18 yoshdan 35 yoshgacha boʻlgan yoshlar uchun Janubiy Koreyaning Jeju orolida boʻlib oʻtuvchi toʻliq moliyalashtiriladigan IUCN Liderlar Forumi

Koreya atrof-muhitni himoya qilish vazirligi va Jeju provinsiyasi tomonidan 2022-yil 13-15-oktyabr kuni Jeju orollarida boʻlib oʻtuvchi IUCN Liderlar Forumiga tashkillashtiriladi. Forumda barcha tabiat muhofazasiga qiziquvchi va shu sohada amaliy loyihalar olib borayotgan yoshlar ishtirok etishlari mumkin.

Forumning bu yilgi mavzusi: “Building nature-positive economies and societies” (Tabiat, atrof-muhitga ijobiy taʼsir etuvchi iqtisodiyot va jamiyat barpo etish).

Forum davomida:

• Ishtirokchilar yuqori darajadagi suhbatlarda qatnashish, netvorking qilish, norasmiy biznes uchrashuvlarda ishtirok etish, turli sohalardagi rahbarlar va jamiyatlarida ijobiy oʻzgarishlar olib borayotgan yetakchilar bilan muloqot qilish imkoniyatiga ega boʻlishadi;
• Forum spikerlarining barchasi ekologiya sohasida katta tajribaga ega mutaxassislardan tashkil topgan va bu orqali ishtirokchilar ulardan maslahatlar olishlari mumkin;
• Shuningdek ishtirokchilar oʻz loyihalarini taqdimot qilish orqali investor jalb qilishi va oʻzaro hamkorlik oʻrnatishlari mumkin.

Forum xarajatlari dastur tomonidan toʻliq moliyalashtiriladi.

• Dastur boshlanish vaqtida nomzodlar 18 yoshga toʻlgan va 35 yoshdan kichik boʻlishi (35 yoshdan katta nomzodlar ishtiyoq va qilgan ishlariga ko'ra ko'rib chiqilishi mumkin);
• Tabiatni muhofaza qilish, biologik xilma-xillik, iqlim oʻzgarishi yoki barqaror rivojlanish sohalarida (SDG) yetakchi va innovatsion tajribaga ega boʻlishi;
• Hozirda atrof-muhit ijobiy oʻzgarishiga hissa qoʻsha oladigan innovatsion loyiha ustida ishlayotgan boʻlishi;
• Shuningdek, yosh ayol liderlar va butun dunyodan millati va kelib chiqishidan qatʼi nazar barcha innovatorlar ariza yuborishlari mumkin.

Eslatma: Loyihalari oʻzaro teng huquqlilikni taʼminlashga, jismoniy holatidan qatʼi nazar barchaga yordam berishga, avlodlararo oʻzaro aloqalarni mustahkamlashga, inson huquqlarni taʼminlashga qaratilgan nomzodlarning arizalari qoʻllab-quvvatlanadi.

Dastur talablari bilan ushbu havola orqali batafsil tanishib chiqish mumkin.

• Forum davomida turar-joy, oziq-ovqat xarajatlari, shuningdek, Jeju provinsiyasiga borish-kelish aviachiptasi toʻliq moliyalashtiriladi;
• Qatnashuvchilar forumda xususiy sektor, hukumat va fuqarolik jamiyatining nufuzli global yetakchilariga oʻz loyihalarini taqdim etish imkoniyatiga ega boʻlishadi

Dastur imtiyozlari bilan ushbu havola orqali batafsil tanishib chiqish mumkin.

Forumda ishtirok etish uchun ushbu havola orqali barcha maʼlumotlar toʻldirilib topshiriladi:

1. Your Personal Information (Shaxsiy maʼlumotlar) qismida soʻralgan barcha maʼlumotlar toʻliq va aniq shaklda toʻldiriladi;
2. Application Questions qismida quyidagi maʼlumotlar toʻldiriladi:

• Nomzodning oʻqish yoki ish joyi nomi;
• Agar ishlasa qanday lavozimda ishlashi;
• Ishlayotgan tashkiloti qanday tashkilot ekanligi (xususiy yoki davlat sektori va hokazo);
• Nomzod oʻzi haqida 250 soʻzdan iborat biografiya yozishi, unda erishgan yutuqlari, hozirda nima bilan shugʻullanishi va ushbu forumda ishtirok etish nomzodning kelgusidagi faoliyati bilan qanday bogʻliqligi borligini koʻrsatib berishi;
• Liderlik boʻyicha qanday tajribalari borligi haqida 200 soʻzdan iborat insho yozishi;
• Hozirda nomzod amalga oshirayotgan loyiha qanday qilib atrof-muhit va tabiatni yomonlashib ketishini oldini olishi haqida 250 soʻzdan iborat insho yozishi;
• Loyiha qanchalik amaliy jihatdan oʻzini oqlaganligi haqida aniq sonlar bilan koʻrsatib 200 soʻzdan iborat insho yozishi;
• Aynan shu loyihani boshqa loyihalardan ajralib turadigan jihatini koʻrsatuvchi 200 soʻzdan iborat insho yozishi;
• Shu forumda qatnashish orqali yigʻiladigan tajribalar nomzodga kelgusida qanday yordam berishi haqida 200 soʻzdan iborat insho yozishi kerak.

Eslatma: 

• Havola orqali barcha maʼlumotlar aniq va toʻliq ingliz tilida toʻldirilganidan soʻng SUBMIT tugmasini bosish orqali ariza qoldirish mumkin.
• Dasturga arizalar Toshkent vaqti bilan 5-avgust soat ertalabki 10:00 gacha qabul qilinadi.

Qoʻshimcha maʼlumotlar uchun:

Forum haqida barcha savollarga ushbu havola orqali xabar yozib javob olish mumkin;

Liderlar Forumi bo‘yicha alohida savollarga ushbu elektron pochta manziliga yozish orqali ma'lumot olish mumkin.

Manzil: 

• One Young World
  14 Irving ko‘chasi
  London,
  WC2H 7AF

Telefon raqam: +44 (0)20 3691 8060

Qo‘shimcha yordam uchun mas'ul shaxslarning elektron pochta manzillari:

• Stefan Kovacevic: stefan.kovacevic@oneyoungworld.com
• Alex Bellotti: partnerships@oneyoungworld.com
• Anais Nee: anais.nee@oneyoungworld.com
• Seven Hills: oyw@wearesevenhills.com