18-30 yosh oraligʻidagi ilmiy yoki texnologik loyihaga ega yoshlar uchun 5 kunlik yozgi oromgoh — R&D Camp 2025

Yoshlar ishlari agentligi tomonidan ilmiy yoki texnologik loyihaga ega 18-30 yosh oraligʻidagi yoshlar uchun 5 kunlik yozgi oromgoh — R&D Camp taqdim etiladi.

Dasturdan asosiy maqsad ilmiy va texnologik startaplarni yaratishda ishtirokchilarni qoʻllab quvvatlash hamda ular uchun kerakli bilim olish imkoniyatini yaratishdan iborat.

Oromgoh 2025-yilning 12–16 avgust kunlari Toshkent viloyatida oʻtkazilishi rejalashtirilgan.

Dastur haqida batafsil ushbu havola orqali maʼlumot olish mumkin.

• Dasturda 18-30 yoshdagi talabalar, ilmiy tadqiqotchilar va yosh olimlar qatnashishi mumkin;
• Nomzod Biotech, Pharma, AgriTech, FoodTech, AI, Machine Learning, MedTech, CleanTech, Space Tech yoʻnalishlarida ilmiy startaplar ustida ishlamoqchi boʻlishi kerak;
• Yakka tartibda yoki 2-3 kishidan iborat jamoa koʻrinishida qatnashish mumkin.

• Dasturda bepul qatnashish mumkin;
• Ilm-fan va texnologiyalar kesishmasida chuqur bilimlar beriladi;
• Startap MVP yaratish boʻyicha amaliy mashgʻulotlar oʻtkaziladi;
• Investorlarni jalb qilish, tajribali mentorlar bilan bilim almashish va grant yutish imkoniyati mavjud.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda quyidagilar so'raladi:

• Shaxsiy va jamoa a'zolari haqida ma'lumotlar;
• Barcha qatnashchilarning aloqa ma'lumotlari, ta'lim darajasi, o'quv yurti, kasbiy va ilmiy yo'nalishi;
• Taklif etilayotgan g'oya haqida ma'lumotlar;
• 45 soniyali video pitching havolasi (Google Drive / YouTube / boshqa platformaga yuklab, havolasini joylashtiriladi);
• Motivatsion xat.

• Dasturga hujjat topshirish uchun oxirgi muddat: 5-avgust, 2025-yil;
• Saralash bosqichidan oʻtganlar bilan aloqaga chiqiladi.

Quyidagi ijtimoiy tarmoqlar orqali qoʻshimcha maʼlumotlar olish mumkin:

• Telegram;
• Instagram;
• Linkedin;
• YouTube.