18-35 yosh oralig’idagilar uchun Yaponiyada barcha xarajatlari qoplanadigan 1 haftalik xalqaro konferensiya

01/03/2024 Qabul boshlanishi
Toʻliq Moliyalash turi
Yaponiya Davlat
30/03/2024 04:59 Oxirgi muddat

Muhim tafsilotlar

Kimlar uchun

O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

Ingliz tili
Yosh chegarasi

18 yoshdan 35 yoshgacha

Doʻstlar bilan ulashing

Umumiy maʻlumotlar

Global Youth Biodiversity Network (GYBN), Yaponiya ekologiya vazirligi, Yokohama shahri, bioxilma-xillik toʻgʻrisidagi konvensiya kotibiyati va Yaponiya bioxilma-xillik jamgʻarmasi hamkorlikda International Youth Conference on Biodiversity 2024 xalqaro konferensiyasini eʼlon qiladi. Konferensiyani tashkil qilishdan maqsad bioxilma-xillikni mahalliy va xalqaro miqyosda rivojlantirish va bu borada yoshlarning oʻrnini yanada oshirish hisoblanadi.
Dastur 2024-yil 25-31-avgust kunlari Yaponiyaning Yokohama shahrida boʻlib oʻtib, unda 100 dan ortiq yoshlar ishtirok etadi. Konferensiyada 18-35 yosh oraligʻidagi, Yokohama shahri fuqarosi boʻlmagan, shuningdek, bioxilma-xillik muammolarini hal qilish va ularga yechim topish borasida kuchli fikrlar va gʻoyalarga ega boʻlgan yosh nomzodlar ishtirok etishlari mumkin. Ishtirokchilarning yoʻl, turar-joy, oziq-ovqat va shu kabi xarajatlari dastur maʼmuriyati tomonidan qoplanadi.

Dasturga qabul jarayoni 2024-yil 30-martga qadar davom etadi.

Dastur haqida ushbu havola orqali batafsil tanishib chiqish mumkin.

Maqbullik shartlari

Dasturda qatnashish uchun nomzodlarga quyidagi talablar qoʻyilgan:

Yaponiyaning Yokohama shahri fuqarosi boʻlmaslik lozim;
Konferensiya vaqtigacha 18-35 yosh oraligʻida boʻlish kerak;
Bioxilma-xillik sohasida mahalliy, milliy, hududiy yoki xalqaro miqyosda faoliyat yuritadigan yoshlar tashkiloti, ekologik harakat/tashkilot/ jamiyat aʼzosi boʻlish zarur;
Bioxilma-xillik muammolarini hal qilish va ularga yechim topish borasida kuchli fikrlar va gʻoyalarga ega boʻlishi kerak;
Konferensiyadan olgan bilimlari va yechimlarni tatbiq etish va ulashishga xayrixoh boʻlish lozim;
Konferensiya ingliz tilida boʻlib oʻtadi, shuning uchun ham nomzod ingliz tilini yaxshi bilishi zarur, lekin til sertifikati soʻralmaydi.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Konferensiyaga saralab olingan yoshlarga quyidagi imkoniyatlar taqdim etiladi:

Yokohamaga borish va kelish xarajatlari qoplanadi;
Bir hafta davomida bepul turar-joy bilan taʼminlanadi;
Bepul oziq-ovqat bilan taʼminlanadi;
Boshqa qoʻshimcha xarajatlar ham qoplanadi.

Eslatma! Turar-joy yotoqxona shaklida boʻladi.

Dastur foydali tomonlari haqida ushbu havola orqali toʻliq maʼlumot olish mumkin.

Hujjat topshirish

Dasturda roʻyxatdan oʻtish 6 qadamda amalga oshiriladi va bu jarayonda quyidagicha maʼlumotlar soʻraladi:

1-qadam: Shaxsiy maʼlumotlar;
2-qadam: Nomzod tegishli boʻlgan tashkilot yoki yoshlar harakatining bioxilma-xillikka oid mavzularda qoʻshgan hissasi (maksimal 250 soʻz);
3-qadam: Nomzodning bioxilma-xillikka oid mavzularga qoʻshgan hissasi va olib borgan harakatlari haqidagi savollar (maksimal 200 soʻz);
4-qadam: Yaponiyaga borish bilan bogʻliq logistik savollar;
5-qadam: Qoʻshimcha savollar.

Eslatma! Ariza ingliz tilida toʻldirilishi zarur.

Dasturga ushbu havola orqali roʻyxatdan oʻtish mumkin.

Rasmiy havola Hujjat topshirish