04.2024 Oxirgi muddat
Umumiy maʻlumotlar
Yevropa Ittifoqi tomonidan “Yoshlar yelkani” yoshlar yetakchilari, NNT (nodavlat, notijorat) va yoshlar tashkilotlarining yosh xodimlari, oʻqituvchilar va fuqarolik jamiyatining boshqa vakillari uchun toʻliq moliyalashtiriladigan Oʻzbekiston yoshlar yetakchilarining “Yoshlar yelkani” dasturi taqdim etiladi.
Dastur uch bosqichli ikki yillik taʼlim dasturi bоʼlib, yozgi oʻquv kursi, onlayn trening, murabbiylik, majburiy mustaqil trening va 2025-yil yozda Germaniyaga bоʼladigan taʼlim safarini оʼz ichiga оladi. Germaniya safariga 50 nafar ishtirokchi 5 nafar ekspert hamrohligida ketishlari rejalashtirilgan.
Ayniqsa, mazkur loyihada ayollarning ishtiroki mamnuniyat bilan qabul qilinadi.
Dastur dоirasida “Yoshlar yelkani” oʻquv kursi (ikkinchi tоʼрlam) tashkil etilib, 2024-yil 17-avgustdan 25-avgustgacha Toshkent shahri, Boʻstonliq tumani yozgi oromgohida bоʼlib оʼtadi.
Dasturning asosiy maqsadlari:
- Yoshlar yetakchilari, shuningdek, fuqarolik jamiyati tashkilotlari yosh xodimlarining, ayniqsa, xotin-qizlarning inson huquqlari, atrof-muhit va tanqidiy fikrlash borasidagi bilimlarini takomillashtirish boʻyicha vakolatlarini oshirish;
- Inson huquqlari, tanqidiy fikrlash va barqaror rivojlanish sohasidagi taʼlim amaliyoti asoslari va norasmiy taʼlim usullarini oʻrgatish;
- Oʻzbekistonning turli hududlarida fuqarolik jamiyati (yoshlar tashabbuslari, nodavlat notijorat tashkilotlari va boshqa tashkilotlar) bilan hamkorlik qilishga tayyor boʻlgan malakali trenerlar hamjamiyatini yaratish.
Dastur haqida batafsil ushbu havola orqali tanishib chiqish mumkin.
Maqbullik shartlari
- Dasturda “Yoshlar yelkani” loyihasi yoshlar yetakchilari, NNT (nodavlat, notijorat) va yoshlar tashkilotlarining yosh xodimlari, kasaba uyushmalari, yosh mutaxassislar, oʻqituvchilar va fuqarolik jamiyatining boshqa vakillari qatnashishi mumkin;
- Nomzodlar 18-27 yosh oraligʻida boʻlishi hamda inson huquqlari, atrof-muhit va sayyoramizning barqaror rivojlanishi haqida gʻamxoʻrlik qilish, muloqot, yetakchilik va yordam koʻnikmalarini rivojlantirishga qiziqishi kerak;
- Ingliz va rus tilida ravon gapiradigan nomzodlarga ustunlik beriladi.
Foydali tomonlari
- Dasturda bepul qatnashish mumkin;
- Yozgi lager, onlayn kurs, amaliyot va treninglar tashkilotchilar tomonidan toʻliq moliyalashtiriladi;
- Germaniyada bo'ladigan taʼlim safarida ishtirok etish imkoniyati.
Qoʻshimcha maʻlumotlar
Dasturga hujjat topshirish uchun oxirgi muddat: 30-aprel, 2024-yil.
Dastur haqida ushbu telegram kanal оrqali qоʼshimcha maʼlumоt оlish mumkin.
Dasturdan kutilayotgan natijalar:
- Ikki yil davomida “Youth Sail” taʼlim dasturi ishtirokchilarining professional va shaxsiy oʻsishi;
- Yevropadan kelgan mutaxassislar tomonidan olingan koʻnikmalarni sertifikatlash;
- Tarbiyaviy tadbirlarni tashkil etish va oʻtkazish amaliyotini shakllantirish;
- Oʻzbekiston va Yevropa Ittifoqining turli mintaqalaridan taʼlim, inson huquqlari va atrof-muhit boʻyicha yangi aloqalarni rivojlantirish.