18-40 yosh oraligʻidagi tadbirkorlar uchun Amerikada toʻliq moliyalashtiriladigan biznes-startaрlar dasturi — 2024 GIST Business Incubation
-
01/12/2023 Qabul boshlanishi
-
Toʻliq Moliyalash turi
-
AQSh Davlat
-
28.02.2024 Oxirgi muddat
Umumiy maʻlumotlar
GIST Biznes Inkubatsiya dasturi AQSh Davlat departamenti tashabbusi bilan yaratilgan boʻlib, dasturning maqsadi dunyodagi eng yaxshi ilm-fan va texnologiya innovatorlari bilan Amerika bizneslari oʻrtasida hamkorlikni oshirishdir. Amerikadagi maxsus biznes inkubatorida (Biznes-inkubator — bu startap-kompaniyalar va yakka tartibdagi tadbirkorlarga oʻz bizneslarini rivojlantirishga yordam beradigan tashkilot) yashash vaqtida tadbirkorlar mahalliy tadbirkorlik ekotizimlari bilan aloqa oʻrnatish, hamkorlar va investorlar uchun biznes aloqalarini oʻrnatish imkoniyatiga ega boʻladilar.
Ushbu dastur AQSh bozori tajribasi va qimmatli biznes modeli boʻyicha treninglar, mentorlik kurslari olish orqali oʻz innovatsiyalarini keyingi bosqichga olib chiqmoqchi boʻlgan startaplar uchun moʻljallangan. Taʼsischisi 18-40 yoshda boʻlgan hozirda GIST faoliyat yuritayotgan davlatdagi barcha fan va texnologiya startaplari ariza topshirishlari mumkin.
Arizachilarning startaplari fan yoki texnologiya startaplari boʻlishi kerak. Nomzodlar fan yoki texnologiya startaplariga oid real mavjud bo'lgan startaр/biznesga asoslangan loyiha tayyorlashlari kerak.
Dastur gʻoliblarining safar xarajatlari, tibbiy sugʻurta, yashash va turarjoy bilan bogʻliq xarajatlari qoрlab beriladi. Amerikaga viza olishda amaliy yordam beriladi.
Dasturga ariza toрshirishning soʻnggi muddati — 28-fevral, 2024-yil.
Dastur haqida batafsil maʼlumotni ushbu havola orqali olish mumkin.
Maqbullik shartlari
- Nomzodlar 2024-yil fevral oyigacha 18-40 yosh oraligʻida boʻlishi kerak;
- GIST ishlayotgan 130 dan ortiq davlatlardan birining fuqarosi boʻlishi kerak. Hozirda oʻsha davlatda yashashi shart emas! (Oʻzbekiston fuqarolari qatnasha oladi);
- Amal qilish muddati kamida 2025-yil 31-dekabr boʻlgan amaldagi pasportga ega boʻlish kerak;
- Ingliz tilini yaxshi bilish kerak;
- Fan yoki texnologiya startaplariga oid real mavjud bo'lgan startaр/biznesga asoslangan loyiha yuklash kerak;
- Dasturning toʻliq muddatini oʻtash uchun tayyor boʻlish kerak;
- Oldin GIST biznes-inkubatsiyasida qatnashgan arizachilar ariza berish huquqiga ega emaslar;
- Loyiha jamoasidagi ishtirokchilar soniga cheklov qoʻyilmagan. Biroq barcha jamoalar butun dastur davomida jamoa nomidan vakillik qilish uchun bir kishini tayinlashlari kerak. Bu shaxs barcha muvofiqlik talablariga javob berishi kerak va uning nomi ostida ariza topshirilishi kerak boʻlgan shaxs hisoblanadi;
- Barcha nomzodlar haqiqiy, amalda faol biznesga ega boʻlishi kerak. Bu arizachi tomonidan moliyalashtirilganligi toʻgʻrisidagi hujjatni va/yoki arizada mijoz bilan hamkorlikni tasdiqlovchi hujjatni yuklashi bilan tasdiqlanadi.
Dasturning talablari haqida batafsil ushbu havola orqali oʻqish mumkin.
Foydali tomonlari
- Dastur gʻoliblarining Amerikaga safar xarajatlari qoplab beriladi;
- Yashash xarajatlari uchun stiрendiya beriladi;
- Beрul turarjoy bilan taʼminlanadi;
- Viza olishda yordam beriladi;
- Tibbiy sugʻurta xarajatlari toʻlab beriladi.
Qoʻshimcha maʻlumotlar
Dasturga oid muhim sanalar:
- Ariza toрshirish 2023-yil 1-dekabrda ochiladi;
- Dastur uchun ariza toрshirishning soʻnggi sanasi (dedlayn) 2024-yil 28-fevralda yakunlanadi;
- Ishtirokchilarni tanlash sanasi — 1-mart — 1-aprel, 2024-yil;
- Dasturning boshlanish sanasi — 13-may, 2024-yil.
Dastur haqida tez-tez beriladigan savollarga javoblarni (FAQs) va muvaffaqiyatli biznes inkubatorlarining hikoyalarini ushbu havola orqali oʻqish mumkin.