18 yoshdan 30 yoshgacha boʻlgan vodiylik yoshlar uchun 5 kunlik “Boost Camp” biznes oromgohi. Barcha xarajatlar toʻliq qoplanadi

Yoshlar Ishlari Agentligi, Fargʻona viloyati boshqarmasi va Yevropa Ittifoqi dasturi hamkorligida Fargʻona vodiysida yashaydigan, tadbirkorlikni boshlamoqchi yoki oʻz tadbirkorligini rivojlantirmoqchi boʻlgan yoshlar uchun 5 kunlik “Boost Camp” oromgohi tashkil qilinadi.

Oromgoh shu yilning 22-26-avgust kunlari boʻlib oʻtadi. Dasturga qatnashish bilan bogʻliq barcha xarajatlar toʻliq moliyalashtiriladi.

Dasturga ariza topshirishning soʻngi kuni 19-avgust. Batafsil maʼlumotni ushbu havola orqali olish mumkin.

• Oromgohga 18 yoshdan 30 yoshgacha boʻlgan Fargʻona vodiysida yashovchi yoshlar ariza yuborishlari mumkin;
• Shuningdek, nomzodlar biznesga qiziqishi, oʻz biznes gʻoyasiga ega va uni rivojlantirish ustida ishlayotgan boʻlishlari maqsadga muvofiq.

• Ishtirok etish bilan bogʻliq barcha xarajatlar: transport, ovqatlanish, turar-joy hammasi toʻliq moliyalashtiriladi;
• Oromgoh davomida shaxsiy rivojlanish, biznes loyihalarni tuzish, jamoa bilan ishlash koʻnikmalarini ham rivojlantirish mumkin;
• Shuningdek, tajribali biznesmenlardan maslahat olish, netvorking va kechki koʻngilochar tadbirlarda ishtirok etish imkoniyati mavjud.

Ishtirok etish istagida boʻlgan yoshlar ushbu havola orqali 2022-yil 19-avgustga qadar ro‘yxatdan o‘tib ariza yuborishlari mumkin.

Qoʻshimcha maʼlumot uchun “BOOST in Fergana” telegram kanalini kuzatib borish mumkin.