18–30 yosh oraligʻidagilar uchun IT kasbini egallash va xalqaro darajaga chiqish imkoniyati

IT Park tomonidan xalqaro sertifikatlash imkoniyatini beruvchi oflayn taʼlim dasturi taqdim etiladi. Dastur American International University-Bangladesh xalqaro standartlari asosida hamda Oʻzbekiston Respublikasi Raqamli texnologiyalar vazirligi, IT Park Uzbekistan va World Bank koʻmagida amalga oshiriladi.

Taʼlim dasturi quyidagi koʻrinishda ishga tushirildi:

• Samarqand — Cloud Engineering;
• Namangan — 2D / 3D-modellashtirish;
• Toshkent — AI / ML;
• Fargʻona — Game Development.

Taʼlim ingliz tilida olib boriladi va 2026-yil aprel oyidan dekabr oyigacha ikki bosqichda tashkil etiladi.

Dastur haqida batafsil ushbu havola orqali maʼlumot olish mumkin.

• Dasturda 18–30 yosh oraligʻidagi IT kasbini egallashni istaganlar qatnashishi mumkin;
• Ayol-qizlar ishtiroki koʻproq ragʻbatlantiriladi (ajratilgan oʻrinlarning 50 foizi);
• Ingliz tilini dasturda qatnashish darajasida bilish lozim;
• Tanlangan yoʻnalish boʻyicha boshlangʻich bilim va tajribaga ega boʻlish afzal koʻriladi;
• Dasturda toʻliq qatnashish shart.

• Dasturda bepul qatnashish mumkin;
• Eng yaxshi bitiruvchilarga IT/ITES kompaniyalarida ishga joylashishda koʻmak beriladi.

Dasturga qiziqqanlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Ingliz tilini bilish darajasi;
• Amaldagi ishga oid maʼlumotlar;
• Tanlangan yoʻnalish boʻyicha maʼlumotlar;
• Nomzodning tajribasi va loyihalari haqida;
• Motivatsion xat.

Eslatma: Hujjat topshirish yakunida texnik test va suhbatdan oʻtishga rozilik beriladi.

• Dasturga hujjat topshirish uchun oxirgi muddat: 31-mart 2026-yil;
• Taʼlim oluvchilar soni cheklangan va ishtirokchilar saralash asosida tanlab olinadi.