18-29 yoshdagi ingliz tilida soʻzlasha oluvchi barcha faol yoshlar uchun Turkiy Davlatlar Tashkiloti doirasida “Birinchi Diaspora yoshlar forumi”

2022-yil 8-11-sentyabr kunlari  Ozarbayjon Respublikasining Ismailli shahrida Turkiy Davlatlar Tashkiloti doirasida “Birinchi Diaspora yoshlar forumi” tashkil etiladi. 

Unda 18 yoshdan 29 yoshgacha boʻlgan faol va ingliz tilida mukammal gaplasha oladigan yoshlar ishtirok etishlari mumkin. 

Forumda  Oʻzbekiston, Turkiya, Ozarbayjon, Qozogʻiston, Qirgʻiziston, Vengriya va Turkmaniston kabi mamlakatlar yoshlari ishtirok etishi rejalashtirilgan. 

Talablar:

• Forumda 18 yoshdan 29 yoshgacha boʻlgan faol yoshlar ishtirok etishi mumkin;
• Ingliz tilida mukammal soʻzlasha olishi lozim. Til sertifikati soʻraladi, lekin majburiy emas.

Forumda ishtirok etish talablari bilan batafsil ushbu havola orqali tanishish mumkin.

Dasturga qabul qilingan ishtirokchilarga quyidagicha imtiyozlar beriladi:

• Forumda ishtirok etish bilan bogʻliq boshqa xarajatlar (yashash, ovqatlanish, ichki transport) forum tashkilotchilari tomonidan qoplanadi. 

Eslatma: ishtirokchilar xalqaro aviachiptalarni oʻz hisobidan xarid qilishlari lozim. Bunda:

• Toshkent-Baku-Toshkent yoʻnalishidagi aviachipta narxlari  6 000 000 soʻm;
• Baku-Ismailli-Baku poyezd narxlari 600 000 soʻm.

Batafsil ushbu havola orqali maʼlumot olish mumkin.

Dasturda ishtirok etish uchun onlayn ariza shaklini toʻldirish lozim.

Forum haqida batafsil ushbu havola orqali maʼlumot olish mumkin.