18 yoshdan 30 yoshgacha boʻlgan yoshlar uchun Fransiyaning Strasburg shahrida boʻlib oʻtadigan World Forum for Democracy dasturi

Demokratiya sohasiga kuchli qiziqishi boʻlgan, jamiyat hayotida faol va oʻz gʻoyalariga ega 18 yoshdan 30 yoshgacha boʻlgan yoshlar uchun Fransiyaning Strasburg shahrida 2022-yil 4-10-noyabr kunlari boʻlib oʻtadigan World Forum for Democracy dasturida qatnashish imkoniyati ьфмогвю

Forumga butun dunyodan demokratiya sohasida faol islohotlar olib borayotgan tajribalari mutaxassislar va yoshlar qatnashishadi. Forumning bu yilgi mavzusi: “Democracy: A new hope?” Dasturga Yoshlar boʻlimi tomonidan bu yil uchun 50-60 ta yoshlar tanlab olinishi reja qilingan.

Forum ikki qismga boʻlingan holda o'tkazilishi reja qilingan:

• Dastlab nomzodlar 4-noyabr kuni Strasburg shahriga yetib kelgach 5-6-noyabr kunlari forumga tayyorgarlik koʻrishadi;
• Undan keyin 7-9-noyabr kunlari forumning asosiy qismi boʻlib oʻtadi va forum tugaganidan soʻng 10-noyabr kuni ishtirokchilar oʻz davlatlariga qaytishlari mumkin.

Dastur haqida batafsil rasmiy broshyurada o'qish mumkin.

• Ishtirokchilar 18 yoshdan 30 yoshgacha boʻlgan demokratiya sohasiga kuchli qiziqishi bor yetakchi, intiluvchan yoshlar boʻlishi;
• Dastur toʻliq ingliz tilida bo'lganligi sababli ingliz tilini yaxshi bilishlari (sertifikat so'ralmaydi);
• Yoshlar va demokratiya boʻyicha yangi gʻoyalar ustida ishlab jamiyatga oʻz hissasini qoʻsha oladigan yoshlardan biri boʻlishi;
• Demokratiya yoʻnalishida amaliy yechimlarni qoʻllab-quvvatlash orqali oʻz gʻoyalarini amalga oshirishlari;
• Demokratiya boʻyicha oʻzlari duch kelgan muammolarni forum davomida qatnashchilari bilan boʻlisha olishi.

Dastur talablari bilan ushbu havola orqali batafsil tanishib chiqish mumkin.

• Ishtirokchilar forum davomida turar-joy va oziq-ovqat bilan bepul taʼminlanadilar;
• Forum davomida toʻliq qatnashgan ishtirokchilarga tegishli cheklarni taqdim etganlaridan soʻng aviachipta va viza xarajatlariga sarflangan pul qoplab beriladi.
• Shuningdek, forum davomida imkoniyati cheklangan yoshlar ham ishtirok etishlari mumkin, Ular uchun barcha sharoitlar yaratib beriladi;
• Har bir ishtirokchi xonasida bepul Wi-Fi bilan taʼminlanadi.

Forumda qatnashishning foydali jihatlari bilan ushbu havola orqali batafsil tanishib chiqish mumkin.

Arizalarni yuborish ikki bosqichda amalga oshiriladi

1. Ushbu havola orqali onlayn ariza shakli toʻldirilishi kerak.
2. Onlayn ariza shaklini ichiga qisqa 1 daqiqalik YouTube video olib uning havolasini yuklashlari kerak.
3. Videoda nega aynan World Forum for Democracy dasturida qatnashmoqchiliklari haqida gapirib berishlari kerak boʻladi.
4. YouTube videoni qanday olish va nimalarga eʼtibor berish haqida ushbu havola orqali batafsil maʼlumot olish mumkin.
5. Agar ariza topshirish boʻyicha texnik muammolarga duch kelinsa dedlayndan oldin youthapplications@coe.int elektron pochta manziliga murojaat qilish mumkin.

Arizalar Toshkent vaqti bilan 2022-yil 2-avgust 17:00 ga qadar qabul qilinadi.

• Qoʻshimcha savollarni ushbu havola orqali kirib ism-familiya, elektron pochta manzilini kiritgach, muammo nimada ekani haqida batafsil yozib qoldirish mumkin.