18-45 yosh oraligʻidagi barcha uchun AQShda xarajatlari qoplanadigan 4 kunlik forum — Future Diplomats Forum 2025
-
25/10/2024 Qabul boshlanishi
-
Toʻliq Moliyalash turi
-
AQSh Davlat
-
20/01/2025 10:00 Oxirgi muddat
Umumiy maʻlumotlar
AQShning HISA (Headway Institute of Strategic Alliance) instituti tomonidan 18-45 yosh oraligʻidagi barcha uchun AQShda xarajatlari qoplanadigan 4 kunlik forum — Future Diplomats Forum 2025 taqdim etiladi.
Dastur ishtirokchilarning moliyaviy ahvolidan qatʼiy nazar, iqtidorli ishtirokchilar ichidan 20 nafariga toʻliq moliyalashtirish, 100 nafariga qisman moliyalashtirish grantini taklif etadi.
Forum jahon yetakchilarining keyingi avlodini kuchaytirishga moʻljallangan boʻlib u quyidagi asosiy maqsadlarni amalga oshirishga qaratilgan:
- Ishtirokchilarni xalqaro diplomatiya sohasida samarali yetakchi boʻlish uchun zarur boʻlgan vositalar, bilim va koʻnikmalar bilan taʼminlash;
- Koʻp tomonlama muloqotni ragʻbatlantirish;
- Madaniyatlararo almashinuvni qoʻllab-quvvatlash;
- Advokatlik va siyosat bilan shugʻullanishni ragʻbatlantirish;
- Ishtirokchilarga oʻz mamlakatlarida va butun dunyoda inson huquqlari, ijtimoiy adolat va barqaror rivojlanish uchun himoya qilish imkoniyatini berish.
Dastur 2025-yilning 3-apreldan 6-aprelgacha AQShning Vashington shahrida boʻlib oʻtadi. Forum davomida mamlakatning diqqatga sazovor joylaridan AQSh Kongressi, Oliy sudi, Tahlil markazlari va boshqa muhim institutlarga tashrif uyushtiriladi va bu ishtirokchilarga Amerika demokratiyasi bilan yaqindan tanish malakasini egallashday noyob imkoniyatni taqdim etadi,
Forum davomida quyidagi mavzular muhokama qilinadi:
- Global Governance and International Diplomacy;
- Peacebuilding and Conflict Resolution;
- Climate Diplomacy;
- Human Rights and Social Justice;
- Digital Diplomacy;
- Public Policy and Global Health.
Dastur haqida batafsil ushbu havola orqali maʼlumot olish mumkin.
Maqbullik shartlari
- Millati, maʼlumoti va kasbidan qatʼiy nazar 18-45 yosh oraligʻidagi barcha qatnashishi mumkin (talaba, bitiruvchi va yosh mutaxassislar topshirishi ragʻbatlantiriladi);
- Nomzod xalqaro munosabatlar, diplomatiya, siyosatshunoslik, davlat siyosati, huquq va inson huquqlari sohalariga qiziqishi lozim;
- Ingliz tilini dasturda qatnashish darajasida bilish kerak;
- Forumda toʻliq ishtirok etish shart;
- Diplomatiya va xalqaro siyosat sohasida kelajak yetakchilari boʻlish salohiyatiga ega boʻlish lozim;
- Oʻz jamoalari yoki xalqaro tashabbuslarda faol ishtirok etishda gʻayratli boʻlish talab qilinadi.
Nomzodlar quyidagi mezonlar asosida grant uchun saralanadi:
- Global muammolar, xalqaro munosabatlar, diplomatiya yoki siyosatga boʻlgan ishtiyoqni koʻrsatish;
- Forumda ishtirok etishga qoʻyilgan aniq maqsadlar va undan olingan tajriba ishtirokchining kelajakdagi harakatlariga qanday taʼsir qilishi haqidagi tasavvurga ega boʻlish;
- Yangi fikrlarga ochiqlik, moslashuvchanlik va oldindan oʻylangan tushunchalarga qarshi chiqishga tayyorlik;
- Mavzuni turli nuqtai nazarlardan oʻrganish va ularning tushunchalarini kengaytirish uchun muhokamalarda qatnashish istagi;
- Iqlim oʻzgarishi, inson huquqlari, nizolarni hal qilish va barqaror rivojlanish kabi asosiy global muammolardan xabardorlik. Ushbu muammolarni hal qilish uchun amaliy yechimlar va siyosat asoslari boʻyicha muhokamalarga hissa qoʻshishdan manfaatdorlik;
- Xalqaro munosabatlar, siyosatshunoslik, davlat siyosati, huquq yoki tegishli sohalarda akademik maʼlumot yoki professional tajribaga ega boʻlish (majburiy emas, lekin afzal koʻriladi);
- Volontyorlik tajribasi (Jamoat xizmati, NNT yoki xalqaro koʻngilli tashabbuslarda ishtirok etgan hamda ijtimoiy muammolarni hal qilishda ijobiy taʼsir koʻrsatish va faol yondashuvni namoyish etganlar ragʻbatlantiriladi);
- Fikrlarni yozma va ogʻzaki muloqotda aniq va tushunarli ifodalash qobiliyatiga ega boʻlish;
- Murakkab mavzular boʻyicha fikr bildirish va forum davomida konstruktiv muloqotlarda qatnashish malakasi.
Maʼlumot uchun: Konstruktiv muloqot — oʻzaro tushunishni rivojlantirishga ahamiyat beradigan muloqot turi boʻlib, u boshqalarning nuqtai nazarini yaxshiroq tushunishga intilish va boshqalar sizni yaxshiroq tushunishga intilayotganini his qilish hisoblanadi.
Foydali tomonlari
Ishtirokchilarga 2 xil usulda grant taklif etiladi:
1.Toʻliq moliyalashtirish (20 nafar):
- Vashingtonga borish-qaytish uchun aviachipta bilan taʼminlanadi;
- Forumda qatnashish uchun taklifnoma beriladi;
- Ovqatlanish va turar joy xarajatlari qoplanadi;
- Dastur doirasidagi barcha forum sessiyalari, seminarlar va tadbirlarga kirish imkoniyati.
2.Qisman moliyalashtirish (100 nafar):
- Turar joy va ovqatlanish xarajatlari qoplanadi;
- Forumda qatnashish uchun taklifnoma beriladi;
- Dastur doirasidagi barcha forum sessiyalari, seminarlar va tadbirlarga kirish imkoniyati.
Grant uchun tanlanmagan nomzodlar quyidagi turlarda qatnashishlari mumkin:
- Maxsus tashrif uchun taklifnoma ($125);
- Faqat forumga kirish uchun ($450). Bunda forumga kirish, dastur doirasidagi sessiyalar, tadbirlar va seminarlarda qatnashish, forum vaqtidagi ovqatlanishni va diqqatga sazovor joylarga tashrifni oʻz ichiga oladi.
- Oʻz-oʻzini moliyalashtirish ($899). U forum taklifnomasi, turar joy, viza uchun yordam berishga rasmiy taklifnoma, forum vaqtida bepul ovqatlanish, forumga kirish va barcha forum sessiyalari, seminarlar va tadbirlarda qatnashishni oʻz ichiga oladi.
Qoʻshimcha maʻlumotlar
- Dasturga hujjat topshirish uchun oxirgi muddat: 20-yanvar, 2025-yil (10:00);
- Ishtirokchilar elektron pochta orqali qabul qilinganligi toʻgʻrisida xabardor qilinadi. Unda tadbirlar jadvali va kirish haqida batafsil maʼlumot beriladi;
- Email: info@headwayinstitute.org;
- Tel: +1 (586) 284-6558.
Quyidagi ijtimoiy tarmoqlar orqali qoʻshimcha maʼlumot olish mumkin: