18 yosh va undan yuqori barcha uchun IT sohasini bepul oʻrganish imkonini beruvchi School 21 dasturi

IT sohasiga qiziqqan 18 yosh va undan yuqori barcha iqtidorli yoshlar uchun bepul School 21 dasturi taqdim etiladi. Asosiy taʼlimda loyihalarni masofadan turib topshirish va masofadan turib tekshirish mumkin. Biroq imtihonlarni topshirish uchun School 21 ga kelib, shaxsan ishtirok etish talab qilinadi. Oʻqish ishtirokchining sarflagan soati va erishgan darajasiga qarab 1.5 yildan 3 yilgacha davom etishi mumkin.

Dasturdan asosiy maqsad iqtidorli yoshlarga sifatli bilim olish uchun moliyaviy keng imkoniyat yaratish va Oʻzbekistonning texnologik rivojlanishiga munosib hissa qoʻshadigan IT mutaxassislarining yangi avlodi shakllantirishdan iborat.

Dasturdagi asosi yoʻnalishlar quyidagilardan iborat:

• Aqlli qurilmalarni dasturlash;
• Frontend (HTML, CSS, JS, TS);
• DevOps;
• Tarmoqlar va tizimni boshqarish;
• Kompyuter grafikasi va GameDev (UNITY);
• Operatsion tizimlarni ishlab chiqish;
• Veb dasturlash;
• Backend (C#, Java/Kotlin, Python, Go);
• Mobil ishlanmalar (Kotlin, Swift);
• DT arxitekturasi;
• Kiberxavfsizlik;
• Algoritmlar va maʼlumotlar tuzilmalari;
• Maʼlumotlar bazasi;
• Machine Learning va maʼlumotlarni tahlil qilish (Python).

Quyidagi dasturlash tillari oʻrgatiladi:

• C;
• C++;
• С#;
• Java;
• GO;
• Swift;
• Python;
• SQL;
• JavaScript;
• Kotlin;
• TS.

School 21 oʻqish paytida har bir ishtirokchi majburiy amaliyotdan oʻtadi yaʼni 3 oy davomida oʻz yoʻnalishi boʻyicha ishlaydi. School 21 uchun IT kompaniyadagi amaliyot oʻquv loyihasi hisoblanadi. Ishtirokchi amaliyot uchun kompaniyani oʻzi tanlaydi va uning shartlari borasida kelishib oladi. Agar yordam kerak boʻlsa, School 21 yordam beradi:

• karyera boʻyicha maslahat beradi va rezyumeni baholaydi;
• suhbatga tayyorlaydi;
• ish beruvchilar bilan tadbirlarni tashkil qiladi va hamkor-kompaniyalardan boʻsh ish oʻrinlarini taklif qiladi.

School 21 ishtirokchilarining 100 foizi amaliyotga chiqadi, va ularning 95 foizi bugungi kunda doimiy ish takliflarini olishgan.

Dastur haqida batafsil ushbu havola orqali maʼlumot olish mumkin.

• 18 yosh va undan yuqori barcha qatnashishi mumkin;
• Nomzodlar ikkita onlayn o‘yindan o‘tish va saralash bosqichini muvaffaqiyatli yakunlash lozim;
• Dastur uchun haftasiga kamida 20 soat vaqt ajratish lozim.

Muhim: Ota-onaning yozma ruxsati bilan va maktabning roziligi bilan 17 yoshdan oshganlar malakaviy intensiv mashgʻulotlarda qatnashishi mumkin.

• Dasturda bepul qatnashish mumkin;
• Davlat namunasidagi diplom beriladi;
• IT bozorida zamonaviy kasb egasi boʻlish uchun zarur koʻnikmalar oʻrgatiladi;
• Oʻquv dasturida 3 oylik amaliyot dasturi ham mavjud;
• 24/7 rejimda erkin jadval asosida onlayn tarzda qatnashish mumkin;
• Ommabop dasturlash tillaridan istaganini tanlash imkoniyati;
• Samarqand kampusidan boshqa shahar yoki mamlakatdan kelgan ishtirokchilar uchun yotoqxona berilishi mumkin (narxi oyiga 100 ming soʻm).

Dasturda qatnashishni istaganlar ushbu havola orqali oʻziga shaxsiy hisob yaratib, ariza topshirishlari mumkin.

Dasturga kirish va oʻqish quyidagi bosqichlardan iborat:

• Mantiqiy fikrlash va xotira boʻyicha test: 2 ta onlayn mini-oʻyinlar: qoidalarni tushunib, maksimal ball toʻplash kerak (~30 daqiqa).
• School 21 jamoasi bilan uchrashuv: Taʼlim haqida maʼlumotlar beramiz. Har qanday savollarga javob beramiz. Barcha shubhalarga oʻrin qoldirmaymiz. Uchrashuv vebinar formatida boʻlib oʻtadi (~1 soat).
• Intensiv: Kampusda uzluksiz oʻqish. School 21 moslashish uchun 22 ta loyiha (26 kun).
• Asosiy taʼlim: Oʻqish intensivdan bir necha hafta oʻtgach boshlanadi. Ixtisoslashuv, dasturlash tillari va grafik — ishtirokchining tanlovi boʻyicha. Darslarni ish yoki OTM-dagi oʻqish bilan birlashtirish mumkin (~1,5-3 yil).
• Sertifikat: Ishtirokchilar dasturlashda amaliy koʻnikmalarni tasdiqlovchi asosiy yoki yuqori darajadagi sertifikatga ega boʻladilar.
• Bitiruvchilar hamjamiyati: School 21 bitiruvchilari oʻqishni tamomlagandan keyin ham bir-birlari bilan aloqada boʻlishadi: tajriba almashishadi, IT yangiliklari bilan oʻrtoqlashishadi, ish va loyihalarda yordam berishadi.

Eslatma: Nomzodlar faqat bir marta ariza topshirish imkoniyatiga ega.

Roʻyxatdan oʻtish bilan bogʻliq maxsus koʻrsatmalar bilan ushbu havola orqali tanishib chiqish mumkin.

• Email: tashkent@21-school.uz;
• Tel: +998 93 039 4447 (Toshkent)/+998930394442 (Samarqand);
• Samarqanddagi manzil: Samarqand, Ibn Sino koʻchasi, 17a;
• Toshkentdagi manzil: Toshkent, Ziyolilar koʻchasi, 13. Moʻljal Inha Universiteti.

Saralash bosqichlari:

• 23-sentyabr — Toshkent shahrida, arizalar 19-sentyabrgacha qabul qilinadi;
• 30-sentyabr – Samarqand shahrida, arizalar 25-sentyabrgacha qabul qilinadi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• Facebook;
• Instagram.