20-35 yosh oraligʻidagilar uchun AQShda xarajatlari toʻliq qoplanadigan 1 haftalik amaliyot dasturi — Youth Interfaith Leaders Fellowship

AQShning nufuzli Duke universiteti butun dunyo boʻylab iqlimga eʼtiborli yosh yetakchilar uchun xarajatlari toʻliq qoplanadigan 1 haftalik Youth Interfaith Leaders Fellowship amaliyot dasturini taqdim etadi. Dastur uchun 25 nafar iqtidorli yoshlar saralab olinishi rejalashtirilgan.

Amaliyot davomida taniqli mutaxassislar tomonidan dinshunoslik, iqlim oʻzgarishi, madaniyatlararo va dinlararo munosabatlar, ommaviy axborot vositalari va jamoat ishlari boʻyicha bilim beriladi.

Dastur 2025-yil 24-maydan 30-maygacha AQShning Shimoliy Karolina shtatida joylashgan Duke universitetida boʻlib oʻtadi.

Dastur haqida batafsil ushbu havola orqali maʼlumot olish mumkin.

• Dasturda barcha 20-30 yosh oraligʻidagi yetakchilar, eko-teologiya boʻyicha talabalar, ekologlar, jamoat faollari va yosh mutaxassislar qatnashishi mumkin;
• Ingliz tilini dasturda qatnashish darajasida bilish lozim;
• Tegishli soha boʻyicha bilim yoki tajribaga ega boʻlish kerak (atrof-muhit, din, jamiyat boshqaruvi va boshqalar);
• Mahalliy tarmoqqa (ijtimoiy, professional, diniy va boshqalar) kirish yoki kirish mumkin boʻlgan mahalliy tarmoqlardan foydalanishga tayyor boʻlish lozim.

Eslatma: Ingliz tili boʻyicha til bilish sertifikati majburiy emas. Biroq xalqaro miqyosda tan olingan IELTS, TOEFL, CAE va boshqa shu turdagi sertifikatlarni taqdim etish tavsiya etiladi.

Dastur talablari bilan batafsil ushbu havola orqali tanishib qish lozim.

• Havo qatnovi, viza toʻlovlari, turar-joy va ovqatlanish xarajatlari toʻliq qoplanadi;
• Soha boʻyicha taniqli mutaxassislar tomonidan bilim beriladi;
• Dastur davomida iqlim boʻyicha loyihalar ishlab chiqishni oʻrgatiladi.

Dasturda qatnashishni istaganlar ushbu havola orqali ariza topshirishlari mumkin. Nomzodlarning dasturga muvofiqligini baholashdan tashqari onlayn arizada ularning koʻnikmasi, dasturda qatnashishni ruhlantirgan sabab va tegishli akademik/professional/volontyorlik va yetakchilik tajribasiga oid savollar mavjud.

Saralangan ishtirokchilar bilan onlayn suhbat uchun bogʻlaniladi (40-60 min). Suhbatdan muvaffaqiyatli oʻtganlar 7 kun ichida oʻz tavsiyanomasini info@faithforourplanet.org elektron pochta manziliga yuborishi kerak boʻladi.

Tavsiyanomada quyidagi maʼlumotlar koʻrsatilishi lozim:

• Tavsiya beruvchi va nomzodning aloqa maʼlumotlari: elektron pochta, telefon raqami, ish manzili va boshqalar;
• Ishtirokchi bilan bir-birini qancha vaqtdan beri bilishi;
• Ariza beruvchining yetakchilik, tarmoq va boshqa shaxslararo munosabatlardagi koʻnikmasi haqida qisqacha maʼlumot;
• Talabgorni bilish darajasi (masalan: taʼlim, volontyorlik, kasbiy, diniy va hokazo);
• Nomzodning yetakchilik, shaxslararo munosabati va ish joyidagi oldingi koʻrsatkichlari haqida qisqacha maʼlumot.

Muhim: Gʻolib deb topilgan nomzodlar elektron pochta orqali xabardor qilinadi.

• Dasturga hujjat topshirish uchun oxirgi muddat: 31-avgust, 2024-yil;
• Saralanganlar oʻrtasida 2024-yil 10-noyabrdan 31-dekabrgacha suhbat oʻtkaziladi;
• Natijalar 2025-yil yanvar oyida eʼlon qilinadi;
• Email: info@faithforourplanet.org.

Quyidagi ijtimoiy tarmoqlar orqali qoʻshimcha maʼlumot olish mumkin:

• Twitter;
• Facebook;
• YouTube;
• Linkedin.