18-35 yosh oraligʻidagilar uchun Moskvada barcha xarajatlari qoplanadigan forum
-
01/09/2023 Qabul boshlanishi
-
Toʻliq Moliyalash turi
-
Rossiya Davlat
-
23/09/2023 01:59 Oxirgi muddat
Umumiy maʻlumotlar
MDHga aʼzo davlatlarning Barqaror rivojlanish maqsadlari boʻyicha II Xalqaro yoshlar forumi (II Международный молодёжный форум государств – участников СНГ по Целям устойчивого развития) MDHga aʼzo davlatlarning 2021-2030 yillarga moʻljallangan xalqaro yoshlar hamkorligi strategiyasini amalga oshirish boʻyicha 2023-2024-yillarga moʻljallangan Harakatlar dasturining bir qismidir.
Ushbu forum 2023-yil 9-oktabrdan 12-oktabrgacha (kelish kuni – 8-oktabr, joʻnash kuni – 13-oktabr) Moskva shahrida (Rossiya Federatsiyasi) boʻlib oʻtadi.
Forum quyidagi 4 shaklda oʻtkaziladi:
- Деловой блок — davlat hokimiyati organlari vakillari, barqaror rivojlanish sohasidagi ekspertlar va ilmiy jamoatchilik vakillari ishtirokidagi muhokamalarni oʻz ichiga oladi;
- Oбразовательный блок — professional rivojlanishga oid maʼruzalar, treninglar, mahorat darslaridan iborat;
- Проектная лаборатория — 4-son, 10-son, 12-son, 13-son, 15-son, 17-sonli Barqaror rivojlanish maqsadlariga erishishga qaratilgan guruhlarda ishlash va qoʻshma loyihalarni ishlab chiqishni oʻz ichiga oladi;
- Культурный блок — ekskursiya va animatsiya dasturini, ijodiy mahorat darslarini oʻz ichiga oladi.
Dasturda 18-35 yosh oraligʻidagi MDH davlatlari fuqarolari ishtirok etishi mumkin. Dastur tili rus tili hisoblanadi.
Dastur haqida batafsil ushbu havola orqali maʼlumot olish mumkin.
Maqbullik shartlari
- Dasturda 18-35 yoshdagilar qatnashishi mumkin;
- MDH davlatlaridan birining fuqarosi boʻlish kerak (Oʻzbekiston fuqarolari qatnasha oladi);
- Rus tilini bilish kerak;
- Muayyan tashkilotdagi yoshlar elchisi / yoshlar jamoat tashkiloti vakili / norasmiy yoshlar uyushmasi vakili / talabalar tashkiloti vakili / barqaror rivojlanish sohasidagi yosh mutaxassis / davlat organi vakili boʻlish kerak;
- MDHda Barqaror rivojlanish maqsadlarini amalga oshirish boʻyicha hamkorlikni rivojlantirishdan manfaatdor boʻlish kerak;
- Dasturdan keyin ham boshqa forum ishtirokchilari bilan hamkorlikda tadbirlar va loyihalarni tashkil etish uchun motivatsiya va qobiliyatga ega boʻlishi lozim;
- Forum dasturi doirasida rejalashtirilgan barcha tadbirlarda ishtirok etishga tayyor boʻlish kerak.
Foydali tomonlari
- Dasturda qatnashish bepul;
- Turarjoy, ovqatlanish, Moskva shahrigacha borish va kelish xarajatlari qoplab beriladi.
Qoʻshimcha maʻlumotlar
Barcha ishtirokchilar toʻldirilgan ariza shakli, tajribasi, dasturda qatnashish uchun motivatsiyasini hisobga olgan holda tanlanadi.
Saralashdan oʻtganlar 2023-yil 26-sentyabrdan kechiktirmay qoʻshimcha maʼlumot va tayyorgarlik koʻrsatmalari haqida xabardor qilinadi.
Forum va ariza berish tartibi bilan bogʻliq savollar uchun quyidagi manzilga murojaat qilish mumkin: