18-30 yosh oraligʻidagi barcha yoshlar uchun Nukusda xarajatlari qoplanadigan konferensiya — LCOY Uzbekistan 2025

Yosh Iqlim Chempionlari (Young Climate Champions) va Nukus Prezident maktabi tomonidan Oʻzbekistondagi yoshlar uchun moʻljallangan milliy iqlim konferensiyasi — Local Conference of Youth (LCOY) Uzbekistan 2025 taqdim etiladi. Ushbu tadbir BMTning Iqlim oʻzgarishi boʻyicha doiraviy konvensiyasi (UNFCCC) qoshidagi rasmiy yoshlar platformasi — YOUNGOning global yoshlar iqlim harakatining bir qismidir.

Dasturning asosiy maqsadlari:

• Oʻzbekistonning barcha hududlaridan 100 nafargacha yoshlarni birlashtirish;
• Milliy yoshlar iqlim bayonotini ishlab chiqish va uni xalqaro iqlim forumlarida (COY20 va COP30, Braziliya) taqdim etishi;
• Yoshlarning iqlim siyosatida ishtirokini kuchaytirish;
• Yoshlar tashabbuslari va ekologik taʼlimni qoʻllab-quvvatlash;
• Mamlakat boʻylab barqaror yosh iqlim yetakchilari tarmogʻini shakllantirish.

Hududlararo adolatli vakillikni taʼminlash maqsadida har bir viloyat, Qoraqalpogʻiston Respublikasining uzoq tumanlari va Toshkent shahridan 5 nafardan ishtirokchi tanlab olinadi. Umumiy soni — 70 nafar ishtirokchi. Qolgan 30 ta oʻrin Nukus shahri yoshlari yoki boshqa hududdan kelish va yashash xarajatini oʻzi qoplaydigan qatnashuvchilar uchun ajratiladi.

Konferensiya 2025-yil 27-29-avgust kunlari Qoraqalpogʻistonning Nukus shahrida boʻlib oʻtadi.

Dastur haqida batafsil ushbu havola orqali maʼlumot olish mumkin.

• 18-30 yosh oraligʻidagi yoshlar qatnashishi mumkin;
• 16 yoshdan 18 yoshgacha boʻlgan ishtirokchilarning Oʻzbekiston boʻylab mustaqil sayohat qilishlari uchun ota-onasining notarial tasdiqlangan roziligi talab qilinadi.

Maʼlumot uchun: Ota-onaning notarial tasdiqlangan roziligi deyilganda yosh ishtirokchining mustaqil harakatlanishiga ruxsat beruvchi hujjat nazarda tutiladi.

• Turarjoy, ovqatlanish va ikki tomonlama sayohat (poyezd va/yoki aviachipta) xarajatlari qoplanadi;
• Moʻynoqdagi “Kemalar qabristoni”ga tashrif;
• Panel muhokamalari va amaliy mashgʻulotlar (workshoplar) oʻtkaziladi;
• Hujjatli film namoyish etiladi;
• Master-klass va interaktiv sessiyalar olib boriladi;
• Davlat organlari, xalqaro tashkilotlar, fuqarolik jamiyati, yoshlar harakati vakillari bilan aloqa oʻrnatish imkoniyati.

Eslatma: Turar joy xarajatlarini qoplash 2025-yil 26-30-avgust kunlari uchun amal qiladi. Ovqatlanish deganda konferensiya va ekskursiyalar davomidagi nonushta, tushlik, kechki ovqat va kofe-breyklar nazarda tutiladi.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Qiziqqan yoʻnalishi:
  • Iqlim siyosati va iqlimni himoya qilish;
  • Qayta tiklanadigan energiya;
  • Barqaror qishloq xoʻjaligi;
  • Yoshlarni kuchaytirish va taʼlim;
  • Moslashuv va zararni kamaytirish;
  • Yashil moliya;
  • Ekologik koʻngillilik;
  • Biodiversitet va ekotizimlarni muhofaza qilish;
  • Ishlash qobiliyatini oshirish;
  • Suv va oziq-ovqat xavfsizligi;
  • Iqlim adolati;
  • Yashil iqtisodiyot.
• Tillarni bilish darajasi;
• Shaxsiy motivatsiyasi va iqlim masalalari bilan shugʻullanishingizga sabab (Maksimal 150 soʻz);
• Atrof-muhit yoki barqarorlik loyihalari, tabiat himoyasi yoki yetakchilik boʻyicha oldingi tajriba (200 soʻzgacha);
• Konferensiyadan kutayotgan umidlari (150 soʻzgacha);
• Hududidagi ekologik muammolar va ularga qarshi chora-tadbirlar (Maksimal 250 soʻz);
• Onlayn seminarlarda qatnashish imkoniyati;
• Nomzodning tadbir shartlariga roziligi;
• LCOY davomida olingan foto/video materiallarni kommunikatsiya maqsadlarida ishlatishga rozilik.

Muhim: Arizalarni ingliz, rus, oʻzbek va qoraqalpoq tilida toʻldirish mumkin.

Ariza toʻldirishda sunʼiy intellekt vositalaridan foydalanganlik aniqlansa, ariza bekor qilinadi!

Muhim sanalar:

• Dastur uchun ariza topshirish muddati: 2025-yil 10-27-iyul;
• Arizalarni koʻrib chiqish va ishtirokchilar roʻyxatini shakllantirish: 2025-yil 27-31-iyul;
• Natijalarni eʼlon qilish: 2025-yil 1-avgust;
• Qoʻshimcha hujjatlarni yigʻish (rozilik, ishtirokni tasdiqlash, safarni tashkil qilish uchun maʼlumotlar va hokazo): 2025-yil 1-3-avgust.

Dastur hamkorlari: Maktabgacha va maktab taʼlimi vazirligi, Ekologiya, atrof-muhitni muhofaza qilish va iqlim oʻzgarishi vazirligi, “Zamin” xalqaro jamoat fondi, Qoraqalpogʻiston xalqaro innovatsion markazi, UNICEF Uzbekistan, UNDP Uzbekistan