18-28 yosh oraligʻidagi xalqaro savdoga qiziqqan barcha uchun Shveysariyada oʻtkaziladigan Young Trade Leaders Programme dasturi

Jahon Savdo Tashkiloti tomonidan xalqaro savdoga qiziqqanlar uchun bir yillik Young Trade Leaders Programme dasturi taqdim etiladi. Tanlangan yetakchilar 2026-yil sentyabr oyida oʻtkaziladigan JST jamoat forumida ishtirok etish uchun Jenevaga borish imkoniyatiga ega boʻladi.

Dasturdan asosiy maqsad yoshlar oʻrtasida JST faoliyati va xalqaro savdoni yaxshiroq tushunishga hamda butun dunyo boʻylab Yosh savdo yetakchilari tarmogʻini yaratishga qaratilgan. Nomzodlar savdoning odamlar va sayyoramiz uchun qanday foyda keltirishini aniq tushunadigan yetakchi yoshlar boʻlishi rejalashtirilgan. Ularning dasturga savdo va JSTning oʻrni haqida yangi istiqbol va gʻoyalarni olib kelishi, shuningdek, tashkilot faoliyati bilan tanishish hamda uning missiyasini ilgari surishga yordam berishi kutilmoqda.

Maʼlumot uchun: Jahon Savdo Tashkiloti (WTO) davlatlar oʻrtasidagi savdo qoidalari bilan shugʻullanadigan yagona global miqyosdagi xalqaro tashkilotdir. Unda jahon savdo davlatlari tomonidan muzokaralar olib boriladi va kelishuvlar imzolanadi. Tashkilotning asosiy maqsadi savdoning iloji boricha silliq, kutilgan va erkin oʻtishini taʼminlashdan iborat.

Dasturga qabul jarayoni 2026-yil 1-maygacha davom etadi. 

Dastur haqida batafsil ushbu havola orqali maʼlumot olish mumkin.

• 18-28 yosh oraligʻidagi xalqaro savdoga qiziqqan yosh savdo yetakchilari ishtirok etishi mumkin;
• Nomzod Jahon Savdo Tashkilotiga aʼzo va aʼzolik uchun muzokara olib borayotgan davlat fuqarosi boʻlishi kerak (Oʻzbekiston roʻyxatda bor);
• Yozma va ogʻzaki ingliz tilini yaxshi bilish talab qilinadi (sertifikat soʻralmaydi);
• JST ishchi tillaridan fransuz yoki ispan tilini bilish ustunlik beradi;
• Ishtirokchining hozirda JST da yoki unga aloqador sohada faoliyat yuritayotgan qarindoshi boʻlmasligi kerak;
• Dasturda toʻliq ishtirok etish shart;
• Talabgor savdo boʻyicha diplomatik munosabatlarni yaxshilashga oid qobiliyatlarni namoyon qilishi kerak:
  • turli nuqtai nazarlarni hurmat qilish;
  • savdo masalalarini tushunishga yordam berish;
  • konstruktiv muloqotni rivojlantirish.

Eslatma: Yoshga qoʻyilgan talab ariza topshirish uchun oxirgi muddatgacha amal qiladi yaʼni hujjat topshirishning oxirgi kunigacha 18 yoshga toʻlgan va 28 yoshdan oshmagan barcha qatnashishi mumkin.

• Dasturda bepul qatnashish mumkin;
• Jenevada 1 kunlik trening va JST jamoat forumida ishtirok etish imkoniyati;
• JST faoliyati va xalqaro savdo haqida koʻproq tushunchaga ega boʻlish;
• Savdoga oid mavzularda maqola, blog, podkast va ijtimoiy media kontentini nashr etish;
• JSTning mavjud oʻquv dasturlaridan hamda tashkilot kotibiyatining maslahatidan foydalanish;
• Oʻz mamlakatlarida JST bilan bogʻliq tadbirlarni tashkil etishda yordam olish.

Dasturda qatnashishni istaganlar ushbu havola orqali kerakli hujjatlarni topshirishlari kerak.

Talab qilinadigan hujjatlar:

• CV (maksimal 2 bet);
• 2-3 daqiqalik video (Nomzod videoda qisqacha oʻzini tanishtiradi, dasturga qiziqishini bildiradi va yosh savdo rahbari sifatida qanday taʼsir koʻrsatishini tushuntiradi);
• Quyidagi savollardan BIRIga maksimal 300 ta soʻzdan iborat yozma koʻrinishda javob berish kerak: 

1. What does trade mean for you? (Savdo siz uchun nimani anglatadi?).
2. What role should young people play in shaping the future of trade? (Yoshlar savdoning kelajagini shakllantirishda qanday rol o'ynashi kerak?)

• Dasturga hujjat topshirish uchun oxirgi muddat: 1-may, 2026 ( Oʻzbekiston vaqti bilan 03:59);
• Email: YTL@wto.org.

Quyidagi ijtimoiy tarmoqlar qoʻshimcha maʼlumot olish mumkin:

• Facebook;
• Twitter;
• YouTube;
• Instagram;
• Flickr.