18 yoshdan yuqori barcha uchun vatanparvarlikni madh etuvchi ijodiy ishlar boʻyicha yutuqli tanlov

Oʻzbekiston Respublikasi mustaqilligining 33 yilligi munosabati bilan Respublika Maʼnaviyat va maʼrifat markazi hamda Vazirlik va idoralar hamkorligida ijodkorlar oʻrtasida Respublika koʻrik-tanlovi eʼlon qilinadi.

Mazkur tanlov quyidagi yoʻnalishlar boʻyicha boʻlib oʻtadi:

• “Eng yaxshi vatanparvarlik ruhidagi videorolik”;
• “Eng yaxshi vatanparvarlik ruhidagi qoʻshiq”;
• “Vatanni madh etuvchi eng yaxshi sheʼr”.

Tanlov 2 bosqichdan iborat:

• 1-hududiy bosqich joriy yilning 30-avgustiga qadar hudud, vazirlik va idoralar kesimida oʻtkaziladi;
• 2-Respublika bosqichi 2024-yilning 15-sentyabriga qadar boʻlib oʻtadi.

Tanlovdan asosiy maqsad yoshlarda vatanparvarlik ruhini uygʻotadigan ajoyib ijodiy ishlar yaratadigan yoshlarni kashf qilish hamda ularga oʻz iqtidorini keng ommaga namoyish qilishi uchun ragʻbatlantirishdan iborat.

Dastur haqida batafsil ushbu havola orqali maʼlumot olish mumkin.

• Tanlovda 18 yoshdan yuqori barcha ijodkorlar qatnashishi mumkin;
• Nomzodlar vatanparvarlikni madh etuvchi ijodiy ish (videorolik, qoʻshiq yoki sheʼr) yaratishlari lozim.

Har bir yoʻnalish boʻyicha gʻoliblar quyidagicha taqdirlanadi:

1. “Eng yaxshi vatanparvarlik ruhidagi qoʻshiq” uchun:

• 1-oʻrin — 50 000 000 soʻm;
• 2-oʻrin — 30 000 000 soʻm;
• 3-oʻrin — 20 000 000 soʻm.

2. “Eng yaxshi vatanparvarlik ruhidagi videorolik” uchun:

• 1-oʻrin — 30 000 000 soʻm;
• 2-oʻrin — 20 000 000 soʻm;
• 3-oʻrin — 10 000 000 soʻm.

3. “Vatanni madh etuvchi eng yaxshi sheʼr” uchun:

• 1-oʻrin — 20 000 000 soʻm;
• 2-oʻrin — 10 000 000 soʻm;
• 3-oʻrin — 5 000 000 soʻm.

Dasturda qatnashishni istaganlar ijodiy ishlarni ManaviyatTanlovlar_bot manziliga joʻnatishlari kerak.

• Email: Info@umail.uz;
• Tanlov haqida qoʻshimcha maʼlumot koʻrsatilgan video bu yerda;
• Manzil: Yakkasaroy tumani, Yusuf Xos Hojib koʻchasi, 76-uy;
• Tel: +998971448025.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• Facebook;
• Twitter.