18 yoshdan yuqorilar uchun Maltada umumiy ingliz tilini yaxshilash hamda IELTSga tayyorgarlik kurslarini bepul oʻqish imkoniyati
  • 05/05/2022 Qabul boshlanishi
  • Qisman Moliyalash turi
  • Yevropa Davlat
  • 24/07/2022 23:59 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    18 yoshdan

Doʻstlar bilan ulashing

Umumiy maʻlumotlar

Yevropaning Malta davlatida joylashgan Maltalingua Ltd. maktabi dunyo boʻylab 18 yoshdan yuqori boʻlganlar uchun bepul ingliz tilini oʻrganish hamda IELTS imtihoniga tayyorlov kurslarini taqdim etadi.

Dastur 4 hafta davom etadi. Dasturning vaqti gʻolib ishtirokchi bilan kelishiladi.

Ushbu dastur doirasida nomzodlar ingliz tilini bepul oʻrganishlari va bepul qoʻllanmalarga ega boʻlishlari mumkin. Nomzodlar turar-joy bilan taʼminlanadi. Oziq-ovqat va xalqaro yoʻl xarajatlari ishtirokchi tomonidan qoplanadi.

Dastur haqida batafsil ushbu havola orqali tanishish mumkin.

Maqbullik shartlari

Dasturda ishtirok etish uchun nomzodlardan quyidagilar talab etiladi:

  • Dasturga dunyoning istalgan mamlakatidan fuqarolar qatnashishi mumkin;
  • Ishtirokchilar 18 yosh va undan yuqori boʻlishlari lozim;
  • Har bir ishtirokchi bir marta ariza berishi lozim;
  • Maltalingua Ltd. maktabining ishchilari yoki ularning oila aʼzolari dasturda qatnasha olmaydi;
  • Grant dasturida ishtirok etish orqali ishtirokchi Maltalingua Ltd. talab qilishi mumkin boʻlgan reklama faoliyati va materiallarda ishtirok etishga rozi boʻladi;
  • Grant boshqa shaxsga oʻtkazilmaydi;
  • Grant va uning birorta qismi pul yoki boshqa mukofotga almashtirilmaydi;
  • Ishtirokchi Maltalingua Ltd tomonidan belgilangan vaqt oraligʻida grantdan foydalanish sanalarini tanlashi mumkin.

Dastur maqbullik shartlari haqida batafsil ushbu havola orqali tanishish mumkin.

Foydali tomonlari

Dasturga qabul qilingan nomzodlar quyidagi imtiyozlarga ega boʻladi:

  • Bepul umumiy ingliz tili hamda IELTSga tayyorgarlik darslari olib boriladi;
  • Barcha kurs oʻquv materiallari va daraja testlari bepul beriladi;
  • Dastur yakunida nomzodga sertifikat taqdim etiladi;
  • Turar-joy bilan taʼminlanadi;
  • Aeroportdan maktabgacha olib ketib, keyin keltirib qo'yish xarajatlari qoplanadi;
  • Nomzod toʻliq dam olish dasturiga kirishi mumkin;
  • Mahalliy doʻkonlar va restoranlar uchun talabalar chegirma kartasi beriladi;
  • Ishtirokchi maktab suzish havzasidan foydalanishi mumkin;
  • Nomzod dushanba kuni Malta taomlari bilan mazali kechlik qilishi mumkin;
  • Bepul SIM karta taqdim etiladi;
  • Yotoqxonada konditsioneridan bepul foydalanish mumkin;
  • Netflix, DVD va oʻqish kitoblaridan bepul foydalanish huquqi beriladi.

Dastur manfaatli jihatlari haqida batafsil ushbu havola orqali tanishish mumkin.

Hujjat topshirish

Dasturga ariza topshirish uchun nomzodlar ushbu havola orqali berilgan ariza namunasini toʻldirishlari lozim.

Ariza namunasida ishtirokchining toʻliq ism-familiyasi, telefon raqami (mamlakat kodi bilan), e-mail pochtasi koʻrsatilishi, hamda “Why do you want to improve your English?” savoliga javob berilishi lozim.

Dasturga ariza topshirishning soʻngi muddati 2022-yil, 25-iyul.

Qoʻshimcha maʻlumotlar

Eng ko'p berilgan savollar ro'yxati bilan ushbu havola orqali tanishish mumkin. 

Qo'shimcha savol va murojaatlarni ushbu havola orqali qoldirish mumkin. 

Manzil: Maltalingua School of English - 2 Birkirkara Hill, St. Julians, Malta

Tel: (+356) 2742 7570 www.maltalingua.com

Yevropa
18 yoshdan yuqorilar uchun Maltada umumiy ingliz tilini yaxshilash hamda IELTSga tayyorgarlik kurslarini bepul oʻqish imkoniyati

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar