18 yoshdan oshgan barcha uchun Italiyada 3 kunlik forum — Global Youth Convention 2025. Barcha xarajatlar qoplanadi!

Birlashgan Millatlar Tashkilotining Barqaror Rivojlanish Maqsadlari (Sustainable Development Goal; SDG) boʻyicha Jahon yoshlar konvensiyasi 18 yoshdan oshgan barcha millat vakillari: talabalar, izlanuvchilar, olimlar, mutaxassislarni Italiyada oʻtkaziladigan yillik forumga taklif qiladi.

Tadbirda iqlim oʻzgarishi, taʼlimning ahamiyati va yoshlarni muvaffaqiyatli ijtimoiy tadbirkor sifatida shakllantirish kabi mavzularda maʼruzalar, interaktiv seminarlar, panel muhokamalari va turli tadbirlari tashkil etiladi.

Ishtirokchilar soʻnggi tendensiyalar va strategiyalar haqida tushunchaga ega boʻladilar, yangi koʻnikmalarni oʻrganadilar va jamiyatda ijobiy oʻzgarishlar qilish boʻyicha ragʻbat oladilar. Shuningdek, muvaffaqiyatli maʼruzachilarning loyihalari tashkilotchilar tomonidan moliyalashtiriladi.

Tadbirning asosiy mavzulari:

• Iqlim oʻzgarishiga moslashish strategiyalari
• Taʼlimning ahamiyati
• Adolatli rivojlanish
• Yoshlar yetakchiligidagi ijtimoiy loyihalarni moliyalashtirish
• Barqaror rivojlanish maqsadlari

Tadbirda 4 xil koʻrinishda qatnashish mumkin:

• Toʻliq moliyalashtirilgan holda (50 ta grant ajratilgan);
• Oʻz hisobidan ($499 evaziga);
• Invitation Letter kategoriyasi ($99);
• Convention Access kategoriyasi ($249).

Tadbir kunlari: 18-21 dekabr, 2025 (Italiya, Milan)

• Taʼlim darajasi, irqi va millatidan qatʼi nazar, 18 yoshdan oshgan shaxslar ariza topshirishlari mumkin;
• IELTS va TOELF kabi til bilish sertifikatlari talab etilamydi.

Toʻliq grant (50 nafar):

• Italiyaga borish-kelish, turarjoy, dasturda ishtirok etish, ovqatlanish kabi barcha xarajatlar qoplanadi;
• Global miqyosda doʻstlar orttirish va ijtimoiy aloqalarni mustahkamlash;
• Sertifikat.

Qisman grant (100 nafar):

• Borish-kelish xarajatlaridan tashqari qolgan barcha xarajatlar qoplanadi. 

4 xil koʻrinishda ariza berish mumkin:

• Toʻliq moliyalashtirilgan holda ariza berish;
• Oʻz hisobidan ariza berish;
• Invitation Letter kategoriyasi uchun ariza berish;
• Convention Access kategoriyasi uchun ariza berish.

Nomzodlar arizasini topshirgandan soʻng, tashkilot komissiyasi arizaning mazmuniga koʻra nomzodlarni saralaydi. Potensial nomzodlar bilan tez orada elektron pochta orqali aloqaga chiqiladi.

Natijalar 2025-yil 10-oktyabrda eʼlon qilinadi.

Eslatma: Toʻliq moliyalashtirish kategoriyasi boʻyicha ariza topshirish uchun $16.50 miqdorda badal puli toʻlash lozim. Badal puli qaytarilmaydi.

Dastur boʻyicha eng koʻp soʻralgan savollarga javoblar bu yerda.

Qoʻshimcha savollar uchun:

• info@headwayinstitute.org
• +1 (586) 284-65-58