18-29 yoshlilar, tashkilotlar va startaplar uchun iqlim oʻzgarishi taʼsiriga yechim taklif etuvchi gʻoyalar tanlovi — Youth4Climate Solutions

Youth4Climate Solutions 2023 — bu tashabbuskor yoshlar va tashkilotlar tomonidan iqlim oʻzgarishining taʼsiriga oid yechimlar gʻoyasini taklif etishga chaqiruvchi xalqaro tanlov.

Tanlovning har bir gʻolibi $20 000gacha pul mukofoti bilan taqdirlanadi va gʻoyasini amalga oshirishda mentorlik dasturi, treninglar va boshqa imkoniyatlarga ega boʻladi.

Tanlov uchun quyidagi sohalar boʻyicha innovatsion gʻoyalar qabul qilinadi:

• Shahar barqarorligi: Yoshlarni shaharlar va shahar aholi punktlarida iqlim oʻzgarishi taʼsiriga nisbatan shahar barqarorligini oshirish boʻyicha gʻoyalarni taqdim etishga chaqiradi.
• Oziq-ovqat va qishloq xoʻjaligi: Oziq-ovqat tendensiyalarini ijobiy tomonga oʻzgartirib, ularni hayotiy loyihalar va biznes modellariga aylantirishga qaratilgan gʻoyalar qoʻllab-quvvatlanadi.
• Taʼlim: Kelajak avlodning iqlim oʻzgarishidan xabardorligini taʼminlash va iqlimga mos turmush tarzini qabul qilishni ragʻbatlantirish vositasi sifatida taʼlimga eʼtibor qaratuvchi gʻoyalar ragʻbatlantiriladi.
• Energiya: Energiyani tejash va talabga asoslangan samaradorlik xizmatlarini kengaytirish uchun yoshlar tomonidan boshqariladigan innovatsiyalarni qoʻllab-quvvatlashga qaratilgan.

Tanlov va saralash mezonlari haqida batafsil rasmiy sayt orqali maʼlumot olish mumkin.

Tanlovda quyidagi talablarga mos keluvchi yoshlar va tashkilotlar ishtirok etishi mumkin:

• Yoshlar: 18-29 yosh oraligʻida boʻlgan barcha yoshlar oʻz gʻoyasi taklifini topshirishi mumkin;
• Yoshlar boshchiligidagi/yoshlarning imkoniyatlarini kengaytiruvchi tashkilotlar: nodavlat notijorat tashkilotlar, ijtimoiy tashkilotlar va boshqalar;
• Xususiy sektor: startaplar va 18-29 yoshli yoshlar boshchiligidagi kompaniyalar;
• Barcha ishtirokchilar ingliz tilini yaxshi bilishi, muloqot qila olishi lozim.

Tanlov talablari va shartlari haqida batafsil ushbu havola orqali tanishib chiqish mumkin.

Tanlov gʻoliblari uchun beriladigan imtiyozlar:

• Har bir gʻolib uchun $20 000gacha mukofot;
• Mentorlik dasturi, trening, bilim almashish, muloqot imkoniyatlari.

Tanlovga hujjat topshirish bosqichlari:

1. Youth4Climate platformasida roʻyxatdan oʻtish lozim.
2. Qoʻllanma bilan batafsil tanishib chiqish talab etiladi.
3. Rasmiy saytda taqdim etilgan namunalar asosida gʻoya taklifi uchun hujjatlarni tayyorlash;
4. Onlayn ariza formasi orqali hujjatlarni yuborish.

• Saralangan nomzodlar 2023-yil iyun oyida trening dasturlarida ishtirok etishni boshlaydi.
• 2023-yil sentyabrda gʻoyalar taqdimoti boʻlib oʻtadi.