18-30 yoshdagilar uchun barcha xarajatlari moliyalashtiriluvchi “Markaziy Osiyoda iqlim oʻzgarishi” mavzusida konferensiya

Qirgʻiziston Respublikasi Madaniyat, axborot, sport va yoshlar siyosati vazirligi, Yevropa Tinchlik va taraqqiyot instituti (OSCE), Germaniya xalqaro hamkorlik jamiyati (GIZ) va boshqa tashkilotlar hamkorligida “Kelajak yoshlari: Markaziy Osiyoda iqlim oʻzgarishi” mavzusida yoshlar uchun konferensiya tashkil etilmoqda.

Ushbu konferensiya 4 kun davomida 2022-yil 24-27-oktyabr kunlari Qirgʻizistonning Bishkek shahrida ingliz va rus tillarida boʻlib oʻtadi. 

Dasturning asosiy maqsadi Markaziy Osiyoda iqlim oʻzgarishi, jumladan, uning xavfsizlikka taʼsirini muhokama qilish, muammolarni hal etishda yoshlarning ishtiroki, ilgʻor tajribalarni oʻzaro  oʻrtoqlashish hamda yoshlar oʻrtasida hamkorlik (networking) aloqalarini yoʻlga qoʻyishdan iborat. Konferensiyada  faol yoshlar, yosh mutaxassislar bilan birga xalqaro ekspertlar va tegishli soha vakillari ishtirok etadi.

• Dasturda 18-30 yoshdagi Oʻzbekiston, Qozogʻiston, Turkmaniston, Tojikiston va Qirgʻiziston fuqarolari ishtirok etishi mumkin;
• Ingliz va/yoki rus tillarini yetarlicha bilishi lozim. Sertifikat talab etilmaydi;
• Iqlim oʻzgarishlari bilan bogʻliq tadbir va tashabbuslardagi tajribasi ustunlik berishi mumkin;
• Xorijiy davlatga chiqish uchun (qizil) pasportga ega boʻlishi kerak. Ushbu hujjat muddati 2022-yil 6-sentyabr holatiga koʻra, 8 oydan ortiq boʻlishi shart;
• Iqlim oʻzgarishi boʻyicha 2022-yil taxminan 1-7-oktyabrda boʻlib oʻtuvchi onlayn seminarda, qolaversa, 2022-yil 24-27-oktyabr kunlari Qirgʻizistonning Bishkek shahrida boʻlib oʻtadigan konferensiyada qatnashish imkoniyatiga ega boʻlishi lozim.

Dastur talablari bilan batafsil ushbu havola orqali tanishish mumkin.

• Konferensiyaning 1 nafar ishtirokchisiga Germaniya xalqaro hamkorlik jamiyati (GIZ) tomonidan Berlinda oʻtkaziluvchi Yoshlar forumida bepul ishtirok etish uchun yoʻllanma beriladi;
• Xalqaro va ichki transport xarajatlari qoplanadi;
• Dastur davomida ishtirokchilar bepul turar joy va oziq-ovqat bilan taʼminlanadi.
• Dasturda qatnashish uchun har bir davlatdan 10 nafar ishtirokchi saralab olinadi.

Dastur imkoniyatlari bilan batafsil ushbu havola orqali tanishish mumkin.

Dasturda ishtirok etish uchun onlayn ariza toʻldiriladi. 

Ariza topshirish davomida nomzodlar ingliz yoki rus tilida 2 sahifadan oshmagan CV/rezyume (Times New Roman 12 shriftda) taqdim etish bilan birga quyidagi savollarga 2 sahifadan iborat esse yoki 5 daqiqalik video orqali javob berishlari talab etiladi:

• Konferensiyada ishtirok etish uchun maqsadingiz nima va undan nima kutmoqdasiz? - Что является вашей мотивацией для участия в конференции, и каковы ваши ожидания от конференции?
• Sizningcha, Markaziy Osiyodagi beshta iqlim muammosi nima va ular mintaqadagi xavfsizlik va barqarorlikka qanday taʼsir koʻrsatishi mumkin? - Каковы, по вашему мнению, пять климатических вызовов в Центральной Азии, и как они могут повлиять на безопасность и стабильность в регионе?
• Iqlim oʻzgarishi va uning xavfsizlikka taʼsiri boʻyicha Markaziy Osiyo yoshlar tarmogʻiga qanday hissa qoʻsha olasiz? — Какой вклад вы могли бы внести в возможную Центральноазиатскую молодежную сеть по изменению климата и его последствиям для безопасности?
• Markaziy Osiyodagi yoshlar COY 17 va COP 27ga qanday uchta asosiy xabarni yetkazishi kerak? — Каковы три ключевых сообщения, которые молодежь в Центральной Азии должна донести до COY 17 и COP 27?

• Saralangan ishtirokchilar avval 1-7-oktyabrdagi onlayn seminarda ishtirok etadilar;
• Ushbu konferensiya Markaziy Osiyoning yuqorida sanab oʻtilgan har bir davlatlaridan 10 nafar yoshlar saralab olinadi;
• Konferensiya natijasi 2022-yil noyabr oyida Misrning Sharm al-Shayx shahrida Birlashgan Millatlar Tashkilotining Iqlim oʻzgarishi doirasida boʻlib oʻtuvchi 17-yoshlar konferensiyasi (COY 17) hamda Tomonlar konferensiyaning 27-sessiyasida (COP 27) qoʻllaniladi.

Dastur haqida batafsil ingliz va rus tillarida maʼlumot olish mumkin.