18 va undan yuqori yoshdagi fotosuratchilar uchun Wildlife Photographer of the Year fototanlovi. Gʻoliblarga £10,000 pul mukofoti va Londonga sayohat!

Buyuk Britaniyaning Natural History muzeyi tomonidan fotografiyaga qiziquvchi yoshlarni qoʻllab-quvvatlash, ularni moddiy tomondan ragʻbatlantirish maqsadida Wildlife Photographer of the Year fototanlovi taqdim etiladi.

Dastur xalqaro miqyosda tan olingan tanlov boʻlib, havaskorlardan tortib professionallargacha boʻlgan isteʼdodli fotosuratchilarning mehnatini eʼtirof etadi, taqdirlaydi va nishonlaydi.

Barcha toifalar gʻoliblari Wildlife Photographer of the Year bosh mukofoti uchun koʻrib chiqiladi. Shuningdek, hakamlar hayʼati barcha toifa gʻoliblari taqdim etgan tanlangan bitta suratni quyidagi bir nechta kategoriyalar boʻyicha koʻrib chiqishadi:

• Photojournalist Story Award;
• Rising Star Award (18 yoshdan 26 yoshgacha);
• Portfolio Award (27 yosh va undan yuqori).

Tanlovda yovvoyi tabiat manzaralari, jumladan, hayvonot va oʻsimliklar dunyosi aks etgan suratlar bilan qatnashish mumkin. Gʻoliblar £10,000 gacha pul mukofoti va sertifikatlarga erishish bilan birga London shahrida boʻlib oʻtadigan taqdirlash marosimida ishtirok etish imkoniyatiga ega boʻladi.

Dastur haqida batafsil ushbu havola orqali maʼlumot olish mumkin.

• Tanlovda 18 va undan yuqori yoshdagi havaskor va professional fotosuratchilar qatnashishi mumkin;
• Har bir ishtirokchi yovvoyi tabiat mavzusida ijodiy ish taqdim etishi kerak;
• Suratlar bir nechta kategoriyalar boʻyicha topshirilishi mumkin.

Suratlarga qoʻyilgan talablar:

• Fotosuratlar soʻnggi besh yil ichida olingan boʻlishi kerak (2019-yil oktyabr oyidan keyin) va bunga dalil bilan taqdim etiladi;
• Suratlar yovvoyi tabiat mavzusida boʻlishi talab qilinadi;
• Suratda tutqunlikda ushlab turilmagan yovvoyi hayvonlar, oʻsimliklar, zamburugʻlar, landshaftlar va yashash joylari tasvirlangan boʻlishi lozim;
• Tasvirga olish jarayonida hech qanday hayvon yoki yashash muhitiga ozor berilmasligi shart;
• Suratda tabiatga ijobiy tarzda yondashilgan boʻlishi va tomoshabinga yolgʻon axborot bermasligi kerak;
• Ijodiy ishga oid sarlavha maʼlumotlari toʻliq, toʻgʻri va aniq boʻlishi lozim;
• Tasvirda inson portreti aks etgan boʻlsa, undan ruxsatnoma olinishi kerak;
• Suratga olish maqsadida hayvonlar tirik oʻlja orqali jalb qilinmagan boʻlishi shart.
• Hayvonni xavf ostiga qoʻyadigan yoki uning xatti-harakatlariga salbiy taʼsir koʻrsatadigan vositalardan foydalanish mumkin emas. Tasvirga olish uchun texnik vositalardan foydalanishda hayvonlarning hayot tarziga hech qanday taʼsir oʻtkazmaslik lozim;
• Barcha fayllar JPEG formatda, sifatli tarzda taqdim etilishi soʻraladi;
• Tabiat haqiqatini notoʻgʻri koʻrsatmasa, cheklangan miqdordagi raqamli tuzatishlar kiritishga ruxsat etiladi.

Fotosuratlar uchun taqiqlangan oʻzgartirishlar:

• Sunʼiy intellekt tomonidan yaratilgan suratlar;
• Narsalar, hayvonlar yoki hayvonlarning qismlarini, oʻsimliklar, odamlar va boshqalarni qoʻshish, koʻchirish yoki olib tashlash;
• Tabiiylikka oid har qanday qoldiq va shunga oʻxshash narsalarni olib tashlash;
• Kompozitlar yaʼni suratga sunʼiy qoʻshimcha oʻzgartirishlar qoʻshish;
• Fonni boʻyash.

Eslatma: Suratlar boshqa xalqaro tanlovlarda eʼlon qilinmagan boʻlishi lozim.

Dasturda qatnashish qoidalari bilan batafsil ushbu havola orqali tanishib chiqish mumkin.

Tanlovda ishtirok etib gʻolib boʻlgan nomzodlar quyidagi kategoriyada imtiyozlarga ega boʻladi:

Wildlife Photographer of the Year kategoriya gʻoliblari:

• Gʻolibga £10,000 pul mukofoti beriladi;
• Kubok va shaxsiy sertifikat bilan taqdirlanadi;
• Londonda boʻlib oʻtadigan taqdirlash marosimida ishtirok etishadi;
• Xalqaro auditoriyaga oʻz ijod namunasini namoyish qilish imkoniyati;
• Tanlangan suratlar Londondagi Natural History muzeyida namoyish etiladi;
• Tasvirlar qisqa metrajli filmda aks ettiriladi.

Portfolio Award kategoriyasi gʻoliblari:

• £2,500 pul mukofoti va shaxsiy sertifikat beriladi;
• Londonda boʻlib oʻtadigan taqdirlash marosimida ishtirok etishadi;
• WPY Portfolio kitobida fotosurati chop etiladi.

Photojournalist Story Award kategoriyasi gʻoliblari:

• £2,500 pul mukofoti va shaxsiy sertifikat beriladi;
• Londonda boʻlib oʻtadigan taqdirlash marosimida ishtirok etishadi;
• WPY Portfolio kitobida fotosurati chop etiladi.

Rising Star Portfolio Award kategoriyasi gʻoliblari:

• £1,500 pul mukofoti va shaxsiy sertifikat beriladi;
• Londonda boʻlib oʻtadigan taqdirlash marosimida ishtirok etishadi;
• WPY Portfolio kitobida fotosurati chop etiladi;
• WPY bitiruvchisi tomonidan ishtirokchining portfoliosi koʻrib chiqiladi.

Impact Award kategoriyasi gʻoliblari:

• £750 pul mukofoti va shaxsiy sertifikat beriladi;
• Londonda boʻlib oʻtadigan taqdirlash marosimida ishtirok etishadi.

Adult category winners kategoriyasi gʻoliblari:

• £1,250 pul mukofoti va shaxsiy sertifikat beriladi;
• Londonda boʻlib oʻtadigan taqdirlash marosimida ishtirok etishadi;
• WPY Portfolio kitobida fotosurati chop etiladi.

Adult category highly commended kategoriyasi gʻoliblari:

• Shaxsiy sertifikat beriladi;
• WPY Portfolio kitobida fotosurati chop etiladi;
• Londondagi taqdirlash marosimiga taklifnoma.

Dasturda qatnashishni istaganlar ushbu havola orqali ariza topshirishlari mumkin.

Tanlovga roʻyxatdan oʻtish uchun £30 badal puli toʻlanishi kerak. Ushbu toʻlov 2024-yil 28-noyabr (16:30) dan boshlab £35 ga oshadi. Ushbu toʻlov faqat onlayn kirish tizimi orqali toʻlanadi.

Muhim: Tanlov tugagunga qadar suratlarni qoʻshish yoki oʻchirish mumkin.

• Dasturga hujjat topshirish uchun oxirgi muddat: 5-dekabr, 2024-yil (16:30);
• Asl va yuqori aniqlikdagi fayllar 2025-yil 22-yanvardan 7-fevralgacha (16:30) topshirilishi kerak;
• Gʻoliblar bilan 2025-yil 14-martgacha bogʻlaniladi;
• Qoʻshimcha savol va murojaatlar ushbu havola orqali qabul qilinadi.