18 yoshdan 25 yoshgacha boʻlgan yosh yetakchilar uchun Yosh Menejer dasturining 3-mavsumi

Oʻzbekiston Respublikasi Prezidentining 5 ta tashabbusi loyiha ofisi hamda MBM IT kompaniyasi tomonidan tashkil etilayotgan “Yosh Menejer” dasturi 3-mavsumi uchun nomzodlarni qabul qilish jarayoni boshlandi.

Loyihaning maqsadi — 5 yoʻnalishda xalqaro darajadagi menejerlarni tayyorlash.

Yoʻnalishlar:

• Loyihalar boshqaruvi;
• Moliya;
• IT;
• HR;
• Marketing

Mazkur dastur 2 oyga moʻljallangan boʻlib, 18 yoshdan 25 yoshgacha boʻlgan yosh yetakchilar(liderlar)ni qamrab oladi. Loyihaga oʻzbek, ingliz va rus tillarini yaxshi biluvchi, dunyoqarashi keng 50 nafar talaba-yoshlar saralab olinadi va ular 2 oy davomida nazariy treninglar hamda amaliy topshiriqlar vositasida loyiha menejerlari sifatida shakllantiriladi va loyiha muvaffaqiyatli tugatgan ishtirokchilar korxonalarga 1 oylik amaliyotga yoʻnaltiriladi.

Dasturda ishtirok etish uchun talablar:

• Loyihada 18 yoshdan 25 yoshgacha boʻlgan barcha yosh yetakchilar qatnashishi mumkin;
• Dastur Toshkentda oflayn tarzda olib borilganligi bois nomzod Toshkent shahrida istiqomat qilishi lozim;
• Nomzod oʻzbek, rus va ingliz tillarini bilishi tavsiya etiladi. Sertifikat talab etilmaydi.

Dastur talablari haqida batafsil ushbu havola orqali maʼlumot olish mumkin.

Dasturga qabul qilinganlar quyidagi imkoniyatlarga ega boʻladi:

• Saralangan 50 nafar ishtirokchilar 2 oy davomida nazariy treninglarda bepul ishtirok etadi hamda amaliy topshiriqlar vositasida loyiha menejerlari sifatida shakllantiriladi;
• Loyiha muvaffaqiyatli tugatgan ishtirokchilar korxonalarga 1 oylik amaliyotga yoʻnaltiriladi.

Dastur manfaatli jihatlari haqida batafsil ushbu havola orqali maʼlumot olish mumkin.

Roʻyxatdan oʻtish ushbu havola orqali amalga oshiriladi.

Roʻyxatdan oʻtishda quyidagilarga eʼtibor qaratish talab etiladi:

• Maʼlumotlar toʻgʻri va toʻliq kiritilishi;
• CV (Rezyume) toʻgʻri yuklash (rasm emas);
• Motivatsion xatda soʻz cheklovlarini inobatga olgan holda fikrlarni yoritib berish.

Loyiha ishtirokchilarini saralash jarayoni qoidalarga binoan 2 bosqichda tashkil etiladi:

• Birinchi bosqichda havola orqali roʻyxatdan oʻtgan nomzodlar orasidan 100 nafar kuchlilar tanlab olinadi;
• 2-bosqichda esa yuzma-yuz suhbat asosida TOP 50 nafar yoshlarga Yosh menejer dasturi 3-mavsumida qatnashish imkoniyati taqdim etiladi.

Qoʻshimcha murojaatlar uchun: Yosh Menejer Aloqa

Dastur haqida batafsil ushbu rasmiy kanal orqali maʼlumot olish mumkin.