18 yoshdan katta boʻlgan va maʼlumotlar tahliliga qiziquvchilar uchun Udacity onlayn kurslarida bepul o'qish imkoniyati — Microsoft Cloud & Data Scholarship

Microsoft Cloud & Data Scholarship — Udacity va Microsoft tomonidan 2 ta trekdan iborat boʻlgan kursda bepul ishtirok etish imkoniyati.

Dasturda 18 yoshdan katta boʻlgan barcha qiziquvchilar ishtirok etishi mumkin. Kurs toʻliq ingliz tilida va onlayn boʻladi.

Umumiy hisobda 150 nafar ishtirokchiga toʻliq grant beriladi, yaʼni $165 qiymatidagi kurs yakunida taqdim etiladigan sertifikat bepul beriladi. Ishtirokchilar orasidan faqat 50 nafari Nanodegree dasturiga tanlab olinadi. Ularga sohani yanada chuqurroq oʻrganish uchun networking va mentoring sessiyalarida qatnashish imkoniyati beriladi.

Grant dasturining asosiy maqsadi Microsoft Azure AI muhandislik koʻnikmalariga ega boʻlgan mutaxassislar sonini koʻpaytirish va ularni Microsoft sertifikatsiyasidan oʻtishga tayyorlash. Eng muhimi, tashkilotchilar Microsoft koʻnikmalariga ega boʻlgan shaxslarning xilma-xilligini kengaytirishga harakat qilmoqdalar, ayniqsa ayollar va qora tanlilar yoki ispaniyaliklarning ishtiroki ragʻbatlantiriladi.

Ushbu dastur uchun 2ta alohida trek bor: yangi oʻrganuvchilar uchun boshlangʻich trek va yanada ilgʻor amaliyotchilar uchun trek. Shu sababli, dasturga barcha darajadagi ishtirokchilar ariza berishga daʼvat etiladi.

1. Boshlangʻich trek: Microsoft Power BI yordamida maʼlumotlarni tahlil qilish va vizualizatsiya qilish.
2. Amaliyotchi treki: Microsoft Azure bilan AI muhandisi.

Grant uchun tanlab olingan nomzodlarga 2022-yil 22-aprelda email orqali xabar beriladi. Dastur 2022-yil 26-aprel sanasidan boshlanadi.

Ushbu havola orqali grant dasturiga oid batafsil maʼlumot bilan tanishib chiqish mumkin.

Ishtirok etish talablari:

• Dasturda 18 yoshdan katta boʻlgan barcha qiziquvchilar ishtirok etishi mumkin;
• Dasturda ayollar, shuningdek, qora tanlilar va ispaniyaliklarning ishtirok etishi ragʻbatlantiriladi;
• Kurs toʻliq onlayn boʻlganligi sababli, ishtirokchilarda internet tarmogʻiga ulanish imkoni boʻlishi lozim;
• Kurs uchun sarflanishi lozim boʻlgan vaqt taxminan 10-15 soatni tashkil etadi.

Microsoft Power BI bilan Maʼlumotlarni Tahlil Qilish va Vizualizatsiya Qilish kursi quyidagilarni talab qiladi:

• Microsoft Excel asoslarini bilish;
• Grant uchun qisqa imtihon(Tech Assessment)dan oʻtish kerak;
• Ishtirokchilarga Windows operatsion tizimi kerak boʻladi va bepul Power BI Desktop dasturini yuklab olish va oʻrnatish kerak boʻladi.

Microsoft Azure bilan AI muhandisi kursi quyidagilarni talab qiladi:

• Python dasturlash koʻnikmalari;
• Microsoft Azure dasturini bilish;
• Azure portalida navigatsiya qilish imkoniyati;
• Azure maʼlumotlar manbalari bilan tanishish;
• JSON REST dasturini bilish;
• Ilovalarni ishlab chiqishda APIʼlardan foydalanish qobiliyati;
• Grant uchun texnik imtihon(Tech Assessment)dan oʻtish kerak.

Ushbu havola orqali grant dasturiga oid batafsil maʼlumot bilan tanishib chiqish mumkin.

• Kursni muvaffaqiyatli tamomlagandan soʻng, Microsoft ikkala trekning bitiruvchilariga qiymati $165 boʻlgan sertifikatlarni bepul olish imkoniyatini beradi;
• Ishtirokchilar sertifikat orqali kurs davomida real loyihalar bilan ishlaganligini qayd etib, CV/rezyumesini boyitib borishi mumkin.

Dasturga ariza berish 2022-yil 18-aprelgacha davom etadi.

Grant dasturida ishtirok etish uchun quyidagi bosqichlardan oʻtish lozim:

1. Onlayn ariza toʻldiriladi. Arizada nomzodning ayrim shaxsiy va taʼlimiga oid maʼlumotlari soʻraladi.
2. Ariza toʻldirilgandan soʻng, texnik imtihon(Tech Assessment), yaʼni bir nechta test savollariga javob berish lozim. Savollarga javob bergandan soʻng Finish & Submit tugmasi bosiladi.

Savollar bilan rasmiy sayt orqali onlayn tarzda murojaat etish mumkin.